مرة كان عندي موعد بالمستشفى الصباح
وبنتي عمرها سنتين وكنت مستعجلة ما فطرتها قلت لمن نرجع أو اشتريلها شي من هناك
وإحنا في الانتظار عينا عليها لأنها من النوع الاجتماعي اللي تحب تسولف مع أي أحد وزوجي يولع من كذا
المهم الا فجأة ندور عليها ما انلاقيها ونضرب بعيننا على بعد أمتار نلاقي الأخت واقفة قدام حرمة تاكل كيكة وبدون أي كلمة فاتحة فمها على مصراااااااااااا اااااااااااعيه والحرمة تأكلها زوجي وجهو صار أحمر مدري من الكسوف ولا من القهر .. المهم وأجري آخدها واعتذر للحرمة الا تعطيني الكيكة وأنا انحرجت زيادة
المهم اشرت على زوجي شورة مهببة وقلتلوا روح اشتري كيكه بدالها وأعطيهم
طبعا زوج الحرمة ما رضي يا خذها وقال عيب وما يصير
وانبلشنا في الكيكة وطاحت في الأرض ووسخت ثوب زوجي وانقهر وحصلت بنا مشادة كلامية وزعل كله بسبب كيكة الست الهانم
دحين عمرها 3 سنوات وشوية ولمن نروح للناس تلاقيها تسوي حركات تقهر تطلب طلبات مالها داعي .. يعني من يومين كنت عند ناس والا تجيني موسخة نفسها بحبحب (( بطيخ)) الأخت طبعا طالبته أكيد
ولمن هزئتها الا الناس يقولو عادي خليها ما سوت شي ... طبعا الأسلوب دا ( يفرعن) البنت وعمرها ما حتتعلم الصح من الخطأ...
بس هذا اللي يحضرني اللآن من عمايلها في
الروابط المفضلة