حوار مفتوح خاص لاعضاء دوره الرخصه الدوليه للحاسب الالى

[votvot]

ألف سلامة للوالد انشاء الله تتطمني عليه وتطمنينا

انا مع الأخوات في اللي بيقولوه انا ابتدأت أحس انه كتير عليا بالذات مع دخول الأجازات و وجود الأولاد في البيت والسفر حيبقي كتيرعليا وبالذات انا نفسي أكمل في الدورتين فرأيي إن نخلي درس واحد لكل دورة حتي لو الوقت طول احنا استنينا كتير فمفيش مشكلة لو استنينا شهرين تلاتة كمان ورانا ايه؟ ورأيي كمان ياريت كل مثلا درسين تلاتة نعمل مرة مراجعة للدروس اللي فاتت وبعدين كل 6 دروس و كده علشان مانخلصش الواجب من هنا وننسي من هنا

وشكرا وألف سلامة للوالد

[الحيـاة أمـل]

السلام عليكم ورحمة الله وبركاته

الله يشفي الوالد أختي الكريمة ويبارك لكم في عمره

قلوبنا كلنا معك أختي الغالية

[زهور مصرية]

السلام عليكم ورحمة الله وبركاته
حبيبتى الف سلامة للوالد وان شاء الله ربنا يشفيه
بارك الله فيكى وجزاكى خيرا

[nad]

السلام عليكم

اسأل الله العظيم رب العرش الكريم ان يشفي والدك شفاءا لا يغادر سقما طهور ان شاء الله وجعل شفائه عاجل غير آجل واقر عينك بشفاه ان شاء الله آمين
اما بخصوص الدورة اخواتي ما المشكلة في استمرارها برمضان يمكن ان نتابعها صباحا او بعد الفجر لكن اعتقد انه صعب الاستمرار في الدورتين معا

[hanonfanon]

اللهم يشفي والدك وفعلا 4دروس في الاسبوع كثيرة لو درسين فقط كان الاستيعاب والتطبيق افضل وخصوصا مع مشاغل الحياة وجزاك الله خير على مجهودك

[oum ahmad89]

مشتركوا دورة تصميم المواقع فقط

اسمعوا هذا الاقتراح اشرايكم في رمضان نخليه درس واحد
في الاسبوع ,,وبعدين في رمضان الوقت ضيق النوم من الفجر الى الظهر
وبعده شغل في المطبخ ,, وفي المغرب وقت الافطار اظل مع زوجي
يعني ممكن بعد العشاء كم ساعه اكون فاضيه
معليش بنات راعوا ان في ناس مشغولين
وكمان 4 دروس مستحيل ما اقدر كتير وماراح استوعب
درسين ويلا ملحقه

[اسالك الجنه]

طيب باشهندسه ممكن اذا تكرمتى تحسبى لينا ولو حتى بالتقريب
كم باقى من الحصص للدورتان

بحيث لو احدى الدورتان باقى منها حجم معقول وقليل نوعا ممكن نخفض حصصها الى واحده فى الاسبوع
وبذلك تبقى الحصص 3 وليس 4

[votvot]

ياأخوات الله يهديكم انتوا بجد مستعجلين علي إيه ؟ ليه مانمشيش في الدورات على مهلنا سواءا اللي مسجلة في دورة واحدة أو في الدورتين مش أحسن نركز ونستفيد باللي نتعلمه مش نقرأ الدرس ونحل الواجب سريعا وخلاص انا للأسف عملت كده في آخر درس في دورة الآي سي دي إل وزعلانه لأن مش لاقية وقت أحل واجب دورة التصميم لأن فاضل 5 أيام وأسافر ومشغولة في التحضير للسفر ، وبعدين راعوا إن في ناس أول مرة تعرف الحاجات دي و جديدة عليها لأن لاحظت إن في أخوات عندهم فكرة مسبقة فيمكن علشان كده سهل عليهم ، ياجماعة - قليل دائم خير من كثير منقطع - أعتقد كلنا عايزين نستفيد والباشمهندسة باذلة معانا مجهود جبار خسارة يضيع على الفاضي
وشكرا لكم سعة صدركم

[المحبة للرسول]

ألف سلامة على والدك ربنا يشفيه ويعافية ويخليه لكم

أنا شايفة الناس مستعجلين يخلصوا الدروة وطبعاً حلو انهم مهتمين وعايز ينجزوا فى اقصر وقت

بس لاحظوا حاجة مهمة جداً تحضير الدرس بيأخذ مجهود جامد جداً

فمش عايز نضغط عليها ونتعبها وإن شاء الله هنخلص ونستفيد بدون ما نرهقها

ولكم جميعاً منى كل الحب والتقدير

[Eng.E.M.K]

انا بشكر الجميع على دعواتكم لوالدى شفاه الله وعافاه ومرضى المسلمين
اسال الله العظيم الا يريكم مكروها فى عزيز لديكم
-------------------------------------------

انا كدا فهمت من الحوار
ان فى ناس عايزه تقلل الحصص
وناس لا

طبعا انا نبهت فى البدايه على ان اللى تقرر
تاخد الدورتين تستحمل
لانى قولت بلاش دورتين

على العموم
دوره الويندوز باقى عليها حوالى 5 او 6 دروس تقريبا
ودوره التصميم الجزء الاول html باقى عليا تقريبا 6 او 7 دروس

دا تقدير مبدئى وممكن يقل او يزيد لانه فى علم الغيب

واشكرك يا محبه الرسول على احساسك بتعبى
لكن والله طول ما انا شايفه نتيجه لتعبى انا مش بحس انى تعبانه
لكن تعبى بجد لما اجد ان ليس هناك فائده اراها
والحمدلله انا ارى الفائده بام عيناى واحمدالله كثيرا على ذلك

بالنسبه لشهر رمضان انا كان نفسى اخلص الويندوز والوورد قبله
واكيد باذن الله دوره التصميم الجزء الاول منها هيخلص قبل رمضان

اما فى رمضان فاحنا اذا حبيتوا نقف ممكن نقف
او اذا حبيتوا نمشى درس واحد فى الاسبوع

الامر بينكم
وانا عايزه اتفاق على قرار واحد