الأمهات الجدد : تعالوا يالا نتجمع هنا_ تم دمج الموضوعين_

[ملك المالكى]

ايه رايكم
نبدا بالتسنين والام التسنين
مين عندها وصفات تخفف الام التسنين
انا الدكتور قاللى اديها مسكن مرتين فى اليوم
بس انا مش عاوزة اعودها عليه
وكمان ممكن مفعوله يروح كدة ومش ياثر فيها
جبتلها عضاضه بس كبيرة على بقها هههههه

[soso*waleed]

ازيكم يا احلى امهات مبروك الملتقى الجديد
انا كنت عاوزة اسألكم عن سرير اطفالكم انتو جبتو سرير مقاس كام؟ وهو هيفضل لحد سن كام؟
ولو انا عاوزة سرير يفضل لسن سنتين ونص تلاتة اجيبه قد ايه؟
هو انا عندى اوضة اطفال بس انا حاليا عند ماما لحد ما جوزى يرجع بالسلامة وعايزة اعودها عليه
وسلامى لكل الامهات الجدد

[soso*waleed]

ايه دة ازيك يا ملوكة ايه اللخبطة دى
دى ميرا فتحت الموضوع تانى
هنعمل ايه؟؟؟؟؟؟؟؟؟؟

[داانيه]

انا ابني ماعرف الا العضاضه وبس
كل مااشوف عضاضه حلوه في السوق الا و اشتريها هههههههههه

الين ماعدا ابني مرحلة التسنين على خير

[sal.mod]

مبروك التجمع الجديد كويس ياملك انك فتحتي موضوع التسنين عشان الموضوع دا معذبني ومعذبها ياريت كل واحدة تقول ايه الاعراض اللي ظهرت على طفلها وكمان كنت عايزة اعرف الاعراض بتستمر لغاية امتى ويظهر السن من اللثة

[Mera]

ملوكه يا حبيبتى ازيك
انتى كنتى قولتى هتغيبى اسبوع عشان كده انا فتحت تجمع تانى لغايه ما انتى ترجعى كده مفتوح لينا تجمعين استقروا على واحد ونلغى التانى

[Mera]

بصراحه يا سوسو انا عملت نفسى ناصحه وقلت اشترى سرير كبير عادى مش سرير اطفال يعنى وزوجى كان معارض جدا وانا قعدت اقوله يعنى سرير الاطفال ده هتنام عليه اد ايه يعنى اكيد كام شهر وخلاص
بس بجد طلع تفكير غلط خالص لانى اول ما جبت السرير اكتشفت انها فعلا مش هتعرف تنام عليه خالص وقلت زوجى فعلا كان عنده حق بس الخبره بقى معلش اول مره اكون ام بقى
فياريت الاخوات يجوبوا على سؤالك عشان كلنا نستفيد

[الأميره همس]

مبروك المرحله التانيه لتجمعنا عقبال المليون ياملوكه.....
انا ابنى على طول حاطط ايده فى فمه زى ما قلت قبل كده بيحطها كلها بس عنده امساك ومش بيعمل براز الا مره واحده بس فى اليوم وبتكون كتيره زى الاسهال.....(معلش لوصف)...وعلى طول متضايق اكتر من قبل كده يعنى ودافى شويه مش اوى ممكن دى تكون اعراض تسنين
طيب انا كنت قريت انه المحلب مفيده فى وقت التسنين ياريت اللى مجربه تقولنا

[جنه_148]

انا لسه فى اول شهر للحمل ينفع اكون معاكم ولا اروح فين ؟؟

[om belal]

اهلااااااااا في التجمع الجدييييييييييد ولله انا بستفيد منه جدا انا اصلا بقالي اسبوع مدخلتش علي النت حسه ان فاتني حاجات كتيره جدا بلال برده تقريبا بيسنن علي طوووول رياله و اي حاجه علي بوئه عدل :] شكله مسخره مش ممكن يمسك ايدي و يشدها علي بئه و رياله مستمره طبعا انا جبتله العضاضه الفيها ميه بس مكتوب عليها ان لو اتخرمت او شرب الميه الفيها او جت لاقدر الله في بئه مفهاش حاجه هي امنة فا اطمنت يعني هما عملين حسابهم هو انا بلال 4 شهور و نص امتي اول سنه تطلع :]؟