ام سارة ماشاء الله صحتين عليكم سفرة تاخد العقل
للبحث في شبكة لكِ النسائية:
|
ام سارة ماشاء الله صحتين عليكم سفرة تاخد العقل
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
tmaaam
توا فطوري المتواضع جداا جداااااااا اصلا الحار مادرت شي كان طاجين برقر وشربة وسلاطة مايونيز والحلو درت محنشة بالكولاج على شرف الشنبير ولما قريب المغرب قالي شنى درتيلنه لقيمة فا درتها ع السريع وجت ماشاء الله اراميشو وخدينا اللقيمة مع حليب المغرب والمحنشة مع قهيوة بعد الفطور
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
[QUOTE=ماما الاء;10754135[CENTER]
شكراً يا ماما الاء انتي ديما حاجتك مميزة ومبدعة ما شاءالله
ياريت تعطينا طريقة القوارب
ونبي نسألك على طريقة الشباكية تكون مضمونة 100% وعن تجربتك انتي شخيصاً لو مافيش غلبة
أهلين أختي هند الله يسلمك يارب
هذا كيك كريم كراميل بس بطريقة سريعة
جهزت كيكة اسفنجية وحاولت تكون رقيقة بقدر الامكان
وبعد ما نضجت خليتها تبرد وبعدين قطعتها دوائر
وعملت كريم كراميل تبع الأظرف الجاهز
وأخذت قوالب السيليكون الي مثل الكب كيك
وزعت فيها السكر الي يجي مع باكيت الكريم كراميل
القالب الي عندي فيه 6 وبعدين حطيت عليه الكريم وهو ساخن
ووضعت القالب في الفريز لمدة 5 دقائق
وبعدين أخذت دوائر الكيك ووضعتها فوق الكريم
وخليتها حوالي ساعة في الفريز ومن ثم
للأكل على طول
وبنتها رووووعه والله أكلت منها قطعتين لوحدي
وان شاء الله طريقتي مفهومة
الله يسلمك أختي ام السنفور
لكن سفرتك ماشاء الله تفتح النفس والله
واني قاعدة نتعلم منكم والله
وصحتين على قلبك
السلام عليكم ورحمة الله وبركاته
ام سومة سلم ايدياتك وجزاك الله خيرا على الحاجات الحلوة واليو م جربت الدبلة حلوة هلبة
ام السنفور رحم الله والدك وغفر له واسكنه فسيح جناته اللهم آمين
غيدونا بسم الله ماشاء الله عليك
سويت عشي امبدع عطيك الصحة
هندة تبارك الرحمن
اريناس خبيزاتك شكلهم روعة تسلمى
ميلا والله حاجاتك تفتح النفس يسلمو
الاء يعطيك الصحة وان شاء الله فى ميزان حسناتك وعطينى طريقة القوارب ضرورى
ويارب منسيتش حد
ام سارة فطور يحل العين المغمضة سلم ايديك
وتوا بنوريكم سفرة فطورى واللى كانت متكونة من رز بالخلطة وبورديم دجاج (ياودى هى ماهى دجاجة شكلها ديناصور من الكبر فى الحجم هههههه) لكن طعمها مانحكيلكمش صنة وبنة وامهبزة ادوب فى الفم
وبوريك بالدحى وشربة وثلاث سلطات
وهذه صورة من جهة ثانية
وهذا بورديم الدجاج
والحلو كان كنافة بطريقة ميمي 28 الله يذكرها بالخير وين ماكانت
وسلامى للكل
ماشاء الله علي الفطور يا طائر ازرق والدجاجة تهبل شكلها ضحكتينى في الديناصورة
والحلو ماشاء الله عليه اي والله ميمي كان حضورها مش عادي بفنها واكلاتها ربي يعطيها الصحة ان شاء الله
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
مرحبا بالجميع مرة اخرى
الطائر الازرق تبي الحق وله
هذا ديك رومي مش دجاجة
شنو هالتحفة هذي بسم الله ما شاء الله شكلها واضح انها بدعة ومبهرة واذوب ذوبان يمي يمي
عطيك الصحة والهني
وربي يرجع ميمي بالسلامة لينا والله مستااااااااااحشتهااااااااااا
النرجس الغالي اهي جت سنفورة وعطاتك الطريقة
بس بجد راه الخبزة تحفة والبصل عاطيها نكهة غير عااااااااادية
ميلا يا حبيبة اني ما عمري درت الشباكية لو تقصدي متاع العسلة والزلابية
الحق الحوش ما يحبوهمش بكل بس زينب محمد تقريبا منزلهتم قبل وعارفة انتي زوبة مافيش احلى من وصفاتها ومضمونة مية مية وشكلها غيدونة مدايرة شباكية اهي خبيرة فيها عليك وعليها ما تخليهاش في حالها ههههههه
بالنسبة للقوارب اني زمان كنت ندير في عجينة بعدين بديت ندير في عجينة الباف احلى واريح
ناخذ نطرحها بعدين نحطها على القالب ونحي حواشيها وننخصها بالشوكة ونطيبها لين تحمر
نوتي الحشو ونحشيها ونرشها بجبنة ونسيحها في الكوشة خمسة دقايق وتتاكل بالهني ان شاء الله
اليوم حشوتي كانت غير حبيت نغير شوية
خذيت صدور الدجاج درتهم شرايح شرايح بعدين قصيتهم خطوط خطوط وخذيت بصلة قرضتها مكعبات صغيرة وحطيتها على الدجاج
زدت عليهم شوية طماطم حكة وشوية كاتشب وعصرة ليم قارص وشوية طحينة وملح وفلفل اسود
خليتهم يتبلو كووووويس بعدين صبيت زيت في الطاوة وحطيت عليه الدجاج وقلبت كويس كويس لين طابو الدجيجات وطبعا ما ياخذش وقت اني مقرضة الدجاج خطيوط خيوط رقيقة
بعدين طفيت النار وخليتهم يبردو وزدت عليهم جبنة شيدر وفلفل حلو شرايح وزيتون وفقاع وحطيتهم في القوارب وبعدين زينتهم بجبنة وعلى الكوشة عدل وتاكلي بالهني يا سمحة
حسيت الشرح طويل وركيك ان شاء الله تفهمي كلامي بس
هندااااااااا يا هندااااااااا
تي شنو هالحركات هذي ما شا ءالله
وتصميمات وبهارات يا عيني يا عيني عطيك الصحة
سنفورة والله قداش ما خاطري في طاجين البرغر بكل احني ما يحبوشي يقولو هلبة دسم وما ياكله حد يلا صحتين عليكم انتو مع انه جي في عيني رسمي
وسلامي لكل الحبوبات
.. { إِنَّ رَبَّكَ لَبِالْمِرْصَادِ }..
![]()
![]()
الله يسلم أختيالطائر الأزرق
بس فطورك روووعه ماشاء الله
وخاصة بورديم الدجاج زوجي يحبه هلبة وديمة يدير فيه
سفرة عامرة ان شاء الله
أختي ام السنفور معليشي لو تعرفي طريقة خبز الكساس ياريت تلحقيني بيها
درتها زمان مرة لكن نسيت الطريقة
ومشكورة مسبقاً
الروابط المفضلة