"عروسات المستقبل تعالوا اقولكم".. جزء ( 5 )

[هنودة هنانيدو]

ميرسى يا هنودة على الحمام انا فعلا بعمله كدا بس كل كلام الخبيرة دى
انه ماينفعش فى البيت نهاااائى وان لازم الخطوات الطويلة

الحمام المغربى فى سنتر تجميل لازم يبقى اكتر من كدا
وخاصة للعرايس مش حيكتفوا بطريقة العادية
لازم الورد والطمى وانتى ممكن بردو تعمليه وبيستعينوا بالساونا
حاجات ديه مش متوفرة فى بيوتنا فاحنا بنعمل طريقة البسيطة وبناخد فايدتها ونستفيد منها
ممكن تزودى الطمى والحناء والورد دول متوفرين فى العطار

[هنودة هنانيدو]

أزيكم يا بنات
وأحلى سلاام لأحلى هنوودة فى الدنيا....مش عايزة أقولك انا شكلى وجهى بقى عامل
ازاى طبعا العلاج اللى انا بستخدمه عالج منطقة الجبهة والخدود من الحبوب اللى كانت فيها
والدكتور قال ممنوع اى علاج يلمس منطقة العين والفم لحد ما أروحله تانى وبالتالى
انا بقيت حته وحته بس هانت واول حاجة هعملها ارجع استخدم قيتامين Eتانى

سؤال بقى يا هنوودة بخصوص التمارين انا فى البداية كانت تمارين البطن بتعملى الم
دلوقتى لأ تفتكرى مثلا انا بقيت اعمل حاجة غلط ولا يمكن عشان انا اتعودت على التمارين
دى وحاجة تانية انا مثلا كانت عايزة أظبط منطقة البطن بس اعمل تمارين البطن بس ولا بقيه التمارين ضرورية للجسم واسفة طولت عليكى

الف سلامة على وشك يا ملوكة معلش هانت والعلاج يخلص ووشك ينور وتبقى امورة

تمارين البطن او عامة اى تمارين اول اسبوع تعمليها بتحسى بالم فى مكانها ووجع وجسمك كانه مكسر
ده عشان العضلات كانت مش متعودة على التمرين
والعضلات كانت مرتخية بس بعد كدا خلاص الالم بيروح وده الصح
لانه لو فضل توجعك يبقى انتى بتعملى تمرين غلط على العضلة

لو انتى عايزة تظبطى البطن فقط وباقى جسمك كويس خلاص كفاية تمرين البطن
لما تتظبط عندك البطن ابقى بعد كدا العبى تمرين شامل لكل الجسم ويبقى حتى 3 مرات فى الاسبوع

[هنودة هنانيدو]

ازيك يا نودى عامله ايه حبيت بس اسلم عليكى لان لو مش سلمت عليكى كل يوم بحس ان فى حاجة جامدة نقصانى ربنا ميحرمناش منك يا قمر

تسلمى حبيبة قلبى كلك ذوق

هنوده فينك مفتقدينك كل ده مشوار ترجعى بالسلامه ياقمر

انا رجعت الحمد لله ياقمر تسلمى يا جميل نزلت اقابلت اصحابى

[هنودة هنانيدو]

هنودة ازيك ياقمر
كنت عايزة اسالك عن بانتوجار انا سمعت انه بيزود شعر الجسم هو بيعمل كده فعلا؟؟

ايوة ياقمر بيزود شعر الجسم بس مش بشكل فظيع
يعنى بس فعلا بيمنع التساقط جدا ويغذى الشعر
بس على فكرة فيه بنات جربوه ومحصلش حاجة لشعر جسمهم
بردو ده اختلاف جسم لجسم بس كل ما حد ما يروح لدكتور جلدية الاقى كاتبها بنتوجار
واصحابى جربوه فعلا شعرهم بقى الحمد للله كويس جدا
ومنهم بنات كتير ممحصلش حاجة لشعر جسمهم
وفيه بنات لاحظوا انه شعر جسمهم زاد شوية بس مش بالشكل اللى نتخيله

[ملوكة 12]

تسلميلى يا هنووودة على ردك الجميل
أنا من القاهرة يا قمر وطبعا هسئلك بس انتى حدديلى مكان يعنى فيصل
ولا مكان تانى وانا أجبلك الأسعار بتاعته
انا اشتريت غسول كلين اند كلير الجديد هو عبارة عن رغاوى كده بس بجد جميل
يا هنوودة قلت لازم أقولك عشان انتى المستشار بتاعنا
ويا رب اشوفك دايما سعيدة وتحققى كل اللى تتمنيه

[هنودة هنانيدو]

هنوده ازيك ميرسى على ردك ياقمر ربنا يخليكى لينا كنت عاوزه اسئلك عن اتيليهات تاجير فساتين زفاف ف اليكس تكون شيك لو تعرفى اسماء ممكن تفيدينى او اى حد من البنات ممكن يفيدنى ضرورى

فيه ياقمر نور نوح فى لوران شارع ابوقير بيعجبنى فساتيبنهم وشيك
وفيه منال القاضى فى سلطان حسين
وفيه اليمانى فى جليم
سويت نانسى فى الديب مول

دول اللى عارفهم فيه اتيليهات تانية بس مش فاكرة اسمهم كنت روحتعم بس عامة لو عرفت حاجة تانية حاقولك عالطول

[هنودة هنانيدو]

ازيك يا هنوده بجد وحشتينى فى اليومين اللى فاتوا دول
للاسف يا قمر انا مش من القاهرة ومعرفش الاسعار بس ححاول اسالك قرايبى هناك
بصى يا قمر بالنسبه اوشى اعتقد انه دهنى هل اقنعة اللبن او الزبادى تنفعه؟؟
انا حجرب كبسولات فيتامين E بس ينفع استخدمها لوحدها على وشى ولا لازم احطها على كريم او اى ماسك تانى
سؤال تانى عشان معكش الدنيا انتى قصدك بالبيتادين المطهر اللى بنجيبه من الصيدليه؟؟

وانتى كمان يانور وحشتينى ... تسلمى حبيبتى على اهتمامك

اللببن والزبادى حلوين بس بردو عامة اى ماسك جديد جربيه مرة واحدة وشوفى نتيجته مناسبة معاكى ولا ...
لانك بتحسى بالنتيجة وانه مناسب ولا من اول مرة

فبتامين E عادى ممكن تستخدميها لوحدة وتحطيه زيت اللى فى كبسولة على البشرة والعين والشفايف لوحده
او ممكن تخلطيها بكريم او ماسك زى ما تحبى

ايوة بيتادين مرهم مطهر علبته لونها ابيض فى نبيتى
وحتلاقيه 3 جنيه ولون مرهم احمر غامق
ومكتوب عليه مرهم مطهر للبكتريا والفطريات

[the 1st queen]

ميرسى يانودى ياقمر لو افتكرتى قوليلى ولو تعرفى سعر اول لبسه بكام لو سمحتى معلش غلاسه بس محتاجاهم ضرورى

[هنودة هنانيدو]

ميرسى يانودى ياقمر لو افتكرتى قوليلى ولو تعرفى سعر اول لبسه بكام لو سمحتى معلش غلاسه بس محتاجاهم ضرورى

ولا يهمك ياقمر .. اول لبسة يعنى عند نور نوح بيعمل تقريبا من 1700 ل 2000
منال القاضى كانت من 1500 وطالع
سويت نانسى كانت 1500 او 1700

بس ده على حسب موديل لان ده ممكن يكون موديلات
مش انتى اللى عايزها يعنى شغلها كتير او قليل او غيره هى معتمدة بردو على موديل وخامات

بس نصيحة منى بلاش الوطنية مول اسعارهم غالية وشغلهم مش جامد اوى

[سماح عزت]

مساء الورد ياقمرات يا ترى ميويا 86 مش بتظهر ليه ؟؟؟يارب تكون بخير......هنودى ازيك ياترى ايه اخبار بيتادين معاكى يا جميل الرؤية ظهرت ولا لسه فى المنطقة اياها