تعالوا نفيد ونستفيد ( 2 ) ملف متجدد

[بنت معمر]

ازيكم يا بنات وكل سنة وانتم طيبين اي الجامعة الحلوة دى يارب ديما فى الخير والافراح
كونت عايزة اسئلكم لو تعرفو محلات فى العاشر من رمضان غير كونكريت و المجمع الاوروبى

[بنت معمر]

معلش يا جماعة قولولى اية هو الاوت ليت دى لحسن عاملة زى الاطرش اللى راح الزفة

[nashwa1]

اهلا بيكى يا ماما ياسين
فى العاشر يا قمر فى مول اسمه عرفه شيك جداا وفى حاجات حلوه اوى اوى ان شاء الله يعجبك
الاوت ليت ده بيكون جاى من المصنع بس فى ديفوهات مش ظاهره او موديل السنه القديمه
والديفوهات بتكون غالبا فى التيكت مثلا بتاع الحاجه لانها اصلا بتبقى تصدير
واهلا بيكى معانا منوره

[بنت معمر]

اهلا بيكى يا ماما ياسين
فى العاشر يا قمر فى مول اسمه عرفه شيك جداا وفى حاجات حلوه اوى اوى ان شاء الله يعجبك
الاوت ليت ده بيكون جاى من المصنع بس فى ديفوهات مش ظاهره او موديل السنه القديمه
والديفوهات بتكون غالبا فى التيكت مثلا بتاع الحاجه لانها اصلا بتبقى تصدير
واهلا بيكى معانا منوره

اهلا بيكى انتى يا قمر وميرسى يا جميل
اه فعلا عرفة انا عارفها شيك جدااااااا وحاجته حلو بس كونت عايزة اعرف محلات اكتر اصل انا طمعة اوى هههههههههه على العموم الف شكرااااااااا بجد على تعبك يا جميل وعلى معلومة الاوت ليت دى اول مرة اعرفها منك شكرا حبيبتى

[ورده مصريه]

السلام عليكم

مبروك بنت مصر على الميكروييف

اهلا نشوى ازيك وحشانى عامله ايه ؟؟

مامت ياسين منورانا دايما

مسلم ازيك ايه اخبارك ؟؟

سوسو ,,, فينك مش باينه ... ؟؟؟

[ورده مصريه]

ايه يا جماعه محدش جاب حاجه جديده والا ايه ؟؟؟

جمعه مباركه عليكم بإذن الله

[muslium]

أزيك يا اجمل ورده عامله ايه يا حبيبتى

بصوا يا بنات كنت سألتكم عن محلات لبيع الزراير بس تكون حلوه و شيك و مفيش غير نوشا كتر خيرها قالتلى على محل فى عباس العقاد
أنهارده سألت مجموعه من أصحابى دلونى على محلين واحد أسمه النمرسى فى الموسكى و بيقولولى ده مشهور جدا
وواحد اسمه العقاد فى ميدان الجيزه

غالبا هروح بتاع ميدان الجيزه ده اشوفه وربنا يسهل و الاقى عنده حاجات كويسه و هبقى اقولكم النتيجه ان شاء الله

_نوشا انتى تقريبا كنت من قريب قلتى انك أشتريتى مرتبه هابيتات او يانسن صح و لا الزهايمر عندى اشتغل؟
لو كنت بتكلم صح يا ريت تقوليلى رأيك فيها ايه, مريحه؟ أصل سمعت من ناس انهم مرتحوش فيها و بيفضلوا المراتب القطن
و يا ترى اشتريتى اى نوع ؟

[ورده مصريه]

اهلا يا مسلم ازيك يا جميل انا بخير الحمد لله
اسمحيلى ارد عليكى فى موضوع المراتب
انا جربت يانسن ممتازه جدا اللى هى واخده طبقه اسفنج من فوق وتحت وسست فى النص
وجربت لغرفه بنتى اللى هى قطن من فوق وتحت وسست فى النص وهى صناعه المانى مع ضمان 10 سنين
عاوزه اقولك روعه روعه والله ومشدوده كأنك نايمه على قطن واحسن كمان
اللى مقاسها 120 جبتها من اقل من سنه بـ 750 جنيه
اما الكبيره 160 من 5 سنين كانت بـ 500 دلوقت بقت بـ 900 تقريبا او 850 جنيه
انا لقيت نفس تكاليف القطن دا غير بهدله المكان وبعد كده تلاقى المرتبه القطن اتحفرت فى المكان اللى بتنامى فيه ده غير تقلها لكن مرتبه يانسن ممكن تحركيها لوحدك ...

اتمنى اكون افدتك

[nashwa1]

لا شكر على واجب يا مامت ياسين هسألك لو فى جديد فى العاشر هقولك من عينيه

[nashwa1]

مسلم النمرسى ده هايل واعتقد ليه اكتر من فرع وهو برضه ليه فرع فى عباس العقاد
اما بخصوص المراتب انا اشتريت يانسن 160 سم اللى فيها طبقتين قطن من فوق وتحت وسوست وشاسيه حديد ( الشاسيه اللى هو الحديد اللى ماسك الاطراف علشان المرتبه مش تهبط من الطرف ) انا جيباها 1375 جم هى جميله ومريحه جوزى جدا انا مش مرتاحه وبقوم ضهرى بيوجعنى بس اغلب الناس شكرت فيها يمكن العيب فى ضهرى انا