جلسة سمر سودانية علي مقرن النيلين حبابكم مليار اتفضلوا لجوة (25)

[بت كردفان]

بسم الله والصلاة على رسول الله
وسلام بنوت سلام
الشوق كومايات
بس نقول شنو مع امتحانات البنوت
مافي طريقة القى اللابتوب لحظة عشان اطل واسلم
الحمد لله اليوم لقيت فرصة
كيفكم يا بنات وكيف وليداتكم واهلكم علكم بخير جميعا
والالفة شنو يعني ما تشوفي لينا طريقة مرافقه معاكم
ما محتاجه دادة ؟
البنات قيدني حتى لابوهم ما قادرة امشي
واحدة في اجازة التانيه جامعتها شغالة اصلو ما اتفقت اجازاتهم
الله يكون في العون قلنا يكبروا نتحل بالعكس المسؤليات كبرت معاهم
فتكن بعافيه

[ام العزاز]

سلام وعوافي على الفي والمافي
الفتنا حمد لله على السلامة ويارب اجازة سعيده اتفسحي لينا معاك نحن السنة دي لبدان
بتنا ربنا يوفق البنات يارب ويرزقهم بالازواج الصالحين عشان تتفرغي لابوهم
انا زاتي الايام الفاتت دي كنت مشغولة شوية مع البنات جري السوق وتجهيزات امبارح كانت حفلة نهاية السنة بتاعتهم والحمد لله ربنا أقر عيونا بتفوقهم نسأل الله لأولادنا جميعا السداد في الدارين يارب
ودعتكن لرب الوداعة

[بت كردفان]

الف الف مبرووووووووووك ايوووووووووي وانشاء الله دايما متفوقين يا ام العز وتشوفيهم
عرسان كلهم وتحضري وابوهم جديد عيالهم
عندنا شنو يا اختي غير نسهر على راحتهم واملنا نشوفهم سعداء وبصحة وعافيه
ترى نحن برانا في الضرا انشوف آخرتها
والالفة بتكون سافرت يا ربي ؟

[ام العزاز]

الله يديك العافية يابتنا ويسلمك من كل شر
ويفرحك بشبابك يارب
ألفتنا صحي قامت ولا لسه
والله الحوش اليومين ديل داير ليه صيانة عديل
البنات ديل مالهم والباقي عليهم شنو
اهااا ودعتكن لله
ان شاء الله الليلة ماشين على مدينة المصطفى عليه افضل الصلاة والسلام
عم العيال حيعمل عمليه دعواتكم ليه بالشفاء

واكيد اعطر الدعوات الصالحات من القلب ليكم ياغاليات

استودعكن الله الذي لاتضيع ودائعه

لااله الا الله __________

[بت كردفان]

سلام ام العزاز سلام
عاد ما بوصوك على الدعوات وخاصة لاختي
وولدي في الغربة ودي السنة الاخيرة في امتحاناته
والبنات بالازواج الصالحين
ربنا يشفي عم العيال شفاءا تاما وعاجلا
وتمشو وتجو بالسلامة
وبلغوا منا السلام للحبيب المصطفى
صل الله عليه وآله وصحبه وسلم

[رهوفة العسل]

صباحاتكم ندية ومشرقة
الف مبروك ام العزاز لتفوق أولادك
ويارب تشوفيهم متخرجين من الجامعات
وربنا يشفي عمكم وادعي لينا معاكي

بتنا الغالية كيفك ان شاء الله تفرحي بنجاحهم وبزواجم يارب وتفضي للفسح مع أبو الشباب

أنا باذن الله علي نص الأسبوع الجاي بسافر يمكن الثلاثاء أو الأربعاء وشايلة هم التجهيزات ربنا يسهل ادعو لي

كل الغايبين الشوق بحور اظهروا علينا

[بت كردفان]

سلام بنوت سلام
منوره الفتنا العسل
واجازة موفقة باذن الكريم
ياليت كنا معاكم بس نقول شنو
نمر عليك باذن الله قبل السفر
شوفو البنات ديل تمشي وتجي لازم يتعاقبن على الغياب
ومافي اي عذر ولا اورنيك مفهوم
وربنا يرجعكم بالسلام يا رب

[ام العزاز]

بتنا وألفتنا الغاليات
ربنا يديكم العافيه ويسهل اموركم يااارب
اكيد مانسيتكم وكل الغاليات من الدعوات ربنا يتقبل منا ومنكم صالح الاعمال
ورحلة واجازة موفقة أم رهوفة اتفسحوا لينا معاكم نحن السنة دي لبدااان مع رطوبة جدة
وبتنا رايك شنو تمسكي موقتا لحدي ماترجع ألفتنا خخخخ عشان تهرشي لينا البنوت ديل
ودعتكن لرب الوداعة

[ام العزاز]

مغلق للصيانة في الاجااازة

[tegeety]

سلالالالالالالالالالالالالالالام كتيييييييييييييير
وشوق كبيييييييييييييييييييييييييير
والله عندى ربو مبالغة
والجو زايد على الازمة زيادة
عليكم الله ادعو لى بالشفا

والف مبارك النجاح ام العزاز ان شاءالله تشوفيهم فى اعلى المراتب دنيا واخرة
ورحلة وزيارة مقبولة بإذن الله



بت كردفان الغرة

كيفك وكيف البنات ان شاءالله تمام؟
قولى للدكتورة خالتك قالت ليك شوفى ليها علاج للازمة والربو


رهوفة رحلة موفقة ربنا يسعدكم فيها ان شاءالله وترجعوا بالسلامة

والبقية تحياتى