هاى ياجماعة
انا عاوزة اقول نصيحة للعامل ريجيم 12×12
انا بدأت الرجيم دة من اربع ايام وفى اليوم الرابع انا كنت عندماما ومروحة من عندها بالمترو والمسافة بعيدة حوالى ساعة ونص ولما روحت البيت وانا طالعة على السلم انا وزوجى وهو شايل عمر ومعاة حاجات ثقيلة والمشكلة انى ساكنة فى الدور 11 والاسانسير لسة ماركبش فضغت على نفسى فى الطلوع لان صعب على زوجى فى الطلوع وطلعت بسرعة ولما دخلت الشقة قعدت على كنبة الصالون ومحستش بحاجة خالص ومرواحدة لقيت ابنى جنبى بيعيط وكباية مية ساقعة بتدلق على وجوزى قالى انا بقالى خمس دقايق بفوق فيكى وطبعا زعل من الرجيم اللى انا عاملاة واكلنى بالعافية اكل مالوش علاقة بالرجيم ومخلل وحلويات والحمد للة نمت على خير لكن لما قمت الصبح وجع شديد فى بطنى ومغص واسهال وقئ ودة طبعا سببة ان بقالى اربع ايام زبادى وبعدين فاكهة وبعد كدة لخبطة شديدة
فرجاء لاى واحدة منكم بتعمل الرجيم دة تعملة فى فترة ميكنش فى فترةعندها مجهود شديداو تلخبط بعدة مباشرة لانى لاحظت ان كتير من اللى بيعملو الرجيم دة ناويين يخلصوة على العيد وطبعا العيد دة بتاع الفتة والحاجات الدسمة الكتيرة
انا بقول لكم الكلام دة علشان بس محدش منكم يعتب فى العيد علشان نقضى كلتا عيد سعيد على الكل وان شاء اللة هبدا بكر فى رجيم السعراتواروح للدكتور بتاعى يوم الاثنين القادم ان شاء اللة ادعو لى
الروابط المفضلة