دوانية كويتيات وسوالفنا وين رحتي ؟ وين جيتي ؟ شنو شريتي ؟؟؟؟؟؟؟؟؟؟؟ وشنو جديدك ؟

[عيون أبوها**]

مرحبا خواتي شلونكم مع العطلة توني اقرى سوالفكم بس ماعرفت شنو يعني ملفع البف؟؟؟ جاوبوني ابليييز

[عيون أبوها**]

مراحبا بنات ديرتي ومرحبا ابنااات هالمنتدى الحلويييين صراااحة الديوانية عجيييييبة رهيبة ياتسااالي ))

طيف وشهد و اوميجا والبنات كلهم والله والنعم فيهم اتونسووووون وسوالفكم حيل حيل حلوه وانشالله تقبلوني عضوه يديده

سؤال حق الأخت طيف ابي اعرف وين ينباع فاونديشن كريولان ؟؟؟
سؤال حق الأخت اوميجا من البحرين نور العين وين احصل بخاخ الاوكسجين بالكويت؟؟؟؟
وابي شي يكثف شعري ابسرعة لان تأثر من الصبغة الأخيره عفيه ردوا علي ابسرعة
اختكم عيون ابوها

[روح البحر]

سلام بنات انا يديده
مكاكم رحبو فيني
بغيت اسئلكم هابين بقمصان الطويله مع جنطهم تعرفون وين ينباعون

[أنوار الكويت]

السلام عليكم ورحمة الله وبركاته

إلى خواتي العزيزات في الديوانية

فكرة طرح مثل هذي الديوانية فكرة وايد حلو وأتمنى إنا كلنا نستفيد

وعندي أسئلة وإستفسارات أبي الرد عليها بسرعة

1- بالنسبة لكريم الأساس كريولان آنا سمعت عنه وايد بس كل ماأدوره بالسوق ما ألقاه وهذاك اليوم رحت
حق محل وجوه أدور عندهم كريم كريولان تصوروا قالت لي اللي تشتغل فيه شنو هذا الكريم آنا أول مرة أسمع عنه
يمكن قصدج جيرلان قلت لها لا موجيرلان كريولان قالت ما عندهم
ياخواتي وين ألقى كريولان وهل ممكن ألقاه عند محل عروس البحر الي قلتوا عنه بالفروانية وإلا لا
وإذا موجود عندهم ممكن توصفولي محل عروس البحر بالضبط وينه.

2- آنا قبل كنت أستخدم كريم الأساس مال نينا ريتشي واللحين أستخدم جفينشي بس على فكرة آنا أخذت درجة اللون اللي على لون بشرتي وما أقدر أحطه بروحه في المناسبات الكبيرة ودي أخلط معاه كريم ثاني شنو
الكريم اللي تنصحوني أخلطه معاه هل من نفس الماركة ولا من كريم ثاني.

3- آنا سمعت عن كريم لندن ودورته أكثر من مرة في السوق مالقيته يعني زيدة الحجي وين ألقاه .

بسرعة الله يعافيكم ويخليكم
لأني ودي أطلع هاليومين حق الفروانية
أدري طولت عليكم بس ما عليه سامحوني وإعذروني

[كمثرى]

هلا والله بنات


وينكم انفال طيف الربع كلكم أين أنتم

اوميجا وسافرت وعذرناها

شهد سافرتي ولا لحين

وانا ان شاءالله بسافر الاسبوع الجاي

ان شاء الله الديوانية ماتسكر

ردو فيها الروح شوي مثل قبل

[كمثرى]

حرام تخلوووون الديوانية تروح الصفحة الثالثة

يلا قولوا سوالفكم

ولا شهد خذت مفتاح الديوانية وسافرت وخلتكم على الباب

[prettydreamy]

السلام عليكم
انا عضوة يديدة و صراحة ديوانيتكم عجيبة
يا ريت كل وحدة تكتب عن احلى الصالونات و عنوانهم
و من وين انحصل علة القمصان الطويلة اللي فيها حركات غربية
و ياااااااااريت عن طرق لف الشيلة الكويتية المعروفة بجمالها
و شكرا
ناطرة ردودكم

[prettydreamy]

شدعوة محد رد علي
على العموم انا راح اذكر بعض الصالونات
جلامر - عبير الياسين مكياجها حلو و مرتب
مودا كالبيي - فدوى الحاج كانت تشتغل مع بسام فتوح طبعا غني عن التعريف
بروفايل - حلو و وايد ناس يمدحونة
و صالون بيور - وايد سمعتة حلو و هو بالسالمية و الليي تعرفه يا ريت تعطيني عنوانه بالضبط

بالنسبة للقمصان انا اعرف خياط حلو عن صالون مس ون بقرطبةللقمصان الطويلة و اتمنى تعطوني فكرة اكثر عن نوعية ها لمشاغل الحلوة
و بليز ردوا على الاقل رحبوا فيني كعضوة يديدة

[عهود الكويت]

انا ارحب فيج وياهلا فيج بالنسبة للقمصان انا اعرف شكثر خياطات بس احسن شي كل يومين روحي بيت ديفا اغلب اللي شغلهم حلو يعرضون هناك بس انا مو محصلة القمصان اللي يكونون مع جناطهمياريت تفيدونا ---- وبنات منو جربت منتجات الاتات تقولنا شلون النتيجة -------------- ولاتنسون خلطات التبييض اللي في المنتدى منو اللي جربت منهم وشنو اللي نفع منهم

[prettydreamy]

تسلمين على ذوقج يا عهود الكويت
بالنسبة لمنتجات زين الاتات انا بروح اشوفهم وعلى فكرة عنوانه بدوار البدع عند زهور البدع
لما اجرب منتجاته راح اقولج عنه
تعرفين الصالون اللي بقرطبة عند روز شنو اسمة ؟
وتسلمين