كركم +فازلين = تعالوا شوفوا النتيجه

[شذى الليل]

يعني شنو استخدمها ولا لا إنزين إختي صعبة المنال ويهج دهني في حبوب ولالا انا بشرتي فيها حبوب ودهني خايفة يتحسس منها وبعدين أروح عند العطار وأقوله كركم بس هو مو مال الأكل وإلا أنا غلطانة وأخلطه مع زيت خروع وبعدين كم ساعة خليتيه وكم مرة في الأسبوع وإلي يسلمج ردي علي

[صعبه المنال]

شذى الليل وجهي ما فيه حبوب والحمد لله

وجربي على مكان صغير كاختبار لو تحسس لا تحطين على وجهك

والكركم من عند العطار شكله مثل الزنجبيل خليه يطحنه لك وخليه اقل شئ ساعه كبدايه بعدين
انتي وهمتك ... انا كنت احطه بالبدايه يوميا لمده كم اسبوع بعدين صرت قبل اتحمم احطه واتروش على طول ....

[صعبه المنال]

ام حماني : انا استخدمتها ولا اثرت فيني .... يمكن بشرتك حساسه عموما الحمد لله على سلامتك

ناصره : سلامتك ما تشوفين شر

ريما : بانتظار تجربتك

سوري ماانتبهت لردودكم إلا متاخر

[ام حماني]

اللله يسلمش يا اختي صعبة المنال
والظاهر مو بس آنه حساسة حتى بشرتي طلعت نفسي
مشكورة عموما وماقصرتين
ومبروك على النتيجة الحلوة..........

[صعبه المنال]

أم حماني .... اهم شئ انك الحين طيبه ولا دعيتي علي بس

[الوفية 2]

اختى صعبة المنال انا فى بلد اوروبى وما فيه الكركم لكن انا جايبة معى من بلدى (البزار)يا ترى ينفع (يوضع فى الاكل)

[صعبه المنال]

الوفية 2: والله اتمنى اني افيدك بالموضوع هذا بس والله ماادري ؟؟

ان شاء الله البنات يفيدونك ...

[اليسر]

اخــــتي صعبة المنال الله يساعدك على كثثثثثرة الاسئلة لان الوصفة تحممممممس اقدر استعمل الكركم الموجود في الجمعيات لاني انا في بريطانيا وماعندهم عطــــارين ..ساعديني

[صعبه المنال]

اليسر : والله الكركم الموجود بالجمعيات والسوبر ماركت مجرد صبغه وفيه ردود من البنات انه ما نفع معهم عموما لو ماعندك غيره جربيه وش انتي خسرانه ....

لو اقدر اوصله لك كان من عيوني بس العين بصيره واليد قصيره .....

[اليسر]

مشكورة اختي صعبة المنال


وتسلملي عيونك الحلوة وماتقصررررين

وان شاءلله اجربها واستفيد