وصفــــــــــــات شهيه متجددة بسعرات حراريه قليله ,,, وســــــــــام التميـز ,,,

[لـــمـــووو]

الله يبارك فيك حبيبتي
اطباق رااااااااااااااااائعة ومفيدة
الله لايحرمنا من ابداعاتك



اذا بدك تغيري العنوان اوكية بس اكتبية وانا اغيرة

[سراء]

السلام عليكم ورحمة الله وبركاته
الله يجزاك خير000000راااااااااااااااائعه

[ROZALENDA]

أخت لمووووووو
تسلمي حبيبتي على الدعوه الحلوه ولا يحرمنا من طلاتك الحلوه علينا
الإسم متل ما بحبي ما بتفرق المهم العضوات يعرفو المضمون ويستفيدو منه مثلا ( وصفات شهيه بسعرات حراريه قليله )
أو ( أستمتعي بالأكل واخسري وزن ) يعني اللي بتشوفيه حبيبتي مااااااااا بتفرق
أخت سراء
مرورك الأروع حبيبتي وتابعيني فعندي المزيد
وينكم يا بنات اكثر الردود هيه ردودي ما حدا مهتم بالريجيم من عضوات المنتدى
الوصفه القادمه هيه الفلفل المحشي وهي الوصفه بدون نشويات وتنفع للي ريجيمها بدون نشويات على الغدا وقلت على الغدا لأني ضد وضد وضد ازالة النشويات بشكل نهائي من الحميه لأنه الجسم بيحتاجها وازالتها تؤدي الى الملل وترك الحميه بزمن قياسي
بس ماااااااااااا رح نزلها حتى حس انكم فعلا مستفيدين من هالوصفات وانها قدمت لكم افكار جديده مع اني بكره هالإسلوب بس صراحه الموضوع بياخد مني وقت لأني انا والتكنولوجيا ضراير ويادوب على قدي
والقو نظره على عدد الزيارات بالنسبه لعدد الردود بتعذروني
ودمتم بصحة وعافيه

[Homa]

غاليتيROZALENDA

انا عايشه في كندا كمان وعايزه اعرف طريقتك في انزالك ال45 كيلو بليززززززز لانه انا في حاله يرثي لها ارجوكي وريني

واكلاتك لذيذه تسلم ايدك

[em morad]

جزاك الله خيرا

Thank you so much your diet recipes so good actually good for us because we eat this and that and become like a balloon thank you so much

[ROZALENDA]

عزيزتي HOMA
اللي عملته ببساطه خففت الأكل ( وابتعدت عن ريجيمات التجويع ) وساعة رياضه باليوم مشي سريع بالبدايه وبعدين تحولت للركد بالتدريج وحاليا والحمدلله بركد ساعه كل يوم بدون ما حس باللإنهاك وكمان كنت اعمل شوية رياضه بس مؤخرا ركد بس بسبب ضيق الوقت اما عن الريجيم بالتفصيل ان شاءالله بكتبه بموضوع منفصل قريبا والله من زمان نفسي اكتبه والبنات يستفيدو منه بس وقتي صعب كتير بس كرمالك حبيبتي انتظريني قريبا
أخت em morad
أهلا وسهلا بمرورك والحكايه بس بدها شوية تغيير بعادات الطبخ وان شاءالله لا بالونات ولا تفاحات شكرا على مرورك
راجعتلكم مع الوصفه التالته

[ROZALENDA]

السلام عليكم ورحمة الله وبركاته
كيفكم يا رشيقات المنتدى ياترى حدا جرب الوصفات
هي الوصفه انا بحبها كتير لأني من كتر ما اكلت لحومات زهقت منها وبلاقي هي الوصفه تغيير وبنفس الوقت لذيذه وفيها بروتين بيغني عن اللحومات وسدقوني حتى أهل البيت بياكلوها معي والأولاد اللي ما بياكلو خضار شكلها مغري والخضار فيها ما بتبان كتير بحبو طعمها وبياكلوها بدون ما يحسو شو فيها خصوصا اذا عملتي جنبها فتوش يمي يمي
نبدأ بالصوره
[/IMG]

كيف عجبكم الطعم الله يجعله صحتين وهنا يالله بشوفكم بالوصفه رقم 4 سلاااااام
























































لا عم امزح هي الطريقه مع المقادير
أول شيء حضري صينية الكب كيك وجيبي الفلفل اقطعي من فوق وفرغيه من البذر وحطي كل وحده طبعا لحالها بصينية الكب كيك
بعدين حيلزمك كيس خضار متلجه عبي كل فلفله بالخضار على قد ما تقدري
على جنب اخفقي 4 بيضات مع نص كوب حليب قليل الدسم وبهارات على ذوقك مع بودرة بصل وشوي بودرة ثوم ( هي بترجع لذوقك انا مثلا بضيف بس فلفل وبودرة بصل وبودرة توم بدون بهارات )
عبي الفلفل بمزيج البيض وانتبهي تخليها واقفه بشكل شاقولي تماما حتى ما ينكب البيض منها ودخليها الفرن وبعد ما تستوي طلعيها من الفرن ورشي على الوجه جبنة موزاريلا أو تشيدر قليلة الدسم ورجعيها الفرن من فوق بس خمس دقايق أو حتى تتحمر شوي انا يومها كنت مستعجله وما استنيت تتحمر
ملاحظات
حتى لو انكب منها بيض ما تخافي ما بتخرب بضل طعمها وشكلها حلو
للمره المليون يا بنات حاولي تستغني عن الملح يمكن تلاقيها صعبه بالبدايه بس بعدين حتتعودي على الأقل على ملح قليل جدا
بهالوصفه الموضوع صعب شوي لأنه ما بدك تكتري جبنه بسبب سعراتها الحراريه المرتفعه يعني مافي بديل يعطيكي طعم الملح فإذا كان ولا بد اضيفي شوييييه ملح بس على خلطة البيض بس اذا بدك تقدميها للناس طبعا أضيفي الملح وخلي شوي على جنب الك بدون ملح وإالا بيقلولك مين اللي عطاكي هالوصفه الله لا يعطيها العافيه فوق تعبها وساعتها بزعل كتير
وصحتين وهنا

[ROZALENDA]

نسيت أشكرك أخت لموووو على تغيير عنوان الموضوع سلمت الأيادي عزيزتي وجزاك الله خيرا

[طيـــف]

رهييييييييييبه يارووووز
جد وصفه بتجننننننننننننننننن
انا لازم اسويها
لاني ماباكل الخضار وبهالطريقه اغرررتيني اكلها

جد رائعه رائعه رائعه

[em morad]

السلام عليكم ورحمة الله وبركاته Actually this recipe is so good I will try it soon especially I am on diet now thank you so much if you can tell me the way you write in arabic I am live in USA and I am try many way to write in arabic but It didnot work with me thank you so much.