![تعقيب](images/misc/quote_icon.png)
كتبت بواسطة
ام عيسي
السلام عليكم ... عاجزين اخت توتي عن الشكر و الله ما شاء الله عليكي باين عليكي خبرة خبرة و من حظي الحلو اني شوفت موضوعك اليوم لانه عندي كبشة (مجموعة) اسئلة و للاسف الشديد من عنديش خيرة كبيرة
اول حاجة انا شعري كان متوسط الكثافة و مع الحمل و الرضاعة خف بعض الشي و محتاجة برنامج للعناية فيه خصوصا وانا هلقيت في فترة حمل تانية ومحتاجة برنامج للعناية فيه انا من سكان غزة وقد لا تكون كل الانواع اللي ذكرتيها موجودة عنا عشان هيك يا ريت تذكري كذا نوع عشان لو ما لقيت نوع ابحث عن التاني و هكذا في كل الاشياء اللي بدي اسالك عنها وجزاكي ربي عني كل خير
شو الشامبو و البلسم المناسبيين لشعري و شو البرنامج اللي امشي عليه خصوصا انه انا ولا مرة صبغت شعري ولا عمري عملته اي شي اكتر من استشوار و من فترة للتانية بحط حناء ع شعري بس صارلي اكتر من سنة ما حنيته و نفسي اصبغه بس خايفة اذا هو هيك من غير صبغة فما بالك لو صبغته ؟؟؟؟؟ شو الحل حابة اغير شوي للتجديد هدا فيما يتعلق بشعري
انا بالسنبة الي عمري 26 سنة و نص و متعودة ع الخلطات الطبيعية للبشرة و بتابع هاي الشغلات و بطبق منها ع قد ما اقدر و مرات بكسل و بقعد فترة ما اعمل شي و ليس لي خبرة كبيرة في المكياجات و افضل الماركات و هيك , مكياجي كان هدية من اختي من السعودية و كنت استخدم اشياء مناسبة كتير الي و لكن تقريبا خلصت و محتاجة اشتري مكياج كامل انا بستخدم بس الاساس و الباودر و طبعا البلاشر و الروج و احيانا الاي شادو و لكني مغرمة باستخدام الاي لاينر و الماسكارا
كنت استخدم اساس من VERSACE مكتوب عليه FLUID MOISTURE FOUNDATION و هو سائل و تمتصه البشرة بسهولة و يعطيكي شكل طبيعي بس المشكلة مش موجود بالاسواق هين زيه فبشو تنصحيني و شو ممكن استخدم اشياء تانية للبشرة من كونسيلر و الاشياء الاخري اللي بتستخدمها الستات بهدا السن انا بشرتي فاتحة مع الحمل ظهرت عندي نقط غامقة اللون بس خفيفة و قليلة و لله الحمد , لا استخدم واقي للشمس فهل احتاج اله و شو احسن نوع ؟؟؟ بالنسبة للباودر كنت استخدم كومباكت باودر من YSL و شو الفرق في الاستخدام بينها و بين اللوس باودر مين بيستخدم بعد الاساس ؟؟؟؟ لاني تلخبطت هيك
و من لانكوم الاي لاينر و هو ممتاز و الماسكرا من لوريال ضد الماء بس غلبتني كل ما احاول اشيلها فشو احسن نوع ماسكرا وما تكون ضد الماء و الاهم تعطي كثافة للرموش؟؟؟؟
بدي للبشرة برنامج زي اللي قولتي عنه للاخوات من نيفيا فيزاج و هاي الشغلات شو احسن برنامج للبشرة اللي يحافظ ع شبابها و نضارتها و رطوبتها و تكون فرش و مش مرهقة طول الوقت
و لانه انا ام لطفل عمره سنة و شهر و حامل و علي وشك الميلاد بعد شهرين ان شاء الله فما انام احيانا منيح لانه ابني الصغير يصحي كتير بالليل فلما اقوم من النوم تكون عيوني منتفخة شوي و تحت العين في انتفاخ صغير اي نعم يختفي بس شو الاشياء اللي تساعد علي اختفاء هاي الانتفاخات و تساعد انه تكون العين نضرة و مش مجهدة و مرتاحة
يعني زي اللي محتاجة برنامج شامل كامل بالليل و النهار و كيفية رعاية البشرة طول الوقت
انا عارفة ان غلبتك معي و اسئلتي كتيرة بس انا وقعت و انتي تلقيتيني يا ريت بخبرتك تساعديني
و اكون شاكرة الك جدا جدا جدا
سامحيني لكثر الاسئلة
وكما قولت لك انا عمري 26 سنة و نص البشرة فاتحة في عندي بعض المسامات الواسعة في الوجه عند الانف و في المناطق القريبة من الانف في الخدود مس واسعة كتير لكن لو كنتي قريبة كتير من بشرتي تلاحظي انه في بعض المسامات الاكبر من مسامات باقي الوجه و يوجد ايضا في بشرتي بعض المناطق اللي فيها تاكل بالجلد فيكون في منطقة الجلد فيها متاكل عن باقي بشرة الوجه و كانه هناك حفرة صغيررررة , حاولت اعالجها ما حد عرف لهذه المشكلة حل من الاطباء في غزة هاي المناطق اللي فيها تاكل نصحني طبيب ان اعمل سنفرة للوجه ليصبح الجلد كله مستوي واحد و لكن للاسف في غزة ما في مراكز و اطباء تعمل علي هذا المستوي و لله الحمد و لكن هذه المناطق الموجودة عندي قليلة و لله الحمد و حجمها صغير
طولت عليكي
شكرا لك اختي توتي و ربي يسعد قلبك و ينولك كل اللي ببالك يارب
اختك ام عيسى
الروابط المفضلة