الثوره السوريه دماء الشهداء تروي ارض الشام وتطهرها من الفساد

[دينه]

بارك الله فيكم جميعا وجعله بميزان حسناتكم
على هذه المشاعر الطيبه ووحدة المسلمين
اللهم انصر المسلمين في كل مكان

[دينه]

جزاكي الله كل خير ام انوس والله يسمع منك يارب حاج والله هلك الشعب 6 اشهر دبح وقتل واعتقالات ومجازر حسبي الله ونعم الوكيل فيهم

[دينه]

انباء عن انشقاق كبير بدرعا للجيش وقتل اعداد من الشبيحه وجرحهم

[دينه]

[قـمر الشـــــام]

:

السلام عليكم ورحمة الله ..

عذرا ً أخواتي لغيابي وتقصيري في المتابعة ..

وتبقى سوريا في القلوب مهما شغلتنا الظروف ..

دينة الغالية .. جزاك ِ الله خيرا ً لافتتاح الملتقى ..

جعله الله فاتحة خير ونصر بإذن الله ..

كيف الجميع ؟؟

:

[قـمر الشـــــام]

اللهم إن كان بشار يعتز بقوته وأعوانه
فإن عبادك المؤمنين في الشام يعتزون بك وبعونك وقوتك التي لا تقهر
اللهم فانصرهم ولا تخذلهم .. آمين
اللهم ان بشار وحزبه ارونا قوتهم في اخواننا بسوريا
فأرنا ياقوي ويامتين قوتك فيهم
اللهم استجب اللهم استجب

اللهم آمييين ..

جزيت ِ خيرا ً أختي مغتربة .. والشكر موصول لجميع الأخوات هنا ..

اللهم ّ أكرمنا بنصر قريب ..

:

[قـمر الشـــــام]

:

شهداء جمعه الحماية الدولية 09 أيلول 2011

عدي حصرم /جبل الزاوية : /9/9/2011
محمد سامر دكاك /دمشق -ميدان /9/9/2011
عبد الرزاق شاكر المصري/ حمص، باب الدريب /9/9/2011
خالد خرمة/حمص، القصير/9/9/2011
احمد مروان العنتبلي 28/حمص، كرم الزيتون :/9/9/2011
زياد الحفيان/حمص، باب السباع/9/9/2011
علي الفياض 18 سنة/دير الزور، الخسارات/9/9/2011
عبدالغني غزالة / حمص، باب الدريب/ 9/9/2011
احمد مصطفى الحميد/حمص -باب الدريب /9/9/2011
عبد الله حلاق عاما إطلاق نار من قوات الأمن /حمص/9/9/2011
احمد عيد الدرة /ادلب /9/9/2011
محمد عيد الدرية / ادلب/9/9/2011
ربيع عروب /حمص الخالدية 12/9/9/2011 عام اثر اصابته من 3 ايام .
غزوان المبيض /حمص/9/9/2011

:

رحمة الله عليهم أجمعين ..

اللهم ّ تغمدهم برحمتك وأسكنهم فسيح جناتك ..

:

[قـمر الشـــــام]

:

الشهيد البطل " عبد الهادي الدالاتي " قبيل استشهاده ..

رحمة الله عليه

اللهم ّ اقصم ظهر بشار الأسد وزلزل الأرض تحت أقدامه ..

اللهم ّ عليك به وكل من والاه ..

[قـمر الشـــــام]

[syrian girls]

الحركة السورية لدعم حرية التغيير

ماصرلها القصة زمان..

..

كان آخر أيام رمضان وكنا داخلين على عيد ماحدا إلو نفس يفرح فيه..

..

واظبت عالتراويح والفجر لأول مرة بحياتي..

..

كرمال إطلع مع الشباب.ست شهور مرت..

..

ربطنا الليل مع النهار بالمظاهرات

ست شهور والبلد مكركبة....

بكل بيت في عزاء وفي معتقل وفي مصاب..
ست شهور والحكومة عم تعاقبنا جماعي..
ست شهور والعالم عم تصوم ماعم تفطر.عالم تيتمت وعالم ترملت..
عالم عم تمرض ماعم تلاقي سعر الدوا ولاغرف الإسعاف اللي ملوها الأمن..
كل هاد لأنو قررنا لأول مرة بحياتنا نفتح تمنا ونقول شي غير:إلى الأبد وبالروح بالدم

"للأب القائد"
كتيرين من رفقاتي مرضو باليأس والإحباط إنو شو أخرتها؟؟
كل العالم خذلنا..
إنو وبعدين؟؟ مظاهرات وطلعنا..اعتصامات واعملنا..إضرابات ونفذنا..
ملينا الدنيا صوات وعبينا وساءل الإعلام أخبار..والأب القائد مازاد إلا وحشية وإجرام وكذب..
لأيمت راح نضل نموت رخاص؟؟لأيمت بدنا نضل ندير الخد التاني؟؟
أنا كمان تعبت..تعبت متلن ماصرلي متخرج كتير ولسا ما اشتغلت بشهادتي..
"مابعرف إذا راح يصحلي اشتغل فيها بالأصل"
أهلي خايفين عليي خصوصي إني وحيدن..
إبن الجيران كانت جنازتوا من خمس ايام بس..
أخدو قبل إسبوعين رجعوا مشوه وبكيس أسود!!
بفتح عالتلفزيون ..بسمع المزايدات والمتاجرة بدمنا وعلى مصيرنا.
بنصدم بعالم كنت حاططن مثل عليا..
نزلت إربط سباطي لقيت في عليه نقط دم يمكن من هداك الشب اللي حملتو بعد ما تصاوب..
مسحتو وكملت الربط..
وصار وقت الفجر متل بعد كل صلاه (تكبييييير..الله أكبر)
وطلعنا وطلع الأمن والشبيحة..
مظهر صار روتيني كتير بالنسبة لكتيرين من الناس..
واشتغل ضرب الرصاص واشتغل الهريب متل العادة..
بعز هالميمعة صرت اتذكر أول مظاهرة طلعت فيها قبل ست شهور..والله مرئو متل المنام..
عم بتذكر كيف طلعت سرقة أنا وكم واحد من رفقاتي وضلينا نص ساعة متبسمرين بالأرض..
ماعم نقدر نفتح حلقنا من الخوف وأديش أخدت لحتا قدرنا نفتح تمنا وننده مع الشباب (الله..سوريا..حرية وبس..)
كيف بكل حارتنا ماطلع غير 12زلمة..
كيف الباقيين كانو عم يفزعونا ويهاجمونا على طيشنا وكيف نظرات الشك والريبة بلشت تلحقنا بالحارة..
اليوم بحارتنا بس في مظاهرات كل يوم..
وكل وحدة فيها آلاف هنن نفسن اللي كانوا بلحظة خونونا واتهمونا بالطيش والتخريب..
عم اتذكر كمان كيف كنا نتحرق لحتا حدا من القنوات ينقل خبر عننا..
وأديش ضلينا نتذمر لأنو القناه الفلانية مطنشتنا..
وبشوف اليوم كيف كلن عم يتسابقوا لحتا يغطوا أحداثنا..
ما حدا كان يحلم يغير موظف بلدية ولا حتى ماسورة بالشارع..
واليوم العالم أجمعت على تغيير نظام البلد كلو..
يازلمة كيف كانت العالم حتى تخاف تتطلع بصورتو للأب القائد..
وكيف صار هلأ..
بست شهور صار هالحكي..ست شهور صار فيها يلي ماصار بتمانة وأربعين سنة..
لك عجيبة كيف بزماناتو ماتو أربعين ألف واحد دفعة وحدة وما حدا دري فيهن ولا حدا حكا..
واليوم لكل شهيد ومعتقل عرس وقصة ومن ورا ألف مطالب بحقو..
كيف المعتقل كان يطلع عالبيت ميت وهو عايش واليوم عم يطلع حي حتى وهو بقبرو..
هيه هاي التضحيات يلي خلت العالم تطلع..
هيه دم الشهدا وآلام المعذبين يلي خلت العالم يتعلم الدروس ويضرب بنضالنا الأمثلة..
هو صمودنا يلي خلى راس كل سوري مرفوع وفخور..
ست شهور..ست شهور بيسوو ستين قرن..
ست شهور غيروا البلد وبجوز يغيروا العالم..
مافي شي بروح ضياعا كل شي إلو حقو..
نحنا مطلبنا غالي نحنا مطلبنا حرية وكرامة وبلد ومستقبل أفضل..
والغالي كرمالو بنرخص..
ضو الشمس عم يقوا..والهتاف عم يعلى كل ما علا صوت الرصاص..
الضو عم يقوا عم يغبش بعينيي وبأدنيي في صوت رصاص وبإدني صوت رنين..
تطلعت على سباطي في نقط دم حمرا عم تسيل عليه..
راسي صار يفتل..يمكن إجا دوري..
وصار الوقت إني أترك هالمظاهرة..
خبروا إمي إني مارح إقدر إجي عالفطور اليوم..
وإنت يلي سمعتني...
دمي صار أمانة برقبتك وصل رسالتي ورسالتك لكل الكون..
..
هذه القصة قصة كل سوري في سوريا
وهذه أمانة من كل سوري حر