" عروسات المستقبل تعالوا اقولكم".. جزء ( 3 )

[سومة11]

السلام عليكم


هنود يا قمر
الصمت أبلغ من الكلام مش عارفه اشكر حضرتك ازاي
انا والله سجلت في المنتدى بسببك
ربنا يجعل كل كلامك في موازين حسناتك



بس معلش لو هغلس عليكي
عاوزة اعرف ازاي اعمل حمام مغربي في البيت لان مينفعش اروح مركز تجميل حتى لو كانت اللي هتعمل واحدة لانه لايجوز اصلا
وبعدين مكلف كمان ..
الله يكرمك عاوزة اعرف ازاي اعمله في البيت ؟؟

[basbosa.2]

هنوده عايزة اسالك تعرفى فى ماركات الكرفتات ودبابيس القميص بتوع الرجالى؟؟؟؟؟؟ عشان عايزة انزل اجيبهم لخطيبى هديه عشان بدله الخطوبه بس عيزاها تكون حاجه قيمه ونظيفه لانها بدله عريس بقىىىىى

وايه متوسط الاسعار....وكمان انهى صناعه كويسه يعنى مثلا ايطالى تركى كده يعنى؟؟؟

وكمان يابنات كلللللللللكم لو حد يعرف يقولى بلييييييييييز

[هنودة هنانيدو]

هنوده حبيبتى مرسى جدااااااااا موضوع النهارده جمييييييل ومفيد وجايب من الاخر

بس والله انا بكلمك النهارده وانا متضايقه جداااااا ومش عارفه اعمل ايه؟؟!!!!!!!!!!!!

انا دايما بستعمل السيلك ابيل لرجلى وايدى بس عملى مشاكل رجلى بقى فيها نقط بنى ومبقيتش ناعمه زى الاول دايما كده ملمسها كان فى جذور شعر طالعه حتى وانا لسه عامله!!!!!!!!!!!!

ولما رحت لدكتوره عشان غمقان الركب قالتلى متستخدميش سيلك ابيل وسويت بسسسسس لانه هيعملك مشاكل وبيخلى الجلد من كتر الاستخدام كده زى جلد البطه!!!!!!!!! انا خفت جدااااا وحاولت اسمع الكلام واعمل بالسويت على قد ما اقدر...وفعلا خليت الشعر كله يطلع فى الرجل وعملته بسويت بس لما طلع كان بياكلنى جدااا ومجرد روس كده بس هى اللى طالعه!!!!!!!! ومش عارفه اعمل ايه.....وعلى فكرة انا بعمل سكرب(سكر+زيت ويتون) او(ملح+ليمون) كل اسبوع

انا نفسى رجلى تكون ناااااااعمه والنقط البنى دى تروح بجد لانى متضايقه جداااااااا والله
وياااااااااارب يكون عندك حل ليا لانى حاسه انى هيجيلى اكتئاب ههههههههههه

وكمان عندى مشكله ان الابط غامقه بس مش كلها هى بس مكان ظهور الشعر...فى حاجه مجربه ومضمونه ليه ولا ايه؟؟؟؟

معلش عارفه انى دوشتك معايا..........بس فعلا زهقانه ومتضايقه جدااااااااااااااااااا

سيلك ابيل اوقات بيتعمل كدا هى موجودة عندى ومجربتهاش الا مرة واحدة السويت احسن طبعا بكتير عشان بقى تخلصى من الشعر الخشن وان رجلك ترجع ناعمة عليكى الاول بالسويت كذا مرة لغاية ما الشعر وجذروه ترجع زى الاول ونفس الوقت الاسكراب استمرى عليه وكل يوم رطبى رجلك بزيت اللوز او فازلين او جليوسليد لان الترطيب بيخلى الشعر ملمسه انعم والبشرة تبقى انعم خلى سيلك ابيل فى الزنقات وبعد الجواز كدا كدا انتى دلوقتى مش حيبقى فيه مشكلة ولو الشعر كان طويل وسبتيه غير بعد الجواز

الابط ابسط حاجة الليمون انك تفركى بيه بس لو بيعملك اى التهاب بلاش تجربيه انا عن نفسى منفعش معايا بس ممكن تحطيه مع جليوسليد وتدهنى قبل ما تنامى

[هنودة هنانيدو]

اوك يا حبيبتى انا لما هروحله الفترة اللى جايه وهفهم منه وهقوله على حكايه
الكورتيزون دى ؟ بس ممكن يكون الكريم ده مرحله تمهيديه للكريم التانى عامة
هقولك على النتيجة أول بأول


يا ستى طمع ايه احنا هنااا كلنا اخوات ...بصى هو جايب نتيجة حلووة بس
بعد كلام هنوودة انا هسئله وأكدلك

ماشى يا ملوكة مستننياك

[هنودة هنانيدو]

ميرسى يا هنوده على معلومه النهارده .. وبجد انافعلا استعملت زيت اللوز المر و كان هااايل بمعنى الكلمه

حسيت ف الفتره مابين الشتا والصيف ان جلدى بدأ يفقد ميه كتير اوى .. ودايما حاساه ناشف .. وبما انى طبعا ملياش ف موضوع الماسكات ولا الكلام دا فسبته سبته سبته لغاااااااااااية من اسبوع ( بجد بشرتى متبهدله معايا ).. اكتر حاجه كانت تعبانى خدودى ..بجد كان ملمسها خشن جداااااااااااااااااا تحسى ان فيها قشور جامده.. او معرفش خشنه كدا ليه
جيت ف يوم قلت لا مينفعش كدا خطيبى على وصول لما يجى يقول عليا ايه ههههههههه (مش بنيجى الا بالعين الحمرا ) .. بدأت قبل ما انام احط كريم البشره ( العادى خالص ) لانى سمعت ان البشره بتستفيد منو اكتر بالليل اثناء النوم .. ولما اصحى م النوم ف فترة الصبح كمان اعمل كدا
ف فتره العصر حطيت زيت لوز مر .. وطبعا شلته بالليل .. والله يانوده عملت زيت اللوز دا مررررررررررررره واحده.. بجد بعده نعووووووووومه غير طبيعيه بالمره .. لدرجه انى كل شويه احط ايدى على وشى مش مصدقه النعومه دى
ماما كمان جربت زيت الخروع على وشها وبعد ما شالته حست ان وشها منور .. ولغاية النهارده ( منيجى اسبوع اهو ) معملتش حاجه وفعلا النعومه لسه زى ماهى

هبدأ اشوف موضوع اسكراب الليمون والملح دا


basbosa.2 ..انا كمان عندى نفس مشكلتك .. ف المنطقه اللى بيطلع فيها الشعر بس تلاقى السمار دا .. والله احيانا لما بشيله وابص ف المرايه ( من بعيد ) بحس انى ولا كأنى عملت حاجه ( حاجه تكسف ) ..ياريت لو فيه مرهم او حاجه تنفع للموضوع دا لان حكاية الخلطات والماسكات بالها طوووووووووويل ومش بيتجيب نتيجه بسرعه

برافوا عليكى ياقمر نصايحك وتجربتك حلوة وزيت اللوز انا بموووووووت فيه وزيت الخروع انا جربته للرموش وكان تحفة

[هنودة هنانيدو]

هنووووودة طبعا حكايه اليوم المحدد ده فكرة جميلة بس مش جديدة عليكى
طبعا هنتبع تعليماتك يا قمر
ويا رب دايما اشوفك فى قمة السعااادة مع زوجك ان شاء الله فى أقرب ووقت
أنا طبعا الحمد لله مداومة على الاسكراب
بستخدم ليكوسيد للركبه وجاب نتيجة جااامدة جداااا
بستخدم جليسوليد للايد من يومين
وبشرتى بتبع تعليم الدكتور والحمدلله تمام
ايه رأيك مش انا تلميذة شطورة يا دكتوررررر هنوودة

براااااااااااااافو ملوكة انتى شطورة كتييييييييير بجد مبسوطة بيكى خالص

[هنودة هنانيدو]

اشمعنى انا ليكوسيد مجابش نتيجه معايا يا هنوده و يا ملوكه ؟

بتعملوا ايه فيه ؟

ممكن يا سوليتير يكون اختلاف بشرة ان بشرتك حساسة

[هنودة هنانيدو]

جزاكي الله خيرا يانودي ربنا يبارك فيكي يارب
هنودة واحدة قالتلي مافيش فرق بين فينوس جيليت والماكنة العاديةالرجالية
هو بس فرق السعر فينوس تقريبا ب18صح؟
اية رايك فية فرق ولا ضحك ع الذقون؟

انا جيبتها امبارح وجربتها النتيجة عادية بس مستنية الشعر يطلع واقولك ايه النتيجة هى فينوس ب 53 جنيه معاها شفرتين

[هنودة هنانيدو]

السلام عليكم

هنود يا قمر
الصمت أبلغ من الكلام مش عارفه اشكر حضرتك ازاي
انا والله سجلت في المنتدى بسببك
ربنا يجعل كل كلامك في موازين حسناتك

بس معلش لو هغلس عليكي
عاوزة اعرف ازاي اعمل حمام مغربي في البيت لان مينفعش اروح مركز تجميل حتى لو كانت اللي هتعمل واحدة لانه لايجوز اصلا
وبعدين مكلف كمان ..
الله يكرمك عاوزة اعرف ازاي اعمله في البيت ؟؟

اهلا اهلا سومة منورنا ياقمر انا فرحانة بكلامك الجميل ويارب نكون كلنا عند حسن ظنك

بصى ياقمر حاقولك على اسهل طريقة للحمام المغربى
الاول محتاجة ليفة مغربية وصابون مغربى موجودين عند عطار موثوق فيه الليفة 20 والصابون 15
حتفتحى السخان فى الحمام وتعملى بخار ماء يملى الحمام وتغسلى جسمك بماء دافية وتجيبى الصابون وتحطيه على كل جسمك وتحت الابط والمنطقة الحساسة وتسبيها على جسمك 5 دقايق كانك حاطة ماسك تمام ؟؟؟

بعد 5 دقايق اغسلى جسمك بمياة دافية وتجيبى الليفة الاول تكونى حاطها فى ماء دافيه عشان تطرى وتستخدنيها انك تفركى كل جسمك من اول رقبتك وخلصى جزء جزء يعنى رقبتك بعد كدا ايدك وهكذا وافركى جامد حتلاقى كل الخلايبا الميتة بتتطلع فى شكل خطوط رفيعة وبعد ما تخلصى كل جسمك من الفرك بالليفة اغسلى جسمك تانى بمياة دافية وقبل ما تخلصى الشاور بتاعك اشطفى جسمك بمياه باردة عشان تقفل المسام وعشان الجلد ميبقاش فيه ترهل بسبب الماء السخنة

بعد ما تنشفى جسمك اهم حاجة يا سومة الترطيب لازم ترطبى جسمك باى كريم او لوشن تحبيه او زيت اللوز او بيبى جونسون وحمام العافية ياقمر واى سؤال انا تحت امرك واسالى براحتك احنا هنا اخواتك

يالالا جربيه وتعالى قولينا النتيجة

[9a7ebat al-smo2]

هلا هنووودة ,, معليش سؤال : انتي تقوولين زيت الزيتوون يمنع طهور الشعر صح؟؟ طيب ليه موجود في وصفاات كثيرة للشعر ,, بس كان هذا اللي محيرني ,,


معليش انا انسانه فضوولية بس احب اعرف ^_^ مو اكثر
سي يوو