موضوع جميل و هشارك معاكى بثلاث أطباق كنت منزلاهم قبل كده فى المنتدى
صينية البطاطس باللحمة
المقادير
بطاطس مقطعة طرنشات دائرية
القليل من فلفل أخضر مقطع طرنشات دائرية
القليل من طماطم مقطعة طرنشات دائرية
القليل من بصل مقطع طرنشات دائرية
لحمة طرنشات مسلوقة
شربة ، أو ماء
ملح وفلفل كتير شوية
صلصة طماطم على وجه المكونات
الطريقة
نضع المقادير بنفس الترتيب فى صينية ونضعهم فى الفرن على 200درجة
من غير شواية ولا حاجة وهيطلع لونها زى ما إنتوا شايفين روعة
ملحوظة : طريقة سلق اللحمة
1- على النار نشوح قطع اللحم مع ملعقة سمن و بصلة صغيرة وحبهان وورق لورى وفلفل أسود
1- وبعدين نضع الماء ونملحها ونتركها لحين تستوى
وبالهنا والشفا
فتة مصرى بالخل والتوم
المقادير
عيش شامى
رز أبيض مصرىمطبوخ عادى
شربة لحمة (أنا كنت عملاها م أرانب)
خل
ثوم
سمنة بلدى أو زيت نباتى زى ما تفضلوا
الطريقة
1- نحضر طبق ونضع به الخبز بعد تقطيعه لقطع صغيرة
2- ثم نضع عليه كمية من الشربة حتى يتشربها ويصير لين
3- ثم نضع عليه طبقة من الأرز المطبوخ سابقا
4-بعد كده نكون مجهزين على النار السمن ونشوح فيه الثوم المفروم حتى يحمر ونطفى عليه ونضع عليه خل كتير، ساعتها هتشمه ريحة ما بعدها روعة
5- بعدين نضع طشة الثوم على ونوزعها على وش الأرز
ويقدم ساخن
محشى باذنجان وكوسة
المقادير
باذنجان وكوسة متوسطى الحجم ، وعدد قليل من الفلفل الأخضر بيعطى طعم ورائحة للطبق روعة
رز مصرى مغسول
حزمةمن كل من( شبت ، بقدونس ، كسبرة)مفرومين ناعم
( ملح وفلفل ،كمون ، بهارات، شطة)
طماطم وصلصة طماطم
بصل مفروم
شربة
سمن بلدى + زيت ذرة
الطريقة
1- على النار نضع السمن والزيت ثم البصل المفروم إلى أن يحمر ونضع عليه مكعبات الطماطم المقشورة وصلصة الطماطم والتوابل، ونتركهم إلى أن تتسبك الطماطم ، يعنى تطلع السمنة على وش الطماطم من فوق، ثم نطفى النار عليها ونتركها تبرد.
2- نضع عليها الشبت والبقدونس والكسبرة المفرومين ناعم ونقلب الخليط
3- ثم نضع الرز ، ونقلب كويس ، وبكده يكون خليط الحشو جاهز.
4- نحشى الباذنجان والكوسة والفلفل الأخضر ونرصهم فى وعاء غويط ( حلة)
5- نضع عليهم الشربة حتى تغمرهم وتعلو على السطح بقليل
نضعهم على نار عالية حتى تغلى الشربة، ثم نهدئ النار ونتركة يستوى على مهله
6- من حين إلى آخر نشوفه لو إحتاج شوربة نزوده
ويقدم ساخن وبالهنا على قلوبكم
الروابط المفضلة