صباح الخير وجمعة مباركة للجميع
يومياتي امس:
اول ما وصلت من الدوام حضرت بنتي عشان توخدها سلفتي على دورة الحركة.. وبديت بسلق اللحمة (عملت امبارح رز ولبن امه).. وخلال سلق اللحمة غسلت مناشف ملونة وضبيت الغسيل المنشور وابتديت ارتب بغرفة المعيشة.. صار الوقت اني اروح اروح بنتي من الدورة اخدت ابني معي وروحت ابن سلفي على البيت ورحت على صندوق المرضى عشان اعطي بنتي التطعيم التاني للانفلونزا..
رجعت عالبيت كملت ترتيب غرفة المعيشة وكنستها مع المدخل.. وكملت الرز ولبن امه.. وغسلت زوم اواعي فاتحة ونشرتهم..
شطبت المطبخ من جلي وتلييف الغاز ومسح الكاونترات
ونظفت الحمام عالسريع
اجا جوزي تعشينا ورجعت جليت الجليات وخلص ما عدتش اقدر.. قعدت على التلفزيون وطبقت الغسيل ورجعته على الخزاين
كتبت بواسطة
nono84
ربنا يزرقك يا لانا بالحمل السليم يارب ويكون من الزريه الصالحه ااااااااااااامييين
امين يا رب
تسلمي حبيبتي
كتبت بواسطة
بنت الموووت
الف الف مبروك الجزاء الثالث وعسى الل يوفقكم ان شاء الله متابعه لكم وان شاء الله بنظم معاكم
اهلا وسهلا فيكي معنا
كتبت بواسطة
فدى القدس
مبروووك الجزء الثالث انا حابة شارك معكن حتى اتشجع يا ريت ترحبو فيني
انا عمري 21 سنة متزوجة وعندي ولد عمرو سنة بدرس بالجامعة سنة 3
انا اليوم ضبيت غسيل امبارح وصفتو بالخزانة ونشرت غسيل اليوم
شلت الجاجة من الفريزر حتى اطبخ مقلوبة
بلشت بغرفة النوم والصالون وبعدين جليت فطور زوجي
وكنست كل الدار بمكنسة الكهربا
وبلشت اعمل الغدا
ونيمت ابني وقعدت ادرس حتى روح زوجي من الشغل
غديتو وجليت الجلي وقعدت عالنت
يعطيكي العافية يا قمرة
كتبت بواسطة
فرح الإسلام
بنات مبرووووووووووك الجزء التالت
ياريت تعذروني عن عدم حضوري
ولا تنسوني من دعواتكم
اهلين فيري.. اشتقتلك كتييير.. شو اخبارك؟؟
الله ينولك اللي ببالك يا رب
كتبت بواسطة
zenoubia3
أهلين حبيباتي
بعرف إني وعدتكون إنضم اإلكون بس اليوم ما فتت عا النت نهائيا
لأني اليوم كنت كتير مشغولة أصلو زوجي راجع من السفر اليوم بعد غياب شهر كامل عن البيت فكان لازم كمل الشي الي فاضلي من مشوار الأشغال العمومية أه قصدي المنزلية هههههه
أنا اليوم صحيت بكير ,أول شي إتصلت على زوجي في السكايب و إطمنت عليه و تأكدت منو عن موعد الطيارة مشان زبط أموري على هداك الموعد,و بعدين نزلت سويت الفطور و فطرت أنا و حماتي ,و بعدا جليت الجليات و نظفت المطبخ من مجاميعو و مسحت الأرضية,و إنتقلت لباقي البيت رتبتو منيح و نضفتو بالكامل " الصالون و الغرف و الحمامات كلها "3"و أرض لديار الكبيرة أما الغداء فحماتي هي الي طبخت اليوم الله يخليلي ياها،و هلا إجا دوري لكمل الي ناقص من تحضيراتي الشخصية لإستقبال زوجي الغالي الله يوصلو بالسلامة فعملت الحنة على إيدي و إستنيتها لحت زبطت منيح ما بحكيلكون طلعت تجنن,و بعدها إجا وقت العشاء جهزتو و تركتو عا النار و رحت مشان أخدلي شاور عا السريع و رجعت كملت الطبيخ وجليت .طبعا غرفة النوم تبعي عملتها يوم خاص فيها و صارت متل الفل..
و بعد ما كملت شغلي كلو صففت شعري و تزينت و قاعدة إستنى رجعت أغلى الحبايب و بها الوقت قلت لأجي و إطمن عليكون و خبركون شو عملت اليوم و بدي ياكون تدعولي إنو الله يرجعلي زوجي بالسلامة إنشاء الله
ان شاء الله يكون جوزك رجعلك بالسلامة..
ربي يوفقك مع جوزك ويجعلك قرة عين له
كتبت بواسطة
0 طيبة القلب0
صباحكم فل وياسمين وطاعة وعبادة
جمعة مباركة على كل الحلوين
مرحبا بكي فدى ربنا يعينك محتاجة فعلا تنظيم للوقت علشان مذاكرتك
بس حاولي تجتهدي فعلا فيها حتى تخلصي بسرعة لان كلما مر الوقت انشغلتي اكتر بس ايضا لا تنسي شغل البيت
زنوبيا ...شكلك فلسطينية او شامية من لهجتك ...صح؟
واكيد انت الفائزة امس حتى من غير ما تحكي لان كلنا بنعرف ان اللي زوجها قادم من سفر بتتحرك كيف في البيت
ولازم يكون كله تمام من نظافة وريحة واكل وووووو
ربنا يسعدكم مع بعض ويخليلك حماتك ويرزقك الذرية الصالحة ويعطيك ما تتمني في الدنيا والاخرة
حبيبتي فرح الاسلام ....كدة انا ادخل المملكة واجدك تغيبي عنها ؟احنا بندعي كل يوم لاخت من الاخوات احسنت العمل في بيتها ولكن
لكي الدعاء موصول دائما وربنا يكرمك ويبارك في وقتك وعملك وزوجك واولادك
صباح الانوار.. دعواتك كتير حلوة
الله يوفقك حبيبتي
الروابط المفضلة