كل الفسلطينيات اللي من برا وجوا يدخلوا واللي حابه تدخل اهلا وسهلا يامرحبا فيها

[um samer]

[إيمان علي]

أما انتو شلة.... فنو ودندون ودندوش... عصابة الله وكيلكم.. بس القراءة وراكم ممممممممممتعة
فنونة، تروحي معي على الحج؟ يارب اطعمني إياها السنة... دعواتكم

[Dandosh]

لا هيك كتير!
دندون عالعمرة و انتي و أفنان عالحج و انا ؟؟؟؟؟؟؟؟؟؟

دبروني معاكم ما دخلني.. ببطل ألعب ..

[أحلى فراولة]

السلام عليكم ورحمة الله وبركاته

شو جماعتنا كلهم متلمين هون وأنا مش عارفة طيب احكوا اتكلموا لا تخلوني اردحلكم باللهجة الفلسطينية الكحت ،،


بس عن نفسي انا من منطقة اسمها عبسان الكبيرة في خان يونس وخان يونس في غزة بس عايشة بالكويت ولله الحمد كل سنة بنروح على فلسطين وعندي 4 خوات متزوجات هناك بس للاسف من يوم صارت الانتفاضة الأخيرة واحنا ما سافرنا هناك يعني من شي 3 سنوات ونص ما بدي اطول عليكم بس حيالله بكل خواتي وعزيزاتي من فلسطين ،،


بس بالنسبة لمنطقتنا فما فيها حد الا وبنعرفه فاي حدا من هناك يتكلم ياجماعة




وتحياتي لكم

[هنلي]

في حكي كثير حلو كاتبينه اشي قراته واشي ما لحقت لاني جايه اطل على داري
بس اني يا افنان ام عمر جوزك من دار عاشور هذا قرابينا امي بنت خالها متزوجه من دار عاشور واسم جوزها ابوا اياد عاشور وهو معروف كثير في البلد اكيد لو تسالي جوزك رح يعرفه
اسمه كامل العاشور اسالي ورح تعرفي
وبالنسبه للاوضاع هي مليحه والحمد لله اليهود بيعملوا منع تجول مثلا الساعه 7 الصبح بس بعديها بيروحوا وبنطلع احنا عادي على 10 الصبح طبعا بس ما بيئذونا طبعا
اما الاوضاع الماديه عاديه والحمد لله والمساعدات ياحيره علينا بتروح للكبار وبس بيسرقوهن

[Dandosh]

هلا هنلي نورت

[شروق الأمل]

عن جد إنكم روعه ....
هدا إنتوا ماخلتوا حدا لا من الشرق ولا من الغرب
أما أنا ياحلوات فمن الوسط الشمالي " قال فاهمه جغرافيا " .....
أنا والعياذ بالله من كلمة أنا من جنين و عايشه في أمريكا صار لي عشر سنين
و أهلي في عمان ..... آخر مره نزلت على البلاد من أربع سنين
الله يفتحها علينا وتقرب هالنزله والله الغربه صعبه يابنات " راح تقولوا شو هدا يا شروق قلبتيها دراما " ......
بس قولولي في حدا من جهتي ......

[Dandosh]

يااا هلا بأهل جنين منورة والله

والله على علمي ما في حد من جهتك بالزبط.. بس علمي انه كلنا من نفس الجهة

ربنا يهونها عليك وعالجميع وخاصة اللي بالغربة ..

بتذكر ناس كانوا جيران صاحبتي (شو هالقرابة) كان عندهم بنتين شروق و أمل و عندهم محل أسمه شروق الأمل حتى بنتهم تزوجت وسافرت لا تكوني انت

[Dandoon]

اهلا و سهلا يا شروق الامل >>>>>> دودو يا حلوة هديك ما الها عشر سنين مسافرة معقول ؟؟

بعدين طولكرم كتير قريبة على جنين ، و مع نابلس بشكلو منطقة "المثلث" ..
يعني بتقدري تقولي من نفس الجهة

[Dandosh]

شو بيعرفني .. السن له حكمه يا بنتي

بس انا بتذكر انها تزوجت صغييرة ....