ازيكم يا حلوين ايه اخباركم .. ما صدقت انى اجازة وقولت اتكلم معاكم كتير
تعالوا نتكلم نهاردة على البرفيوم
مفيش بنت او ولد مش بتحب البرفيوم ريحة البرفيوم فعلا ممكن تخبى مودك حلو يعنى بحس انى لو متعصبة وحاطة برفيوم بهدى الريحة بتاثر .. كمان طبعا بالنسبة للرجل برفيوم حاجة فيها دلع وانوثة عشان كدا تلاقيهم الشركات تبدع فى برفانات حتى بيعملوا برفيوم مخصص لعلاقة الزوجية ...
انتى ممكن تكونى لابسة عادى وبسيط بس لما تحطى برفيوم بتبقى اجمل واحلى فى نظر اللى ادامك
طبعا انواع برفيوم ملهاش حصر ولا عدد وانواع كتيرة وانتى بتبقى محتارة اجيب ايه ولا ايه خاصة لو انتى بتحبى برفيوم
تعالوا الاول نقسم البرفيوم :::
فى برفيوم الشرقى اللى هو طبعا المسك ودهن العود وزيوت العطرية زى الافندر والفل والعنبر والياسمين والبخور وخشب الصندل كل ده برفيوم شرقى
فى برفيوم المعروف بالماركات زى شانيل وجيفنشى واسكادا وديور ولانكوم وغيره وغيره من ماركات الكتيرة
والبرفيوم ده بردو بتلاقى منه نوعين برفيوم هادى رقيق وبرفيوم تقيل
طبعا الفرق فى الاستخدام
يعنى البرفيوم الرقيق الهادى بيبقى اكتر استخدام بينفع الصبح وبليل بعد الشاور .....
البرفيوم التقيل بيبقى اكتر بليل او فى مناسبات او حفلات ...
بردو هى معتمدة على راحتك يعنى فى ناس مش بتستحمل برفيوم تقيل بيخنقها والعكس ناس مش بتحس بقيمة البرفيوم الخفيف انتى حسب ما ترتاحى
بردو نفس الكلام للزوج اوقات ازواج مش بيفضلوا برفيوم تقيل خاصة وقت العلاقة الزوجية لانه بيبقى قريب من زوجته بيحس ان برفيوم بيخنقه
انتى ممكن تعملى كوليكشن فى برفاناتك يعنى ممكن تجيبى حاجات شرقية مع برفيوم خفيف وبرفيوم تقيل يبقى معاكى كل الانواع وتختارى المناسب لكل وقت
طبعا معظمنا بيسال انا اجيب برفيوم اد ايه للجواز ؟؟؟
حاقولك هاتى الاول من كل حاجة نوع يعنى نوع من عطور الشرقية ونوع برفيوم تقيل ونوع خفيف وحاولى يبقى عبوة صغيرة مش كبيرة ليه ؟؟؟
اولا لو انتى معاكى 4 انواع مختلفين فى اول الجواز حيبقى كويس ومناسب عشان تعرفى ايه اللى حيريحك وايه اللى يعجب زوجك لانك ممكن تجيبى انواع كتير ويكون هو بيحب حاجات معينة بدل ما تجيبى وترميهم هاتى عدد قليل تجربى ...
كمان الحجم الصغير بيريح فى انك تقدرى تجيبى كل فترة انواع تانية جديدة لان الحجم الكبير بيقعد معاكى فترة طويلة يخليكى مستنية يخلصوا عشان تجيبى جديد .. لو انتى بتزهقى بسرعة من برفيوم اللى عندك هاتى حجم صغير عشان تنوعى يعنى بفرق المبلغ تجيبى بيه نوع تانى ,.,,,
كمان فى انواع من برفيوم بيبقى حلو وخفيف وحلو بعد الشاور زى :::
بادى سبلاش body splash
بادى سبراى body spray
البادى سبلاش ده بيتحط على الجسم وهو مبلول بيدى ريحة تجنن لجسم كملان نعومة حلوة اوى يمكن اكتر بادى سبلاش معروف بيبقى من ماركة فيكتوريا سيكرت طبعا فى مجموعة garden تجنن وكمان نوع pure sediccion بردو جامد جدا ..فى مصر ب 75 ج
ده حلو بعد الشاور يعطر الجسم وريحته ثابتة وناعمة اوى طبعا موجود فى كل محلات التجميل والبرفيوم انا مجربه وحلو اوى تحسى انك فى عالم تانى
ده بادى سيلاش من فيكتوريا سيكرت معه صورة لوشن وكريم
بادى سبراى بيبقى سبراى مخصص لجسم بيترش عليه ريحته مش بتكون ثابتة فترة طويلة يعنى مؤقت بس حلو بيعمل انتعاش للجسم يمكن بيبقى حلو مثلا بعد ما تعملى حاجة فى مطبخ وحاسة ان ريحة مش حلوة تحطى منه بيخلى احساسك حلو وريحة حلوة
فى ماركة اسمها بادى فانتسيا body fantasie يعتبر بادى سبلاش وشبراى يعنى حلو وريحته جميلة فى منه نوع بالمسك جميل وهادى وطبعا ريحة الفاكهة والفل والياسمين ده لذيذ ينفع بعد الشاور او وقت مش حابة تحطى برفيوم بس عايزة تحسى ان ريحتك حلوة .ز موجود فى مصر ب 35 ج ....
[IMG]http://www.lakii.com/img/all/Oct09/HjBkc410231733.jpg[/IMG
نيجى للعطور الشرقية .. طبعا على مقدمتها المسك انا واحدة من الناس بموت فى ريحة المسك بيعمل حالة هدوء وانبساط جميل كمان هو من حاجات اللى بتريح النفس يعنى لما بتشمى المسك تحسى انك مرتاحة
طبعا المسك انواع كتيرة ودرجات معتمدة انك مرتاحة لريحة ايه يعنى ممكن نوع اكون بحبه انتى تحسى انه مش حلو والعكس عشان كدا عامة لما تختارى برفيوم لازم انتى تشميه وتكونى بتحبيه مش تعمدى على كلام حد انتى ممكن تعرفى الاسماء وماركات بس لازم تجربى بنفسك ...
عامة البرفيوم اللى بيشدك من اول مرة بيبقى عاجبك اما البرفيوم اللى تحسى انك مش متقبله كذا مرة يبقى بلاش تجبيه ؟..
نرحع تانى للمسك وعطور شرقية طبعا دهن العود من حاجات ناس كتيرة بتحبها بس بردو فى ناس مش بتحبها زى حالاتى مع ان كل البنات تحب جدا ريحته وهو ده اللى اقصده مش عشان كل البنات تقول ان حاجة معينة حلوة لازم تعجبك اختارى اللى يريحك انتى ....
عامة عطور شرقية كلها جميلة وحسب ذوقك طبعا الفل والياسمين والعنبر والفواكه خاصة الخوخ والفرواله كلهم حلوين جدا .. انتى ممكن تجيبى مثلا مسك واى نوع تانى تحبيه ....
طبعا بتجيبهم من محلات عطور اصلية عشن تاخدى حاجة حلوة طبعا فى السعودية ماشاء الله المحلات كتيرة زى القرشى والمسيب ومحمود سعيد وغيره يمكن فى مصر عدد قليل يعنى فى توكيلات للقرشى فى قاهرة فى سيتى ستارز وفى الاسكندرية فى سان ستيفانو وفى توكيل للمسيب فى الاسكندرية عند محل سفير فى فتح الله المنتزة واكيد فى محلات تانية كتيرة موجودة
البرفيوم ماركات اشكال والوان لازم تشمى بنفسك لان بجد انواع كتيرة وكتير حلوين ..... بالنسبة لى اكتر برفيوم بحبه جدا كوكو مادموزيل شانيل وطبعا كل بنت حتلاقى بتحب نوع معين ...
طبعا اسعار البرفيوم ديه بتبقى من 250 ل 700 حسب الانواع والحجم ....
كوكو شانيل
[IMG]http://www.lakii.com/img/all/Oct09/A2CZlW10231735.jpg[/IMG
برتنى سبيرز من فانتسيا
اسكادا - ماجناتيزم
بيور بويزن - ديور
استيلا
كمان فى مجموعات حلوة اوى وتنفع العروسة اللى تكون مجموعة من شاور ولوشن وبودرة معطرة وبادى سبراى وبرفيوم .ز كلهم بنفس الريحة طبعا منتجات بودى شوب اكتر ماركات مخصصة فى كدا يعنى تلاقى مجموعة بريحة فانييلا والفرواله والفل والمسك وانواع كتيرة ..
[
كمان ماركة نكتار وزهور الريف .......
فى كمان من اورفيليم وافون نفس النظام ......
طبعا نفس المجموعة من فيكتوريا سيكرت ....
ده كان جزء الاول من موضوعنا .. بكرة نكمل جزء تانى منه ...
[CENTER]تصبحوا على خير ياقمرات وبكرة ان شاء الله نجاوب على الاسئلة
الروابط المفضلة