"عروسات المستقبل تعالوا اقولكم".. جزء ( 10 )

[مسكـ الخـتامــ]

مسكــــــــت الختام مشكورة جدا على تمارين البطن

العفو ياقلبي .. يارب ينفعوكي ..

في حفظ الله

[هنودة هنانيدو]

نودي حبيبتي وحشاااااااااااااااااااااااااااااااااااااااااني بجد
يارب تكوني في احسن حال ويسعدك انتي وزوجك عن قريب يارب
حبيبتي انا رحت اشتري لاسو بس لاقيت منها اسعار مختلفة
45و 24 و17 بصراحة مش عارفة دول تقليد ولا؟
بس كله مكتوب عليه لاسو
بالنسبة للاخت العسولة الجديدة اللي سألت ع البريود
انا كمان كنت عايزة اسألك يانودي ع شوية أسئلة
ألم البريود..... يا تري يانودي بتتغلبي عليه ازاي؟مسكنات ولا حاجات طبيعية؟زي القرفةوكدة؟
الفوط الصحية..... ياتري افضل نوع اية؟انا كنت بستعمل الويز بس سيبتها منسنين عشان مقاطعة وقالو ممكن تكون مضرة كمان عشان المكان دة حساس واحنا منعرفش الامريكان واليهود ممكن يعملو فينا اية واحنا مش عارفين!لاني سمعت انها ممكن تسبب عقم
والله اعلم الكلام دة اشاعات ولا اية؟؟؟
بس اكيد لو اي نوع تاني مش امريكي هيكون احسن
انا عن نفسي كنت مستحمله سندريلا الفترة اللي فاتت
بس خلالالالالالاص مش قادرةمالهاش لازمة خالص
ياتري رايك اية؟
الاندر..... ياتري عامة المفروض الاندر يكون قطن صح؟طب تعرفي ماركة زي البرا كدة؟وانا سمعت ان الاحسن يكون الاندر قطن ابيض بس بصراحة مش فاهمة ليه ابيض؟؟
الاستحمام...... سمعت ان غسيل الشعر غلط في الفترة دي يعني لو استحميت مش اغسل شعري,رايك اية ف الكلام دة؟
وسمعت ان الاستحمام عامة مش كويس في الفترة دي,بس بصراحة انا بستحمي شبه يوميا عادي لاني مش مقتنعة بس انتي رايك اية؟؟
الاعتناء بالمنطقة الحساسة نفسها..... يعني مثلامجرد اني اتشطف ب ماء دافئ واغير الفوطة؟؟
لاني سمعت ان الصابون غلط ف المنطقة؟؟
وكمان سيتال مينفعش استخدمه ف البريود لازم بعدها,ولا اية؟؟
ربنا يبارك فيكي حبيبتي انا عارفة اني طولت عليكي والله بس مليش غيرك يا نجدتي وكنت عايزة اسالك ع الاسئلة دي من زمان
استحمليني يا حبيبتي وربنا يجازيكي كل خير ويجعل كل ده في ميزان حسناتك يارب ويابنات ممكن كل واحدة تقول بتعمل اية في الاسئلة دي؟وع اساس اية؟يعني سالت دكتورة او سمعتها من حد موثوق فيه؟ عشان تعم الفائدة
لان الحاجات دي اساسية معانا وثابتة شهريا
وسلامي للجميع

ميويا حبيبتى بجد انتى كمان وحشتينى جدااااااااااااااااااااااااااااااااا
بصى لاسو الاصلى بيتاع فى محلات اللى عندها كتالوج بتاعها وسعرها ثابت من 45 ل 65 حسب النوع والموديل
اما اللى اقل من كدا ده تقليد مش الاصلى

اسئلة خاصة بالبريود برافوا عليكى كلها مهمة وتشغل بالنا

ألم البريود..... بتغلب عليه بمسكنات يعنى اما باخد اول ما تجيلى كيتوفان او بنادول واخد مرة كمان لما يرجع الوجع تانى واتغطى كويس ..
فى مشروب النعناع والقرفة حلوين فعلا بيهدوا الالم

الفوط الصحية .ز الويز وحشة جدا بتعمل حساسية فى البشرة انا وقفتها بقالى كتير ولما مرة رجعت استخدمنتها لقيتها بردو بتعملى التهاي وحساسية سيبك من الويز
الانواع اللى جربتها وطلعت حلوة اوى برايفت لانها قطن وطرية وحلوة اوى بمتص كويس وكمان فى نوع تركى اسمه جولى جامدة جدا بقالى اكتر من سنتين بستخدمها ولما مش بلاقيها بجيب برايفت


الاندر..... اه الافضل يكون قطن عشان يمتص اى عرق كمان مش بيعمل اى التهابات يعنى طرى على الجسم وطبعا مش لازم ابيض اى لون يعجبك

الاستحمام .. غسيل الشعر ده انا سمعتها معرفش صح ولا غلط بس انا مش بفسل شعرؤى وفت البريود بغسله قبلها بيوم

موضوع الاستحمام هو اول يومين اللى بيبقى الاستحمام ممكن يبقى مش حلو ليه ؟؟ لان منطقة مهبل والرحم بيدخل فيها هواء وبتعمل زى غازات داخلية عشان كدا اول يومين فقط بيبقى بلاش الاستحمام ومن تالث يوم استحمى عادى والافضل قبل ما تجيلك بيوم خدى شاور بتاعك واغسلى شعرك وظبطى حالك

الاعتناء بالمنطقة حساسة ايوة كفاية ماء دافية والسيتيال خليها من رابع يوم لان وقت نزول البريود مش مستحب تغسلى بغسول اما رابع يوم بيكون الدم قل

[هنودة هنانيدو]

صباح الخير يابنات ...

أنا نازله إن شاء الله بليل أشتري شوية حاجات

خلاص ماعدش وقت والدنيا ابتدت تكركب عندي

بقولكم .. سؤال وجوبوني ع السريع (( مقص الفتله ))

كنت سمعت هنودة قالت عليه قبل كدا لبنوته هنا

للي مش بتعرف تعمل فتله .. وأنا كمان روحت للكوافيرة مرة واحده عملتلي وشي بالفتله ومش ناويه اكررها ... وا نا مش بعرف اعمل وشي .... واكيد بعد الجواز لازم هعمل

ايه بقى مقص الفتله دا ينفع ؟؟ ممكن حد ينزلنا صورته اشوفه ؟؟ وبيتعمل بيه اذاي ؟؟ وكويس ولا بلاش منه ؟؟ وثمنه كام ؟؟ وأجيبة منين انا من القاهره ؟؟

كنت عايزة اشوف يمكن اجيبة النهارده مع الحاجه

افيدوني .. أختكم ريمي

مقض الفتلة ده زى الفتلة اللى بتعملك بيها الكوافيرة بس هو فى شكل مقص عشان تقدرى تستخدميه فى البيت يعنى تقدرى تتحكمى فيه ومتروحيش للكوافيرة

انا معرفش فين فى قاهرة بيتباع بس اسالى عليه محلات التجميل كمان فى ركن التسوق عنا فى منتدى فى بنات كتير بتبيعه وسعره متفاوت فى 35 وناس تبيعه 50

بس انتى لو وشك مش بيرتاح مع الفتلة بلاش تجيبيه لانه هو اصلا فتلة يعنى نفس نظامها

[هنودة هنانيدو]

اهلا هنودة ازيك عاملة ايه ياقمر
انا عندي سؤال وماليش غيرك بصراحة اساله
اشتريت مؤخرا غسول خاص للمناطق الحساسة اسمه eve feminine اسال اذا تعرفي عنه شي واذا في اي تاثير او انه ماينفعش للبنات الغير متزوجات ( انت فاهمة قصدي ) لاني اخذته وخايفة استعمله من غير ما اسال وانا عارفة انه عادي غسول مالوش تاثير بس بردو حابة اتطمن اكثر منك ياريت تفيديني

شفتي بتلكم مصري حلو ازاي؟؟؟؟؟؟

روز ياقمر انا بصراحة معرفش الغسول ده بس انتى اسالى المكان اللى جبتيه منه اذا كان مناسب للبنات ولا

انتى بقيتى مصرية جامدة

[rose85]

معليش هنودة اني سؤالي هل الغسول مايصير البنات يستعملوه يعني اله اضرار او بمعنى اخر في غسول خاص للمتزوجات وغسول خاص للبنات على حد علمك تعبتك اوي معايا استحمليني بقى

[هنودة هنانيدو]

بنات الحلوين والعرايس القمرات عاملين ايه
ايه رايكم نتكلم نهاردة على موضوع الفرد والشعر
احنا تاتكلمنا فيه قبل كدا بس نهاردة حابة نتكلم تانى عشان نقنع بعض بخصوص الفرد وكيرايتن وغيره

طبعا كلنا متفقين اننا عايزين شعرنا ناعم وبيطير على الخدود صح ؟؟؟
طيب ممكن نبقى واقعين شوية هو ربنا خلقنا بنوع معين لشعرنا سواء كان ناعم او خشن مادول هى ديه طبيعة شعرك يبقى الاول تبقى راضية بيها وتبداى تهتمى بيه عشان تخليها احسن

طيب لما اهتم بشعرى حيتحول ناعم حرير ؟؟
طبعا حابقى كذابة لو اقولك ايوة .. شعرك حيتحول فعلا لاحسن حيبقى انعم وتساقط يرروح والهيشان يقل بس مش لدرجة انه يتحول ناعم حرير

انا مش قصدى احبطك لا والله بالعكس ده كلام ده بيريحك لانك لما تبقى عارفة انك حتستخدمى وصفات او كريمات او زيوت والخ حتبقى عارفة النتيجة ومش حتتوقعى حاجة خيالية وتتصدمى وتقولى محصلش حاجة لشعرى

لا طبعا هو شعرك اتحسن وبقى احسن بس انتى عشان مستينة نتيجة معينة انك تلاقيه ناعم وحرير مش قادرة تشوفى التغير الحلو اللى حصل فيه

هنا بقى تلاقى البنت تقولك انا حاعمل فرد وتبتدى المشكلة طبعا الفرد ايوة بيخبلى شعر ناعم ومفرود وزى الممثلات بس يابنات تعالوا براحة نتخيل الوضع واحدة واحدة

انتى شعرك دلوقتى مشكلتة الهيشان وانه مش ناعم اوى وعايزة تلاقيه مفرود وحرير حتروحى تعملى فرد قبل فرحك وطبعا مدة الفرد 6 شهور

حتنبسطى اوى فى 6 شهور شعر مفرود وناعم وجوزك مبسوط وانتى فرحانة وتعدى الايام ونلاقى 6 شهور خلصوا ياترى حتلاقى ايه ؟؟؟؟

حتلاقى شعر مجهد تعبان وتساقط وشعر مقصف وهيشان طبعا انتى مش حتبقى مصدقة ان ده شعرك لانك بقالك 6 شهور شعرك مفرود

حتعملى ايه ساعتها ؟؟
هما حاجتين اما حتروحى بكل بساطة تفردى شعرك تانى وتبقى مصيبة تانية انك اجهدتى شعرك لتانى مرة من غير فايدة لانك تانى مرة فرد الشعر حيضعف اكتر واكتر وبعد 6 شهور حتلاقى الشعر بقى اسوء وتلاقى نفسك بتعيدى نفس الكلام انك مش عارفة تعملى ايه وتفضلى فى دائرة الفرد لغاية ما تتفاجى بمشكلة كبيرة فى شعرك

اما الحل تانى انك حتوقفى الفرد وتروحى تعالجى شعرك وتفضلى فترة تعالجى شعرك وحيرجع ان شاء الله كويس بس انتى حتبقى مضايقة من مظهر شعرك لانك عودتى نفسك وجوزك يبقى ناعم

انتى من الاول ريحى بالك خليكى بشعرك الاصلى من غير فرد ووجع دماغ لان الفرد مش علاج هو حل مؤقت ومضر كمان ياريته حل مؤقت وايجابى

انتى بدل ما تعملى فرد اهتمى بشعرك خدى ماسكات وكريمات وحمام زيت وفيتامين ولفى شعرك كدا حيتحسن ان شاء الله وتنبسطى اكتر بالنتيجة وتفرحى بيها

اعرفى نوع شعرك وجربى حاجات اللى تتناسب معه وخليكى معاها واستمرى فيها او روحى دكتور جلدية وخليه يعملك كورس لشعرك ولفى شعرك الدوامة او طاقية بتفرد الشعر وتخليه حلو

وهاتى بيبيى ليس خليها فى المناسبات اعملى بيها يعنى وقت البريود مش حيبقى فى غسيل للشعر كتير استخدميها واعملى حركات بيها لو استخدمتيها مرتين فى الشهر مش حتبقى مضرة

اما الفرد بكل انواعه والله يا بنات انا شوفت نتايجة على بنات كتير والاسف كلهم بيعالجوا شعرهم ومش عارفين يرجعوا شعرهم زى الاول ومضايقين واللى عمل فرد اكتر من مرة بقيت محتاسة وعند دكتور جلدية بيعالج المنشاكل اللى فيه

متصدقيش حد يقولك فرد حنة ولا اعشاب ولا كريمات غالية ولا غيرع كله نتيجة واحدة اهتمى بالشعر احلى من الفرد وغيره

[مسكـ الخـتامــ]

هنــودة إنت رأيك سليم .. وبحترمك وبحب رأيكـ بجد


كل واحده فينا وأي بنت ف الدنيا نفسها تكون جميله

وشعرها حرير وناعم وكل دا ....

بس مينفعش نضر نفسنا بنفسنا ونرجع نعيط بقى

وبعدين الشعر دا ( سواء خشن او ناعم ) نعمه من ربنا

الحمد لله على حالنا كدا ..



والله يابنات أنا بعمل زي ماهنودة قالت .. وبقالي فترة طويله

والله بجد شعري فرق خالص عن الأول من كتر الأهتمام

بقى طري والهيشان راح وفي لمعان أحسن م الأول كتير

كان على طول ناشف وهايش ومقصف والتسااقط مش عايزة اقول ...




هنودة عندك حق .. ليا صاحبة مقربه ليا جدا .. عملت فرد لشعرها

وجالها عريس كدا فجأه وفي خلال 6 شهور ماشاء الله كانت بتتجوز

هتعمل إية بقى ال 6 شهور عدوا وشعرها بقى صعب جدا

حاولت معاه كتير حمامات وزيوت وووو .. بس منفعش

راحت عملت فرد تاني عشان الجواز ...

وفات 6 شهور تاني .. ومش عايزة اقولكم النتيجه بقت ايه

بقالها شهرين دلوقتي بتعالج عند دكتورة جلديه ونفسيتها

تعبانه بسبب شعرها جدا


ميرسي اوي يانـودا على نصايحك ربنا يكرمك حبيبتي

[7abiba21]

السلام عليكم ورحمة الله وبركاته
ازيكم يا احلى بنات
بجد يا هنودة موضوعاتك تحفه بجد وانا متابعاها من زمان وسجلت مخصوص على المنتدى عشان اعرف اكلمك
وانا بحبك قوى بجد انتى وكل البنات اللى زى القمر هنا
ويارب تقبلونى هنا بينكم
لانى ماليش اخوات غيركم
ويارب تعتبرونى اختكم زى مانا بعتبركو اخواتى
وجزاكى الله كل خير على مساعداتك ونصايحك وجعله فى ميزان حسناتك

[sutsut]

ازيك يااحلى هنودة وحشانى قوى قوى انتى وكل جميلات المنتدىسموحة وملوكة وبينك وسوليتير وعزة وزكية و...وكل الجداد..ياريت تكونوا لسة فاكرينى.....كنت بطمن عليكم من بعيدكدة ومش عارفة اكتب لكم عشان ايدى اليمين كانت متخيطة.الحمد لله بسيطة هاقولكم عليها بعدين.المهم انتم عاملين اية؟

[ميويا86]

نودي حبيبتي ماشاء الله عليكي انا معاكي ف كل كلمة قولتيها
فعلا والله زوجك هيتعود ع شعرك مفرود
وبعد ال6 شهور
هيتصدم ونفسيتك هتتعب اكتر
ربنا يبارك فيكي يانودي يارب

كنت عايزة اسألك ع الفوط التركي اللي بتستخدميها
وبرايفيت الاقيهم فين؟ف الصيدليات عادي ولا ف كارفور؟ أصلي بصراحة أول مرة اسمع عنهم
وجزاكي الله خيرا حبيبة قلبي
ربنا مايحرمني منك ابدااااااااااااااااا