للبحث في شبكة لكِ النسائية:
|
[center]السلام عليكم
نداء إلى الاخت ميمي
حسك سفهتيني ياخويتي
بالسلطة الروسية وسلطة الخضار المشكلة وسلطة الخضراوات ياريت تنزليهم وبالمرة سألتك على عجينة البوريك شن أسمها
عليك حشمة الصفحة كلها محتلتها أني وحدة قصقاصه
آخر مرة عدل بواسطة ميلا : 09-09-2009 في 03:08 AM
ااختي ميلا
السلطه الروسيه
جزر بطاطا بازلياء حب
اولا تسلقي البطاطا والجزر والا اتبوخيهم
وبعدها تقطعيهم مكعبات واضيفيلهم كبات البازلياء امتاعت الحكه
وتخلطيهم وادريهم ملح ومايونيز
وتزينهم بشرائح البيض المسلوق
ونعناع وتفنني بزينه الطبق
وفي النص دري زي الورده بورق المعندوس
وهذه طريقتها وتوه ترد عليك المبدعه ميمي وتعطيك طريقتها
[/CENTER]
هدوء طفلة : مرحبتين يا حبيبة و نورتي موضوعنا يا غالية
و ما شاء الله على الصفرة ما شاء الله
اتمنيتك من أول يوم معانا ... لأنه باين عليك فالحة ماشاء الله
صفرة دايمة
هناء و خالد : سلم هالهنو يا ربي
اول ما ريت امبطن الباذنجان مدايرتيه الحق جيه في خاطري ... لين الحبيبة شانتال دارت طريقته ... قلت خلاص البنات بيبدو يديرو فيه و بيقولو مش عادي و بيخلوني نتخايل فيه قدامي .... شمرت درعاني و درته طوالي
ما شاء الله الحق
حرة : بالنسبة للحريرة يا حرة و هي كلآتي ( على فكرة واخدتها هنا من مطبخ لكي و ليس منتدى لكي )
لحم مقطع تقطيع شربة + طماطم أخضر ضاربتيه مع ماء في الخلاط + حمص + 2 ملعقة عدس + ما يملى ايدك كسبر و كرفس أخضر مفرومين ناعمين + بصلة مفرومة + كوب شعيرية + شوية طماطم حكة ( اني استغنيت عليه ) + ملعقتين سمن + ملح + ملعقة صغيرة بزار + فلفل اسود + ملعقة كبيرة زنجبيل + رشة قرفة + شوية زيت + دقيق ابيض
الطريقة :
نضع اللحم و الحمص و الطماطم الأخضر المضروب مع الماء و يكون وافي باش يغمر اللحم كله و يطيب فيه و السبر و الكرفس و البصل و الزيت و الملح و البزار و الفلفل الأسود و الزنجبيل و العدس و تخلطيهم في طنجرة و تخليهم على النار لين يطيب اللحم و مرة مرة زيدي شوية امية لو نزحت شوية و بعدها خودي ملعقة دقيق دوبيها في شوية مية باردة و دوبي الكراكيب متاع الدقيق و صبيهم على طول في الطنجرة و اقعدي حركي لمدة 5 دقائق تحسيها بدت تختر و بعدها حطي السمن و شوية طماطم حكة و رشة القرفة و الشعيرية و استمري مرة مرة في التحريك ليم اطيب الشعيرية و قدميها
و بالهنا يا رب
هدووووووووووووووووووووووء طفله محلا سماك
والاحلي سفرتك
ان شاء الله ديمه عامره وصح يدياتك
[/CENTER]
ماشاء الله عليك يا كيتي صفيره تهبل تهبل وتصدقي سهفتوني مره تانيه على بطن بدنجان بدنجال ولا بدنجان هو؟ هههههههه يلا ماعلينا باش تعرفوني خبره هلبا هههههههههه
ان شاء الله نحاول نجربه مره تانيه من كلامكم بس ي شي غضيصتي؟
هدوء طفله ماشاء الله عليك وعلى صفرتك وينك وينك من زمااااااان منوره حبيتي
صفره دايمه يا بيبا ماشاء الله بس نغلبك ياريت تعطينا طريقة طاجين البطاطا وبدنجان
بالنسبة للبوريك هنا يبعوا فيه فيه المحلات اسمه egg roll يهبل الحق تانى يوم ويقعد يقرمش يمى مش عارفة فى ليبيا فى غادى او لا وفى العادة ندير فيه فى الحوش او نجيبوا فيه جاهز من السوق بس يختلف عن الورق الى هنا واجد
واى شى تانى قوليلى تبى نصوره ليك ما عنديش مانع حبيبه عيونى ليك
بالنسبة للسلطات انى منزلتهم من قبل هدا الرابط تلقيهم هنا سلطة المشكلة
http://lakii.com/vb/showthread.php?t=587179
وسلطة الخضار هدا عادية بس عاد تزينيها كيف ما تحبى تلقيها هنا
http://lakii.com/vb/showthread.php?t=566585
وامس نزلت سلطة فتوش حلوة جربيها
وهدا الرابط
http://lakii.com/vb/showthread.php?t=591778
السلطة الروسية
نجيب بطاطا وجزر ونقطعم مكعبات صغيرة ونسلقهم على النار فى مية وشوية ملح بعدين نضيف البازلاء ليهم يعنى لما يكونوا البطاطا والجزر نص سلقة نضيف البازلاء على شان ما تدبلش وطبعا ما تطيبوش اكثر من الازم والى يطلعوا مسحونات عرفتى وكان تبى شكلهم ما يتغير لما تطفى عليهم تصفيهم وتصبى علية ماء بارد بسرعة وتصفيهم كويس من المية
وتحطيهم فى صحن وتضيفى شوية خل على راس الكاسيك مش واجد طبعى هدا اختيارى هو المعروف تضيف ليها مايونيز بس وخلاص ترش فلفل اكحل على الوجة وتزينها بوردة فى النص معدونس او اى شى
شوفى هدا صورة كيف تقديمها هنا جبتلك صورة سلطة مدرايرتها من قبل تبى الصورة نبعتلك
هدا السلطة الروسية مزينتها
[IMG][/IMG]
وهده سلطة فواكة نزلتها بكرى
الرابط
http://lakii.com/vb/showthread.php?t=592106
تبى اى قوليلى ان شاء الله نخدمك بعيونى ادللى ما فيش اى مشكلة غير انى شوية تعبانه ما ندخلش واجد
واضغطى على الرابط يرفعك لصفحة الوصفة
كيتى يا حلوة صحة شريبتك تهبل تسلم ايديك على السفرة الحلوة ربى يحفظك ويرزقك بالدرية الصالحة
رواد ما شاء الله عزومة تفتح النفس وتشهى بصراحة تسلم ايديك يا سمحة ويا بخت ضيوفك الحلوين الى كلوا من تحت ايديك وصار عجباتك الكنافة صحتتين على قلوبكم يا غالية منوره
ام مالك ما شاء الله حبيبتى منوره الموضوع باكلاتك الحلوة كل حاجة احلى من التانية غبتى وجبتنا حاجات حلوة كالعادة ربى يحفظك ويبارك فيك
بييا صحة سفيرتك السمحة ونجيها هالبنية الفالحة ربى يحفظها لك طالهة لامها لمنو يعنى فلاحة
هدوء طفلة ما شاء الله حاجاتك يهبلوا ومرحبتن بيك ننتظر منك الجديد
ليبية كيفك انتى والسنافر الحلوين ان شاء الله بخير
ابريكة سلمها يا ربى هالسمحة كلك ذوق ربى يحفظك ويرزقك بالدرية الصالحة آمين تستاهلى كل خير
حرة كيف حالك يا عسل ربى يسهل عليك ان شاء الله وتولدى بالسلامة
سنفورة ما شاء الله على المنسف طالع يهبل خطيرة انتى والله صحتين عليكم
شنتال الحلوة يا عينى على اكلاتك الحلوة تسلم ايديك يهبلوا
وبافى البنات منورات وسامحونى كان نسيت حد دماغى دايخ خخخخخخخخخخ ونشوفكم على خير يا حلوين
وباقى البنات
الروابط المفضلة