¯−ـ‗ऊ_»ऋँ استضافة أخصائية تغذية م. سوسن العمري .. أهلا بها ونستقبل أسألتكم هناऋँ«_ऊ‗ـ

[كريمة الواني]

الله يخليلنا ياك يا اخت سوسون لحقينا بريجيم 1200 وحدة وخصوصا اني برضع
وبحب قللك بعض امور
انا لما اكول متل ويفر او كيك لوزين بحسن انو لسا لو بحط 3 او اربعة باكلهون ياترى شو قصة هالمننتجات لحتى منهجم عليها هجم
ووقت بفيق من القيلولة الضهر بحس حالي كمان بدي اكول من الشوب يمكن ودكتورة بالنسبة للريجيم ممكن ابقى على الحليب كامل الدسم والجبنة العادية جبنة حبة البركة قليلة الملح لني بحس انو ابني بهالوقت عم يعتمد اعتماد كلي على الرضاععة الطبيعية لانو اسنانو عم تطلع عمرو سنة اليوم عيد ميلادو
فلازم الحليب اللي بيرضعو يكون دسم شوي وهو وزنو الان 10 كيلو ووقت انولد وزنو 3990 غرام
والله يجزيكي خير عننا جميعا لسعة قلبك

[{ الآء }]

الاخت سوسن : السلام عليكم ورحمة الله وبركاته
وجزاكي الله خييرا

اختي العزيزة انا عمري 30 سنة طولي 148 سم ووزني 90 كيلو
اعاني من مشكلة السمنة من موعد البلوغ تقريا ........ الصف الخامس الاساسي

حاولت بجميع طريق التنحيف في العالم وبلافائدة !!

ريجميات :: ادوة تخسيس :: رياضة وكله ع الفاضي

قبل سنة واربع شهور تقريبا بدات اراجع عند اخصائية تغذية . كان وزني وقتها 99 كيلو
تخيلي نزولي كان بطيء جدا
اعاني من ثبات الوزن لمدة قد تصل ل 3 شهور

وفي مرة شهر من الاشهر تركت الريجيم رجع وزني زاد 7 كيلو

الطبيبة تحكيلي انه لانه كنت اعمل رجيمات استجابة جسمي بطيءة .......... بس معقولة لهالدرجة ....

من 14/2/2009 الى اليوم نزلت 9 كيلو فقط ............... !!!!

الان عندي حاله مغطص يشتبه انها من حصى مرارة
اشرب من سنة خل التفاح الطبيعي ملعقة صغيرة لكوب ماء قبل الغداء
الرجاء منك افادتي وجازكي الله كل الخيييييييييييييييييير

[بس بس بوبي]

اختي بس بس بوبي
بالنسبة للسكري وزيادة الوزن طبعا السمنة الها دور في اصابة الشخص بالسكري وبالعصر الحالي تعتبر السمنة والسكري وباءان
فرصة الاصابة بالسكري النوع الثاني تزداد بين الاشخاص الذين يعانون زيادة في الوزن
لان زيادة الوزن تعمل على زيادة نسبة افراز الانسولين من البنكرياس لمواجهة الازدياد في الانسولين في الجسم ولكن بعد فترة تقل قدرة وكفاءة البنكرياس على انتاج الانسولين فتسبب زيادة نسبة السكر في الدم وبعدها يتعرض المريض لخطر الاصابة بارتفاع ضغط الدم وبالتالي تحدث مضاعفات مرض السكري المزمن
أثبتت الدراسات أن تخفيض الوزن يؤدي إلى زيادة في عدد مستقبلات الأنسولين على سطح الخلايا وبالتالي تحسن في عمل الأنسولين بالجسم وسيطرة أفضل على نسبة السكر بالدم
لذا ينصح المرضى باتباع نظام غذائي وممارسة التمارين الرياضية واذا ماكان في استجابة لجسم المريض باتباع الحمية والرياضة نلجأ للعلاج بالادوية
وطبعا نسبة حدوث المرض تزداد اذا كان العامل الوراثي موجود
اما اعراض السكري تتمثل بالأتي :
زيادة التبول وزيادة العطش وبالتالي زيادة تناول السوائل وزيادة الشهية لتناول الطعام
خمول وتعب مستمر
زيادة الوزن او نقصانه
ممكن تحدث ضعف الرؤية
بطء التئام الجروح والاصابات
تنميل في الاطراف
مشاكل بالفم والاسنان
ومو شرط تظهر كل الاعراض سوا يمكن بالتدريج يبينو
الله يبعدو عن الجميع

يعطيك العافيه اختي سوسن

الله يجزاك كل خير

[hala510]

ربنا يجازيكى كل خير يارب

انا بصراحة يا كتورة تعبت من الرجيمات مش قادرة اعمل تانى خلاص
فبحثت على النت و لقيت ان رياضة المشى بتخسس من غير رجيم مشى ساعة يوميا يفقدك 13كيلو تقريبا خلال سبع اشهر
سؤالى هل هذا صحيح ؟؟؟

السؤال الثانى : على طول يا دكتورة دايخة و بحس انى و انا ماشية هقع فى الشارع و بحس انى بميل بجسمى شمال و يمين و راسى من الوراء وجعانى ذى ماكون حاسة بضغط فيها و الموضوع دع معايا بقالوا فترة كبيرة اكتر من سنتين مع العلم انى عملت تحليل اكتر من مرة و التحليل اثبت ان ماعندى انيميا
سؤالى ماهى التحاليل المطلوبة علشان اعرف انا عندى ايه ؟

السؤال الثالث : شعرى بيقع بطريقة فظيعة بالرغم ان نسبة الحديد فى التحليل كانت طبيعية مع العلم ان عائلة بابا عندهم مشكلة الصلع حتى عماتى وجدتى انا عارفة طبعا ان مافى صلع عند البنات علميا بس انا قصدى ان شعرهم خفيف فوق ماحضرتك تتخيلى لانه كان بيقع كتير مع العلم انى نزفت لمدة شهر و نصف بسبب المشى اثناء الدورة الشهرية و طبعا شعرى وقع كتير
سؤالى هل المشكلة اللى عندى وراثية و لا بسبب طريقة غذائى الخظا؟ و اعرف ازاى ان من العائلة و لا المشكلة فيه انا ؟؟

الف الف شكر لردودك ربنا يكرمك يارب

[ميار 1982]

اختي ميار 1982
الريجيم الي انتي كنتي متبعيته كان خاطئ والافضل انك ماتاخدي اي حبوب مساندة لتنزلي وزنك ان الها اضرار كبيرة على الجسم ودائما الافضل التوازن والالتزام بنظام صحي لان الحمية الغير صحية ممكن تنزلي عليها اول فترة لكن بعد مدة بترجعي وزنك الاصلي وزيادة عليه وهالشي صار معك
النزول البطيء عندك هو بسبب حرمانك لجسمك كتير وألية انك تمنعي حالك عن الاكل بهدف النزول هالشي اكبر خطأ بتعمليه بحق جسمك لان الجسم اذكى كتير منا وبيأقلم حاله حسب الظروف فاذا كنتي بتحرميه كتير بيتعود على هالشي فبيعمل نظام الال لايستهلك بل يعمل على تخزينه للظروف الاصعب متل امناعك عن الاكل ليوم كامل متل ماانتي بتعملي
احسن نصيحة الك خذي فترة نقاهة من الحميات وابدأي بتغذية جسمك والالتزام بالوجبات الرئيسية وبينهم 3 وجبات خفيفة متل حليب لبن زبادي خضراوات او فواكه
لحتا يغير جسمك من سياسته وبعدها بفترة بتبدأي بحمية لتخفيف وزنك
والله الموفق

جزاك الله كل خير اختي
ان شاء الله باعمل بنصيحتك الغالية و راح طمنك
ربنا يجعله بميزان حسناتك

[م.سوسن العمري]

مرحبا اخواتي غسق الليل والشفاعة :
بالنسبة للامساك عند الاطفال هالمشكلة موجودة وتعتبر ظاهرة عند الاطفال مادون السادسة واسبابها اما عضوية او وظيفية والاخيرة هي الشائعة بما ان الطفل طبيعي
ياترى كم مرة بالاسبوع بكون في تبرز عند اطفالكم؟اذا كانت اقل من 3 مرات في الاسبوع بنقدر نحكي عنها امساك
وياترى بتلاحظو براز على الملابس الداخلية لاولادكم لان في حالات كتير لاتتم عملية التفريغ للبراز بشكل كامل فتظهر مثل هالعلامات على الملابس الداخلية للاطفال
وفقدان الشهية تعتبر احد عوارض الامساك عند الاطفال
بدي منكم تنتبهو على استهلاك الحليب عند اولادكم لان في دراسات بينت العلاقة بين كثرة تناول الحليب ومشتقاته واصابة الطفل بالامساك
حاولي تقللي الكمية ولاحظي اذا بتحدث اي تغييرات ؟؟
واهم شي مراعاة حالة الطفل النفسية وعدم اشعاره بالخجل او تأنيبه والتعامل معه بروح رياضية
عند استخدام الحمام ياريت لو كان في شيء مرتفع قليلا يكون تحت اقدام الطفل ليرتكز عليه وتكون عملية التبرز عنده اسهل خاصة اذا كان بيقضي فترة طويلة
اذا كان الطفل بياخد مكملات غذائية او حديد البراز بكون عنده غامق وهالمكملات خاصة الحديد بتعمل عنده امساك والافضل دائما اللجوء للمصادر من الغذاء وعدم الاعتماد عليها
وممكن يكون سبب من اسباب الامساك عند الاطفال هو التدريب المبكر على استعمال الحمام او اتباع اسلوب خاطئ في التعليم فيحدث عند الطفل ردة فعل سلبية وتظهر بشكل امساك لعدم رغبته في الذهاب للحمام
ومن الاسباب انه الطفل كان وهو صغير يحرم نفسه من الذهاب للحمام لعدة اسباب فيحدث تراكم للبراز ومن بعد فترة طويلة يصبح البراز اكثر قساوة فتظهر مشكلة الالم والصراخ عند الذهاب للحمام
واهم العلاجات التركيز على الخضار والفواكه خاصة الخضار وتناول الخبز الاسمر اذا امكن وبالمجمل التركيز على الالياف
شرب السوائل والعصائر الطبيعية والتركيز على الماء خاصة وقت الاستيقاظ
التقليل من السكريات والحلويات قدر الامكان
السماح للطفل باللعب والحركة دون قيود
التقليل من كميات الحليب ومشتقاته خلال فترة العلاج
واذا كان بياخد دواء معين احيانا الامساك بيظهر على شكل اعراض جانبية للدواء
بنصحكم تجربو التين المجفف على الريق او تناول ملعقة عسل مذابة في القليل من الماء ايضا على الريق
وتناول الزبيب يفيد ايضا
وعمل تدليك يومي لمنطقة البطن واسفله بزيت الزيتون

بالنسبة لبنتك الي اكلها بطيء ياريت لو تفحصو حجم اللوزتين عندها اغلب الاطفال بيعانو من هالمشكلة من دون مانعرف نحنا سببها فبتلاحظي الاكل البطيء واخذ فترة طويلة لعملية البلع وبتكون بشرتهم شاحبة غالبا
للاطمئنان اعمليلها فحص قوة الدم ,
وبالنسبة لقلة الشهية ياريت لو مايكون في اجبار للأكل لان هالمشكلة رح تزيد عند الطفل رغبة للطفل في اثبات الذات
وحاولي تجاهل المشكلة ولاتقيديها بأكل معين او كمية اتركي الها الحرية مع ضوابط في تناول السكريات والحلويات
حاولي تخلقي جو من المرح والمتعة خلال وقت تناول الطعام ليستمتع الطفل بوجبته يعني الله بعينك
عدم الشكوى امام الطفل سواء كان امام العائلة او احد الاقارب لان هالشي بيعزز المشكلة عنده
استخدام الفيتامينات ياريت يكون تحت اشراف طبي وتكون في ضرورة لذلك لان لاينصح بها لان في منها يعمل عمل عكسي في الجسم وفي نوعيات معينة غير مصرح بها طبيا
وبالنسبة انها مابتاخد حليب حاولي تعملي ادخال للحليب في الوجبات من دون اظهارها نثل عمل اومليت بالبيض مع الحليب او صنع مهلبية صناعة منزلية او اضافته للمكرونات متل صلصلة البشاميل او في المعجنات او كوكتيل الفواكة بالحليب وهكذا .....
حاولي تركزيلها على المأكولات الغنية بالزنك متل المأكولات البحرية والبيض
اعطيها سناك بين الوجبات متل الذرة و بطاطا حلوة واعمليلها حركات او تكون الصحون مرسوم فيها شخصيات كرتونية بتحبها او اشكالها غريبة
لاتعتمدي اسلوب العقاب اذا قصرت بالاكل او المكافأة اذا انهت الوجبة
لا يكون الطفل نعسان او زعلان وقت الاكل

مافي علاقة بطول الشعر والنحافة الله يحميلك اياه
خبروني اذا صار نتيجة )
الله يخليلكم اياهم امييين

[أم بـــــنـدر]

الاخت سوسن العمري

اولاً الله يجزاك خير على نصائحك لنا

عندي سؤلان فقط

الاول انا نحيفه جداً وشهيتي ضعيفه في الاكل

طولي 150 ووزني الحي 38 داخله قروب مع البنات في المنتدى واحس زدة شوي

كيف ازيد وزني بطريقه صحيه

السؤال الثاني وهو المهم جدا

بنت اختي عمرها 14 سنه

الى الان لم تبلغ ولم تظهر عليها اي علامة من علامات البلوغ

وزنها عادي مياله لللنحف شوي هل يعني هذا انه مؤشر خطر

او الموضوع عادي

والله يجزاك خير

[م.سوسن العمري]

اختي ذات العفاف ياريت تقرأي ردودي للاخوات بشأن الامساك وان شاء الله تستفيدي منها وربنا يوفقك ويخفف عنك
وبحالتك مابدك اي ريجيم لفترة محددة بل تتبعي اسلوب حياة بسبب المشاكل الي عندك

[م.سوسن العمري]

اختي هدوء قلب خليكي متابعتنا وان شاء الله قريبا رح يتزلو البرامج

اختي كريمة الواني :بالنسبة لاكلك الي خبرتينا عنه اخطر شي عملتيه هو حذف وجبة الفطور لان كل الدراسات بينت انه اهمال وجبة الفطور احد ااسباب الخطيرة المؤدية للسمنة ولهالسبب انك مابتتمالكي نفسك وقت الغداء وياريت لو ماتركزي على الاكل الجاهز وحاولي تركزي على المحضر في البيت وكمان اكل صيني الله يسامحك اغلب الاكل الصيني الموجود بمطاعمنا العربية مشبع بالدهون والزيوت خاصة اطباق اارز المقليه
الله يخليكي انتبهي للنوعية قبل الكمية
وعن سؤالك برغبتنا في تناول المزيد من السكاكر والحلويات
الجسم لما يدخله طعام من هالنوعيات او طعام دسم متل الوجبات السريعة الدماغ عنا بيفرز مادة السيروتونين بتعطي الشخص الشعور بالسعادة والرضا وبصير يفكر هل من مزيد ويمكن هالشي بتلاحظيه بفترة ماقبل الدورة الشهرية صح
نفس الشعور بيحصل عليه الجسم من خلال الخضار والحبوب الكاملة فياريت نحاول نركز عليهم اكتر ونحاول نخفف من الحلويات
ولاتنسي انه هالبسكوتات والشوكلاته لما تاكليه كل الدهون الي بيحولها الجسم لما تاكليهم بيتركزو عندك في منطقة الورك والفخذين
بالنسبة عن شربك للحليب كامل الدسم هالشي مارح يفيدك للرضاعة لان خالي الدسم وكامل الدسم بيعطو نفس النتيجة للحليب
ومن كلامك انتي بدك تاخديه ليدسم الحليب عندك للبيبي هالشي خطأ شائع شو ماكنتي بتاخديه تركيبة الحليب نفسها مازال بتاكلي اكل صحي وفيه فائدة
وبالنسبة لاسنان طفلك تكونو عنده وانخلقو وهو ببطنك وكان اعتماده على الكالسيوم الموجود بجسمك بفترة الحمل هلأ مارح يستفيد منك شي من الحليب لاسنانه فلا تقلقي
حتا ااسنان الدائمات بكونو تكونو خلال فترة الحمل ياسبحان الله
بالنسبة لوزنه هلأ ضمن المعدل الطبيعي الحمدلله
كيف اكله هلأ وبيتقبل كل الاكل ياترى ؟؟الله يخليلك اياه
هو معتمد كليا بالحليب عليكي او بياخد صناعي ؟؟

[م.سوسن العمري]

اختي الاء :
الكلام الي حكتلك اياه الاخصائية عن عدم استجابة جسمك للنزول صحيح
لانك اكيد كنتي تتبعي حميات قاسية وتحرمي حالك كتير وبالنسبة للادوية هي اخطر شي لان في نوعيات بتعمل اثار في الجسم ممكن تكون خطيرة
اهم شي هلأ تعودي حالك لفترة معينة على الاكل من دون حمية يعني لاتحرمي حالك كتير وحاولي تنوعي وجباتك ولاتحرمي حالك من شي خاصة النشويات
بالنسبة للحصى عندك احتمال كبير يكون سببها اتباعك للحميات الغير مدروسة واكيد كانت السعرات فيها قليله كتير
لان من ااسباب لتشكل الحصى انقاص الوزن بفترات قصيرة
ومن اسبابها هرمون الاستروجين اذا كانت نسبته مرتفعة عند الانثى وممكن هالشي يكون بسببب حبوب منع الحمل او اللجوء للعلاج التعويضي الهرموني
وطبعا السنة بتلعب اهم دور بتكونها
اذاثبت هالمشكلة عندك بدك تحاولي تتفادي السبانخ.الشاي .القهوة.الشوكولاته.الفول السوداني
لانها تعتبر غنية بالوكسالات اي بتساعد بتكوين هالحصوات
بدك تخففي من الكالسيوم يعني حسب احتياجاتك اليومية مو اكتر
قللي من الملح في اكلك
التخفيف من البروتينات
وتجنب المشروبات الغازية اكيد
ولعلاجها بفيدك بذر الكتان ضيفيه على الاكل .منقوع النعنع بفيد كتير .خل التفاح الطبيعي وعصيره مفيد كتير والفجل الابيض والاحمر بيفيدوكي
بس بالنسبة لاستعمالك الخل ياريت يكون ملعقة طعام على كأس ماء بعد الوجبة مو قبلها
ماخبرتيني عملتي فحوصات للغدة الدرقية عندك؟؟؟؟