تكملة لملف السفرة الرمضانية لشهر رمضان يوميا و لجيمع الأطباق

[هناء&خالد]

انا الحق ماجربتاش في الكوشه بس حنعاود نجربه بس المبطن البطاطا نحس فيه لا يعلى عليه
ممكن لاني نحب البطاطا نفسها
وصحتين على قلوبكم

اكيد المبطن البطاطا لا يعلى عليه انا اصلا مانحبش البدنجان نهايئا ؟

ممكن هدا ليش مجزفتش ودرته

أكيد البطاطا لايعلى عليه حبيبتي لكن اني حبيت نشاركم بي جديدي وبس وبعدين أني وريتكم فطوري وحكيتلكم عليه يعني زي ماديرو أنتو كلكم وعشان حاسبتكم وخياتي ومخليتكم كله وحده تختار شنو تجرب وشنو ماتجربش ربي يهنيكم تحيااااااااتي

[yasameen hayati]

السلام عليكم وكيف حالكم يابنيات بلادى ان شاء الله طيبيين كيتى ماشاء الله على فطيرك وصحيتى ياحبيبه عالملف الجديد

[yasameen hayati]

هناء و خالد بالله عليك حطيلى رابط المبطن امتع البدنجان خاطرى انجربه هو وطريقة شانتال ربى يفتح عليكم ف الشهر الفضيل

[RAWAD]

السلام عليكم

اني جيت ..
هدووووووووووووووووووووووووووء
الناس كلها تفطر ...

اني فرحت اللى ما نسيتونيش هههه
شانتيل يا عسل صار مازال متفكرة .. فيك الخير اني قلت بالك نسوا بكل .
ام جني .. يا حبيبة يا عيوني . و الله ما فيه نورات غيركم يا عسل

حبيباتي .. كيتي و الاء و الوردة الذهبية و ابريكة و حرة و هناء و كل الحبيبات اللى هني و سامحوني كان نسيت اسم

على اى حال تمت العزومة بخير
و الشكر لله و من تم لكم على مساعدتكم و اقتراحاتكم التي كانت مهمة جداً .

العزومة اصبحت تاريخية لاني كنت نستشعر وجودكم معاي في المطبخ
اقسم بالله اني كنت نبتسم بروحي و اني نتخيل فيكم حوليا (شورني صارلي )
المهم فعلا الاحساس كان جميل جداً و انساني التعب و الوحدة و شعرت كأني في حوش العيلة .
جزاكم الله خير
التأخير كان خارج عن ارادتي <<زي اذاعتنا >
لان الكونيكشن كان يقطع و ما قدرت نحمل الصور عالموقع ..
اضافة لاني كنت معزومة ثاني يوم << يا ام السنفور و حتى اليوم راهو معزومة كان بتجي .
على العموم انتظروا الصور في الرد القادم ..

[RAWAD]

• السلام عليكم
• زي ما حكيت في الرد السابق اني كنت شاعرة بوجودكم معاى في الحوش ههههه
• و لهذا حبيت انكم تشاركوني باش حتى انتم تعيشوا في الجو معاى

::
::
::

هادي بعض المناظر في ساحة المعركة .. قصدى المطبخ اثناء التحضير
و الصورة الاولي و اني نجهز في الصالون لاستقبال الضيوف ..

التشطيبات الاخيرة
و كل شيئ جاهز على قولة هني <<

الصورة الاولي .. شوية معدنوس و نعناع و عطر و مرامية قطفتهم من جناني
حبتكم تشوفوهم << فريش

هذا الفطور .. تمر و بسيسة و عصير
و الحليب في الثلاجة كان ريتوه << اخر حاجة طلعته مصقع.

و الثانية صورة المقبلات :
زيتون اسود و اخضر و هريسة و مخلالات
مع السلطة المشوية .

و هادي الصفرة متكاملة
للاسف مش واضحة هلبة لأن خذيتها بحشمة
تجرأت و قلتلهم بنصور و هما كيف بدو ياكلوا هههههههههههه
يا شماتة ابلة ظاظا فيا << ابلة ظاظا مين

و نجوا للصور على عزف منفرد
كلاً على حدى

هذا يا حبيبات قلبي
البيتزا البيضا << الصلصة عبارة عن مايونيز و تن >>
و سندوتشات تن و مخلل من غير هريسة << فيه صغار لان >>

عاد واضح و مش لازم نتكلم

و هذا نجم العزومة بدون منازع
وريدات الفلفل في الكوشة
مع طاجين الدجاج حطيته في الفورم على طبقتين و بينهم
بيض مسلوق << حركات

و هذا في الاخير
شاهي ليبي بالعطر < من غير كشكوشة لكن
و الحلو .
معمول رول و قرطلة و كعك مالح .

للاسف لهيت و ما صورتش الباقي

الحلو كان كنافة بطريقة ميمي الله يحفظها بس من غير حشو
حطيت فوقها كاشيك قشطة و غمرتها بالفستق

و سلطة فواكه بالكريم شانتي

و خلاص
ان شاء الله تعجبكم العزومة زي ما عجبت الضيوف
و نلتقي مرة اخرى

كانت معكم : رواد من قلب مطبخ رواد

[عنود الصحراء]

السلام عليكم .... صحه شربتكم يابنات وان شاء الله ربي يتقبل منا اجمعين
مشاء الله تبارك الله والله صفر تفتح النفس ربي يحفطكم ويباركلكم ويوسع عليكم

ام السنفور بااااااااااااااااااااااااااارك الله فيك علي الكيكه والله جتني مش عاديه درتها امبارح 11 في الليل وحطيتها في السحور والله دعيتك من وسط قلبي ان شاء الله ربي يوسع عليك ويحفطك وليدك وراجلك ويوفقك في قرايتك بصراحه علي قد مجربت كيكات اسفنجيه منفعتش معاي لكن هده مشاااااااء الله



والييوم ان شاء الله حابه انجرب بسبوسه رواد ... لكن لقيتها بدون زيت ولا حليب فحبيت نستفسر اكتر .... وحاجه تانيه ممكن اندير عطر والازهر بدل الميه وزالا لالالالالالا وياريت هالي جربتها والا رواد يقولولي لاني بصراحه بعد نجاح كيكه ام السنفور متحمسه علي الاخر
وسلام للجميع

[عنود الصحراء]

مشاء الله يارود تبارك الله مصلي علي النبي عليك والله صفره تحلي العين المغمضه ........ املا وريدات الفلفل والله كالعات مش عاديات تبارك الله حسك شحعتيني انديرهم ... بالله قوليلي كيف دريتيهم ..... ونبي نسال علي معمول الرول بالله كان مافيش تعب عليك .... وبالمره ياريت تحاوبين علي البسبوسه
والسماح السماح علي تكسير الراس

[ميلا]

ماشاءالله أختي رودي تسلم أيديك ست بيت
وينها المعركة مارينا شي منظمة وفالحة وماشاءالله عليك

[ميلا]

ماشاءالله عليكى ياكيتى صحة فطورك ديما الحاجة اديري فيها على أصولها المحاشي بجمبع أنواعها إن شاءالله صحة وألف هنا

[libyaa2]

ماشاء الله عليك يا رواد صفره دايمه ربي يهنيك والحق صفره مقومه يا سعدودهم اللي يا كلو