السلام عليكم..من عضو جديد

[hakeemo]

الشمر اسمه باليونانى ماراثورن يعنى عشب التخسيس ..وده بطريقه ادرار البول و تنظيم الشاهية و الهرمونات ومشهور جدا فى اوروبا ..

[hakeemo]

للاخت اللى سالت عن العياده انا مش طبيب انا صيدلى ممارس للاعشاب ...بس فى لنك ممكن تستفيدو منه او الايميل طبعا بعد اذن الادارة
*********

[♥أم عبد الله♥]

مهم قراءته قبل كتابه موضوع ارجو من الجميع الدخول
http://lakii.com/vb/showthread.php?t=258976

[hakeemo]

فعلا اسف يا اخت ام عبد الله بس فكرته عادى لانى بكتب فى جروبس كتير ...و لو مش عازانى اكتب بس قولى لى مش محتاجة الغاء و لا حاجة ...شكرا

[lola tarek]

اخ حكيم معلش انا كنت حابة اسالك عن اقراص الشاي الاخضر هي فعلا فعالة فى التخسيس ولا لا ؟
وياريت تقولي فوايدها وكمان عيوبها وياترى تنفع اي حد ياخدها ولا فيه محاذير على حالات معينة ولك جزيل الشكر

[رانيا المصرية]

لم ترد على الأخت التى تسأل عن دور بذر الكتان فى التخسيس وما هى طريقة أستخدامها وكميتها المناسبة. جزاك الله خيرا

[TOOTI]

حياك الله يا اخي

[hakeemo]

الاخت لولا اسف على التاخير ...بس كنت خرجت من النت ...شوفى يا ستى و الله الابحاث بتؤيد جدا استخدام الشاى الاخضر فى التخسيس واللى قريته انه هوة بيسرع اكسدة الدهون و بالتالى هدمها (مش هضمها)..كمان معدل الانتاج الحرارى طبعا ده كله تاثير الكافيين ...بعض الابحاث الجديدة بتقول انه بيقلل امتصاص الكربوهيدرات من الامعاء ..وعلشان كده احنا بندىه كمساعد فى حالات السكر ...وبعض الابحاث بتؤيد كدة ....طبعا مشاكله هية مشاكل الكافيين لو فى حاجة فى القلب او الجهاز العصبى ارق مثلا يعنى او قلق او كدة ..والضغط طبعا ..بس هوة فى الحدود المعقولة امن جدا زى مبتقول هيئة الغذاء و الدواء..اما عن النتيجة فده امر يختلف من شخص لاخر لانى زى مقلت التخسيس ثلاثى الابعاد ..بس ثقى لو ثبتى البعدين الاولين هيجيب نتايج كويسه ز.بس لازم تلاحظى انه مدر للبول شويه فلو زاد البول متخافيش او تقلقى علشان ناس كتير سكريين بيقولو البول زاد و يخافو.......وشكرا ليكى

[hakeemo]

الاخت رانيا و الله ماخدتش بالى من السؤال لسه شايفه ....شوفى يا ستى بذور الكتان ده عالم لوحده ...بالنسبه للتخسيس هيه مصدر رائع للالياف اللى بتحسس بالشبع لو تعرفى ان ربع كوباية بتدى 20 جم فايبرس وده طبعا بيحسس بالشبع جدا ...يعنى الست لازم تاخد معلقتين كبار قبل الوجبة الاساسية بساعه على الاقل ..وتشرب بعدها 3-5 كوب ماء ...ولو مقدرتش تقلل شويه ...بعضهم بيقول انه بيسرع حرق الدهون بس انا مش مع الموضوع ده ومفيش ابحاث على كدة
شكرا اختى العزيزة

[lola tarek]

الف شكر يادكتور حكيم على التوضيح بس بيقولوا ان اقراص الشاي الاخضر بتعادل 20 او 10 امواب مش عارفة بالظبط من اكواب الشاي الاخضر واللي بيكون ضغطها واطي ممكن الحبوب دي تتعبها؟
انا عارفة اني تقلت عليك بس الواحد نادرا مابيقابل حد فاهم ودارس مظبوط عالنت