ركن الجمال المغربي.. للمغربيات و لكل الاخوات.. الجزء 27

[sihamsami]

هي غتشرفينا حتا نتينا في كازا
مرحبا بيك عندنا وإن شاء الله تفوجي شوية
فاتن ، مرحبا أختي

[همسات شجن]

السلام عليكم روائح الجنة لاباس عليك انا عضوة جديدة معاكم او يالله تعرفت على سهام حاسة بكم اكثر من خواتاتي و الله حتى رتاحيت ليكم بزاف

[روائح الجنة]

ان شاء الله الزين

الى الوالد هداه الله وخرجنا خلاص قبل مايخرج شهر 8

[روائح الجنة]

همسات شجن

وعليكم السلام الزين

ومرحبا بيك اخت جديدة

والله اختي الى كلنا عندنا نفس الشعور

كيف ما هاذ الركن جمعنا ننسال الله ان يجمعنا في الفردوس الاعلى يارب

[sihamsami]

ياربي آمين شحال زوينة هاد الدعيوة
روائح الجنة كيفاش كتعمي توقيع فيه إسمك ، بغيت نعملو ولكن معرفتش ؟
همسات شجن ، فين كتغيبي ؟ ماشي مشكل لمهم رجعت
وحتا حنا معتابرينك وحدة منا وختنا ومرتاحين في الكلام معاك الله يديم المحبة في الله

[روائح الجنة]

سهام

خاصكـ برنامج الفوتوشوب

الى معندكش نقدر انا نعملو ليكـ راه عندي

غير عطيني شي تصويرة بغيتيها او انا نعملو ليكـ على ذوقي

[همسات شجن]

يا رب اميـــــــــــــــــــــــــــــــــــــــــــــــ ـــــــــــــــن
أحسن دعوة كنسمعها هاد النهار
سهام انا غير هنا مع الخدمة مكانسليش حتى نكون فدار ان شاء الله اونديرو شي قصارة هي هاديك

[sihamsami]

روائح الجنة ، واخا غنقلب على شي صورة زوينة ونعطك تعمليه لي لى ذوقك الرفيع
همسات شجن ، إن شاء الله أزين ، فاش خدامة لي باقا حتال دابا ممشيتي للدار ؟ ؤسمحيلي إلى كان فضول مني ههههه

[همسات شجن]

هانية اختي اي حاجة بغيتي تعرفيها سولي عليها حنا خوت خدامة فواحد سوندر ديال لغات يالله بديت معاهم دابة 10ايام كنخدم من 8:30 حتا ل1:00 او من 3:00 حتى 9:15 دعيو معاي الله يصبرني كنوسل مسخسخة للدار

[روائح الجنة]

همسات شجن

الله يسمعكـ مااحسن منها كل يوم يارب

سهام
واخا الزين