تعالوا نفيد ونستفيد ( 2 ) ملف متجدد

[nashwa1]

طيب كويس انك قولتيلى انا هروح الاسبوع ده اجيب الصيفى واخلص

[أم جورى]

رحت انهاردة بى تك بس مش اوت ليت لأ بى تك اللى فى الهرم قلت اخد فكرة

عن الأجهزة اللى عاوزاها علشان هتدخل فى المطبخ وعاوزة اعرف المقاسات

شفت تلاجة شارب ووايت ويل وال جى بصراحة عجبونى جدااااااا

بس ال جى أكتر واحدة عجبتنى هى لونها سيلفر وشيك أوى

شارب مفيش غير اللون الكافيه

وايت ويل برضه سيلفر او رمادى حلوة اوى برضه

المشكلة دلوقتى ؟ وايت ويل ضمان 3 سنوات وال جى 5 سنوات وميزتها انها فيها

الايس وتر اللى هو تملى الميا من برة التلاجة

الشارب مفيهاش الاوبشن ده ولونها كافيه بس وضمانها 10 سنين

جوزى بيقول ان شارب حلوة علشان وايت ويل 3 سنين ضمان بس

الأسعار فى التلاتة متقاربة

يعنى شارب ال22 ب 5800 بس أنا هجيبها 20 لان ال22 عريضة جداااااا

وهتاخد مساحة كبيرة

وبرضه ال جى فى نفس الرنج اقل حاجات بسيطة

حد باة يقوللى أجيب ايه شارب ولا ال جى

والبوتاجاز شفنا الاريستون ب 5200 تقريبا هو 4 عيون واللى فى النص العين الكبيرة المدورة

وواحد تانى اريستون برضه ب4 بس الفرق ان العين المدورة دى كهربا اللى هى

زى السخان

بصراحة مش فاهمة يفرق ايه يعنى لانى اصلا مش بستخدم العين اللى فى النص خالص

عاوزة برضه استشارة منكم لو ما جبتش الاريستون

اجيب كريازى ولا يونيفيرسال هما ب2000 وشوية

غسالة الأطباق شفتها وايت ويل ب1600 وعجبتنى جدااااااااااااا

بس يا ريت اللى عنده يقوللى هل عملية ولا هجيبها اركنها واغسل انا هى

الصغيرة على فكرة 6 افراد

[أم جورى]

وسألت كمان على كذا حاجة هقولهالكم يمكن حد يستفيد

الكيتيل ( الغلاية للشاى ) البراون ب375

مالتى كويك براون ب 750

تكييف كرافت 1.5 حصان ب2850 و 2 وربع حصان ب 4300 بارد وسخن

وعلى فكرة بيقسطوا كل حاجة بس عاوزين مفردات مرتب او بصاقة ضريبية وسجل

تجارى

[nashwa1]

بصى يا جوجو جوزى بيقول الشارب طبعا احسن من ال جى وانا كمان كنت هقول كده

[nashwa1]

والبوتجاز يونيفرسال اسمع والله اعلم انه احسن من كريازى بس اتأكدى من حد جربه

[nashwa1]

طيب ما تروحى بقى الاوت ليت هتلاقى الكلام ده اقل وانتى عرفتى الاسعار

[أم جورى]

دى صورة المالتى كويك براون



وفى حاجة شفتها وعجبتنى برضه بس مش فاكرة اسمها

هى بيتعمل فيها السندوتشان ب113 جنيه

شبه الجهاز بتاع الوافلز بس متقسمة من جوة 3 اماكن ب3 سندوتشات حد يعرفها

[nashwa1]

حلوه اوى يا جوجو المالتى كويك دى بس معرفش التانى اللى بتقولى عليه ده

[أم جورى]

بصى يا جوجو جوزى بيقول الشارب طبعا احسن من ال جى وانا كمان كنت هقول كده

انا كمان جوزى قال الشارب وقاللى ما تبصيش للشكل وخصوصا ان ضمانها 10 سنين

احنا هنروح فرع الأوت ليت الاسبوع الجاى وسألنا فى الفرع ده وأكد الكلام بتاع بنت مصر وقال الأجهزة بيبقى سارى عليها الضمان

بس المشكلة ان مفيش ستوك يعنى المعروض بس

فانتى وحظك يا تلاقى الحاجة اللى انتى عاوزاها يا متلاقيهاش

طيب ايه رأيك فى الاريستون

انا شايفة انه عادى يعنى مفهوش حاجة زيادة غير ماركته طبعا

[أم جورى]

يعنى الوايت ويل لا ليه يا نوشا