ياسادة ياكرام .. بعد ماسمعتم قصة دودو وصافي وام عبد الرحمن .. جاء دوري انا كمان
باول ايام عيد الاضحى 2008 اتصلوا اهل زوجي انه حيجوا بيتنا زيارة .. كانت اخت زوجي مدرسة(معلمة) مع اختي بنفس المدرسة وكانوا صحبات .. لكن قامت الحرب في غزة وطبعا ماحدى بيفكر بزواج ولا طلاق ولاحتى يضحك ...
مرت الايام وخلصت ابشع ايام مرت علينا حرب ودمار وشهداء واحنا طبعا نسينا الموضوع تماما ...
الايام بتمشي وانا كنت ادور على وظيفة وماحصلت للاسف .. رجعت ادرس بالجامعة سجلت دبلوم تربية .. على اساس اقدم وظيفة بالتعليم .. وبنفس الوقت عملت مشروع صغير خاص فيا (دروس حصوصي للطلاب )ببيت اهلى .. فضيت غرفة ورتبتها وبديت بتلات طلاب وبعد شهرين ساروا تلاتين طالب الحمدلله ( اشتهرت بالمنطقة هههه) .. خلصت الدبلوم وسجلت لرخصة السواقة وخلصتها وسجلت دورة سياقة الحاسوب وخلصتها (يعني ماكنت اقعد اشغل نفسي باي شي ) .. وسجلت للماجستير .. وبهالوقت يجوا عرسان بس بابا بحكم انا اخر العنقود عنده والدلوعة على قولة العيلة كان يحط العريس بالميزان ويطلع كل عيوب العالم فيه ... ( ماتخافوا بس والله بابا طيب اوي )...
بيوم من الايام فات بيتنا تلات عرسان .. ومن ضمنهم زوجي الان ..(( اهلوا رجعوا تانى)) ..
بابا كان موافق على شب غير زوجي .. لانه من ضمن مواصفاته انه قريب من بيتنا (بابا مصر اضل تحت عينه ) ... وزوجي كان مرفوض تماما لانه في مشروع سفر وغربة وبابا خايف عليا هو وماما ... لكن زوجي اصر وكان كل يوم يحكي مع اهلى ويطلب يشوفني ونتكلم مع بعض واقنع بابا سبحان الله ...
وطبعا عملنا خطوبة من غير عريس وقعدت فترة الخطوبة ست شهور كانت كلها عالنت طبعا وسهر للفجر واحنا نحكي بالكام والمايك ... وقضينا رمضان سوى كان احلى رمضان ((كان في فرق توقيت بين غزة ودبي.. يحسب زوجي وقت الادان عنا ويكلمنى قبل ماافطر واكل واشرب اول بق وهو معى عالخط)) ونزل من دبي للفرح ونزوجنا وقضينا تلات شهور عسل ببيت على البحر بيجنن .. وسافرنا دبي وكنت حامل بخالد .. وبعدين اجى خالد وملا علينا البيت دوشة وعصبية وصراخ بعد الهدوء والسكينة والرواق هههه....
قعدت ست شهور مع زوجي بنفترة الخطوبة اشوفه بس بالكام عالنت .. ويوم مانزل غزة ياترى كيف كان اللقاء؟؟؟!!! تابعونا بعد الفاصل ههه
الروابط المفضلة