اميرة
انا من رايى تكتبى و الله يا جماعة ليه مش مصدقين انه بيفرق معانا لما الواحدة تكتب نظامها و اللى بنقرا اليوميات و بنقارن و بيبقى فيه فايدة
و بطلى كسل يا ست اميرة دانتى اقل واحدة بتاكلى فينا يعنى اقل واحدة فى يومياتها فى عدد السطور ههههههههههههههههههه
كرستالة
وحشتينا جدا وو قلقانين عليكى ربنا يرجعك لينا بالسلامة و يارب تدخلى طمنينا من اى حتة او موبايل بكلمتين بس
مش قلتى انك حطيتى براوزر جديد طب فينك بقى ؟
تعالى يا كرستالة انا محتاجة وجودك معايا بجد و بشدة
ربنا ما يحرمنى من وجودك جنبى ابدا
نيبو
يارب يتصلح النت عندك بقى و نشوفك و نفرح بنزولك
صرخة امل
فرحانة بيكى قوى و بنزولك تانى
و حمد للع على سلامة ماما ربنا يتم عليها الشفا
هبه
ماتزعليش و عايزة تشدى الهمة تانى و باذن الله من الاسبوع الجاى من بكرة هنفتح موضوع جديد و بكل حماس نرجع احسن مما كنا
و اقرى كلامى لكرستالة دا ليكى و للكل
و انا مدلعاكم قوى على فكرة
مرتين شايلة التختوخة منكم و المرة دى كمان
بس باذن الله مع الموضوع الجديد هاشد عليكم
لازم تتجدعنوا يا هبه كلكم و انا معاكم عشان نشوف ارقام جديدة على الشمال
انما احنا كدة بندلع
و بالنسبة لاقتراحك يا هبه انا هامد المدة ل 12 ظهرا تانى يوم اظن كدة معقول
و حتى لو نمتى متاخر مش معقول هتصحى بعد الظهر تكتبى اليوميات صح هو حتى غلط
المفروض نظبط يومنا وووجباتنا و رياضة الصبح احسن من اى وقت و بتسرع الحرق و تبدؤه من بدرى
راجية
انا عارفة الابرة دى لان زوجى تخدير حضرتك و سالتك عن الصداع
لانة لو الابرة اتحركت من المكان المفروض تدخله
او كانت سميكة اكتر من المفروض بتعمل صداع بيستمر لشهور
و بيسبب دوخة كمان و الصداع ما بيروحش الا بحاجتين يا ما الراحة التامة
او تدخل ابرة تانية بس مش فاكرة تقريبا تعمل RELEASE لحاجة بس مش فاكرة قوى
ابقى اسالك الباشا لما يرجع بالسلامة بس هو الصداع تقريبا بيقعد فى حدود 4 شهور تقريبا و بعدين بيروح لوحده حاجة مؤقتة يعنى هو مشكلته انه بيبقى فظيع و مفيش مسكنات بتعمل حاجة معاه
بس حاولى تشربى سوائل كتير و قهوة كتير و تمددى الفترات اللى مافيهاش شغل بيت على قد ماتقدرى
بس استغربت قوى ربنا يشفيكى و يعافيكى يارب و يتم عليكى نعمته
بتجيبى اطفال تانى بحالتك دى
دانت باتبغدد بقى اقول ابدا كفاية الاتنين المقاري\ اللى عندى لحد ماخس
و ابقى قمر و بعدين افكر هههههههههههههههههههه
ربنا يديكى الصحة و يعينك على تربيتهم و يقويكى و يشفيكى يا راجية يارب
و يا ستى ولا يهمك اتكلمى و ردى براحتك دا انا لما باصدق ان واحخدة فيكم تفتح بقها و ترغى براحتك يا عسل و كلى اذان
ههههههههههههههههههههههههههههه
يا بنات الموضوع الجديد هيبقى فيه الشعارات و هاحط صور تمارين و هابعت لكم على الخاص فيدوات تحفة امبارح جربتها و كنت مبسوطة قوى
و هيبقى فيه تحدى رياضى و اوائل بس بعدد دقايق الرياضة
و مش هادلع الاسبوع الجاى لازم نشد على نفسنا
الدلع له وقته و نعذركم لو فيه ظروف
انما كدة مش هينفع
اسبوع نزيد و اسبوع نقله و نبوظ اللى عملناه؟
كدة غلط
و باكد عليكم تانى كلكم لازم الدخول ضرووووووووووووووووووووووووووووووووووووووووووورى
لما واحدة تدخل و تلاقى موضوع ماحدش كتب فيه بقاله 10 ساعات
دا يبقى فريق خملان و نايم
و قولولى ازاى تتشجع عشان تكمل
لما بنتكلم و ندخل نحكى حتى لو كلام اهبل او حاجات شخصية بتثرى الموضوع و نتعرف على بعض اكتر و نقرب من بعض و نشجع بعض لو حد عك و الا حاجة صح؟
و لازم نتفاعل مع بعض اكتر
مش كفاية ابدا نكتب اليوميات و نجرى كاننا بنرميهم رمى
مين هتتشجع لما تكتب و ماتلاقيش الناس تعبرها
و ما تقولوليش كفاية اننا بنكتب اليوميات احسن من مافيش
هنعمل زى الشهر قبل اللى فات فاكرين
ورد انشغلت عننا و احنا و انا اولكم بقينا نعمل كدة و ماسمعناش كلامها لحد ما الفريق وقع اول مرة
و بعدين ورد راجعة باذن الله
مش قولنا عايزينها تفرح بينا
و اخركم شهر رجب فاكرين كانت بتقول ايه؟
يارب تسمعوا كلامى
و فيه انذارات هتتوجه مع العك لازم تخافوا على نفسكم و انا اولكمن
و الا وجودى انا وكرستالة دا مالوش معنى و لا استمرارنا كمان له معنى
معلش انا طلعت فيكم
بس والله خوف علينا مش عايزة تعبنا يروح هدر و انا ماصدقت انه عندنا عزيمة و ابتدينا نقوم
مش عايزة ننام تانى
احنا بقالنا شهر مع بعض و لحد كبير منتظمين
بس خايفة قوى للناس تتساقط مننا فى السكة؟
كرستالة و هبه دلوقتى مزاجها و حش و مافيش عزيمة
لازم نضغط على نفسنا و نصلح اخطاءنا
و حتى لو رحنا عند ناس اصحاب او اقارب
لازم نقول و نعلن انى باعمل دايت و ملتزمة و هما هيقدروا ده حتى لو اتريقوا شوية لو شافوا الاصرار على وشنا هيساعدونا و هما اللى يفكروا فى بدايل مناسبة لينا
امبارح انا رحت لجارتى
كلمتنى اروح لها قلتلها بصى انا هاجيب السكر بتاعى معايا قالت عندى سكر فاكهة قلتلها لا فيه سعرات
قالت خلاص و عندى سكر دايت
و روحت لقيتها عملة عصير كوكتيل فاكهة و محلياه بسكر دايت شربته ببطءو مارضيتش اشرب غيره مع انى كنت جعانة بس اتحملت
و روحت عملت رياضة تانى و شربت ازازة ميه و اكلت تمرة بس
و قبل مانام اتعشيت بنظامى و مارضيتش ازود
و فكرت الخبط و بعدين قلت حرام اتعب 150 دقيقة تقريبا سشاعتين و نصف رياضة و اجنابى وجعانى و فى الاخر اضيعهم حتى جارتى قالت باين عليكى و الله قلتلها ما خسيتش تانى من اخر مرة بس الرياضة اللى باعملها بدات تشد جسمى
و طول مانا شغالة حاطة الميه جنبى اشرب بين كل فيديو و التانى و اقول بكرة باذن الله ابقى زى المدربة دى و اشد عضلات بطنى و اقول هابقى احلى منها كمان
افتكروا الكلام دا و اللبس اللى نفسنا نلبسه و محرومين منه
افتكروا تعبنا نضيعه بسهولة و نياس
يمكن ما ننقصش فى اسبوع
بس نحس اننا عاملينا اللى علينا ة نغير فى طريقتنا
انتوا عارفين انا كنت راجعة من السفر زايدة 2 كجم بس يومين فرقوا معايا و نقصت كيلو منهم يعنى زايدة كيلو بس حاليا
و النهاردة نزلت 100 جم كمان من هلكة الرياضة
انا اسفة رغيت كتير
بس بجد خايفة علينا
لو نمنا و يئسنا الجروب دا هينتهى امره فعلا
يارب يصلح حالى و حالكم
الروابط المفضلة