للبحث في شبكة لكِ النسائية:
|
يا حبيبتى
والله انا كنت متبعاكى كل يوم بس ما كنش عندى نفس اكتب ولا كلمه
بس لما شفت الفريق رجع تانى فرحت لاننا اصحاب من فترة كبيرة وما قدرتش ما اكتبش لهم
وعموما العتاب هديه الاحباب وانتى وكلامك احلى هديه
بالنسبه لرجيمك انا كنت حاسه انه فى اكل كتير
بس ما شاء الله انتى نزلتى عليه وانا مع تقليل الاكل ما نزلتش غير كيلو
اكيد طريقه الدكتو صح اكتر
انتى والله تستاهلى كل خير
انا همشى على رجيم بيعتمد على المايه اكتر يعنى فى قبل كل وجبه بخمسة واربعين دقيقه تشربى 4 اكواب مايه
ام ادهم
كنت عاوزة اسالك
مين الدكتور الى بتروحى عنده
لانى بفكر اروح لدكتور
الاربعاء اليوم السابع عشر
انا النهارده متقيدتش بافطار وغداء وعشاء
بس اول ما صحيت شربت كوب نسكافيه باللبن من غير سكر
وطول اليوم اكلت 4 تفاحات بمعدل تفاحه كل ساعتين وشربت 3 اكواب نسكافيه من غير سكر
وشربت 3 لتر ماء
وهقوم دلوقتي اعمل الرياضه بس ابني ينام
السلام عليكم ورحمة الله
ازيك يا سلمي وازاي ادهوم الامور ربنا يخليهولك
والله انا فرحت بالموضوع ده لاني فاشلة ريجيم اخس وازهق وارجع ازيد من الاول بس دلوقتي النزول بقي مطلب صحي لان ركبي بدات توجعني والدكتور قاللي لازم تخسي وانا الزيادة ده مش متعودة عليها
انا ماشية مع دكتورة ريجيم بس اللي بيهمها اني منزلش وزني وخلاص المهم الوزن ده يكون دهون وده الكلام الصح خصوصا انها لقيت ان 58 كيلو من وزني دهون فهي بتعالجني الاول
يا رب اكمل المرة واوصل لمرحلة التثبيت
انا وزني كان 109.6 واصبح 106.8
نفسي ارجع 75 زي وزني قبل الجواز
طولي 170 سم
كان عندي استفسار ليكي يا سوسو انتي بترضعي طبيعي؟
عشان الدكتورة معطتنيش اي دواء تخسيس عشان الرضاعة وانا فعلا باحس بجوع . فهل سيبوترم ده امن اثناء الرضاعة؟
وهل كميات الاكل ده كفاية للرضاعة وان اللبن يبقي كويس اصل الدكتورة بتديني كمية نشويات واكل كتيير عن نظامك ؟
واخيرا بالنسبة للمشروبات الغازية الدايت انا زيك كنت باشرب كميات كبيرة منها والدكتورة قالتلي فعلا ان مفيهاش سعرات حرارية بس بتاثر علي الكالسيوم وانا برضع طبيعي فقالتلي حتسببلي هشاشة عظام فحبيت انصح اللي بيرضعوا طبيعي يبعدوا عنها او يقلولها مش كل يوم
الروابط المفضلة