** ملف متميز ** السفرة الرمضانية لشهر رمضان يوميا و لجميع الأطباق

[kittygago]

السلام عليكم بنات يا حلوات

العجولة : بعون الله راح نفتحو الملف للحلويات يوم 19 رمضان ... باش نبدو فيه على طول

الوردة الذهبية : ما شاء الله صفيرة تجنن و تحل العين المغمضة

ربنا يبارك في ايدياتك يا رب

و بارك الله فيك على التوضيح بالنسبة للتشيز كيك

و بارك الله فيك على وصفة المحشي القنينة

و بالنسبة للحلف بالنبي ... عندك الحق ... ردو بالكم يا بنات منها ... احلفو بالله و الا ما تحلفوش

و ربنا يعوانه على رضاه


أم السنفور : ربي يحط يدياتك في الجنة

ما شاء الله صفرة عامرة يا ربي

ما تحرميناش منك

روني الحلوة : حبيبة ما شاء الله بارك الله فيك ... الحق نشهد بالله انك واقفة لكل سؤال نسأل فيه ما شاء الله و ربنا يسهلها قدامك كيف ما سهلتيها عليا ... و الحكة حفظت شكلها ... و جاري البحث بعون الله

السلام عليكم
وعجبني واجد السفرة الرمضانية للشهر والطريقة تقديم الاكلات الليبية وانا شاء اللة حااشارك امعاكم قريبا

أهلا و سهلا فيكم نورتو الموضوع يا حبيبات

ليبيا : بارك الله فيك ... ما شاء الله تتبيلة تتبننيها من غير ما ضوقيها و حسيت روحي نشم فيها ... و راح ندعيلك من قبل ما نديرها ... الله يفتحها لك دنيا و آخرة يا رب و ينولك اللي في بالك

أريناس : يا عطيك الصحة على الصفرتين .. ما شاء الله عجبتني الصفرة اللي فيها العصبان

سفهتيني

ماما الاء : ربنا يعاونك و تلقيهم الصور ... دوري مليح ... مرات تلقي النمل قامهم مخزون للشتاء

كان هذا سلامتك فيكم

أم الوليد : ما شاء الله صفرة عامرة ... و باين عليك مرا فالحة و ناشطة و نزوكة ... ربنا يحفظك يا حبيبة و حتى احنا نحبك في الله يا حبيبة

و ربنا يجمعنا بأهل الخير دنيا و آخرة


ابريكة: ما شاء الله سلم هالإيدين يا رب

شن هالحركات الحلوة

ما شاء الله عليك ... ما يطلع منك الا كل شيء حلو يا حبيبة

زينب محمد : الله يبارك فيك و يفتحها قدامك يا رب على الوصفات الحلوة اللي اديري فيها

و ربنا يحفظك

أم تهجد : بسم الله ما شاء الله على الصفرة يا حبيبة

شن الهنزاكة .... محلاك و محلى ماكلتك يا حبيبة

ربنا ما يحرمنا منك

[ابريكه]

نقلت لكمـ بعض هذه الاشكال الجميله..و طريقة صنعها..









































سلة المخبوزات

[kittygago]

حبيباتي ... صفرتي لليوم السابع عشر من شهر رمضان

درت اليوم : شربة + بوريك بطاطا + طاجين مكرونة بالفقاع + كفتة الجزر للغالية زينب محمد الله يبارك فيها ( اللي شجعني عليها الحبيبة ابريكة الله يجازيها كل الخير )

و هذه الصفرة







و هذه الكفتة

و طريقتها على الرابط هذا : تطبيقي لكفتة الجزر للغالية زينب محمد



و هذا بوريك البطاطا



و هذه المكرونة بالفقاع




و ان شاء الله تعجبكم الصفرة اليوم ..... خخخخخخ

[ابريكه]

تسالينا فينا ان شاء الله تعجبنا
حتي هي سفره كيتي تعجبنا ونص وصحه شريبتكم
وان شاء الله ديمه عامره عندك

[kittygago]

يا عيني عليك يا ابريكة يا ام الأفكار

بنحطلكم صورة صونية سيلفر شكلها زي الكب كيك





و أكيد كلكم عرفتوها

شريت منها 24 قطعة ..... لأنه الخميس الجاي عندي حماواتي ديما يجونا كل خميس مع صغارهم

و اني خاطري اندير يا اما حاجة حلوة بالقطعة هذه ليهم كلهم أو حاجة حارة و خاطري نقدمها فيها

بالله عليكم اللي عندها حاجة خفيفة تجي فيها ما تبخلش عليا

لأني نبي انديرها من الإربعاء

باش تكون جاهزة ليوم الخميس

و بارك الله فيكم

و فيه وحدة فيكم سئلتني على شكل السمبوسة اللي ندير فيها مثلثات ممكن ميلا و الا ريحان

هذه شكل المثلث و الدائرة




بالنسبة للدائرة تلقيهم في كل مكان

و بالنسبة للمثلث اني دخت باش لقيتهم

لقيتهم في سوق القادسية بأول سبتمبر

[ابريكه]

كيتي توه نعطيك فكرتي وان شا الله تعجبك والبنات توه حتي هم يردو عليك
بالنسبه لي
افردي عجينه اي عجينه ناحجه عندك واني نقولك عجينه العشر دقائق
افرديها وسطها القالي وطلعي الزوايد بره
طبعا قبله تكوني داهنه القالب بالزيت والبيض زين
واحشيها خضره مقطعه مكعبات ومتبله بالبهارات وعليها شرائح جبنه والزوايد اللي طلعو بره سكري بيهم من فوق وعلي الجبنه كسري دحيتين وسكري بالزوايد
وحطيها بالفرن
وعند التقديم اقلبيها هي شكلها مش غريقه والا غريقه زعمه
والحلو كيكه بس علي طبقات
يعني بيضاء وقهويه باي طريقه تنجح معاك
وبعد تقلبيها زينها واتفنني فيها بالكريمه والفواكه او بالمكسرات انتي مبدعه وابدعي فيها

[ليبيا قلبى]

ماشاء الله
تسلم ايدك ياعسل

[ابريكه]

كيتي حتي رز حلو فيها بعد تقلبيه وتزينيه من فوق بالمكسرات

[libyaa2]

ماشاء الله عليك يا كيتي وصحيتي على الدعوات
نبي نقولكم معلومه واكيد منكم عارفينها بس زياده الخير خيرين
اللحم لما تبو دوبوه ماتحوطوشي في ميه سخونه لا
روشو عليه ملح لان الملح يدوب التلج وحيدوب اللحم بسرعه بادن الله
عارفه المعلومه قديمه بس حبيت ندكركم بيها سلام

[libyaa2]

بريكه اما عليك افكار
منوره حبيبتي