ميويا حبيبتى بالمرز فعلا حلو للهيشان بس انا سمعت انه مضر
وكمان لما رحت للكوافير قاللى متستخدميهوش عشان مش حلو ومعمول من شحم وكده
انا مش عايزة احبطك والله.......بس حبيت اقولك اللى اعرفه
وان شاء الله هنوده بقى تفيدنا فالموضوع ده
للبحث في شبكة لكِ النسائية:
|
ميويا حبيبتى بالمرز فعلا حلو للهيشان بس انا سمعت انه مضر
وكمان لما رحت للكوافير قاللى متستخدميهوش عشان مش حلو ومعمول من شحم وكده
انا مش عايزة احبطك والله.......بس حبيت اقولك اللى اعرفه
وان شاء الله هنوده بقى تفيدنا فالموضوع ده
بسكوته حبيبتى انا اول واحده يسعدنى انى اكون اختك....وربنا يخلينا كلللللنا لبعض ويسعدنا يااااااارب
والله العظيم انتم كلكم زى القمر والحمد لله الذى جمعنى بكم ويمكن لو الواحد كان عنده اخوات بنات منكش ارتاح معاهم زى ما برتاح معاكى ربنا يخليكم ليه وميحرمنيش منكم ويفرح قلوبكم كلكم يارب زى ما بتريحوا الواحد بكلامكم وبتشيله عنه حاجات كتير وكمان الواحد حاسس ان الجزء ده سبحان الله جزء جميل كدا وفيه تفاعل حلو اوى ومحبة وطبعا هو منور كمان عشان خاطر اخواتنا الجداد المنورين الموضوع
بس انتم مش ملاحظين حاجة ان موضوعنا ده بقى مقر لمعظم البنات الى مش عندهم اخوات بنات والى اتخطبوا وخخطيبهم مافر والى اتكتب كتابهم بس الفرح متاجل سبحان الله ما جمع الا ما وفق ههههههههه ربنا يبارك فينا
هنودة ميرسى لكى ياهنودة ياجميلة انتى وكل الاقمرات الى بيشجعونى وبيصبرونى وبيساعدونى جزاكم الله خيرا وربنا يفرحنى بيكى يا قمرايه قريب وتكونى عروسة منورة ويعوضك خير عن صبرك ويجمعكم على خير انتى وجوزو
وبعدين يامونى انساكم ازاى حد ينسى ناس غاليين عليه يمكن بعد الجواز اغيب شوية لكن ان شاء الله هرجع لكم على طول عشان اطمن عليكم وبعدين انا لما بغيب عن الموضوع لاى ظروف والله العظيم انتم مش بتغيبوا عن بالى خالص وببقى عاوزة اى فرصة عشان اكلمكم ادعولى انتم بس ان ربنا يعديها على خير ويبعد عنا اى شر
مسك انتى يا مسك شخصية جميلة اوىسبحان الله والله الواحد حبك من غير ما يشوفك والواحد حاسس ان انتى كنتى موجودة معانا من زمان وربنا ييسر لك الحال ويكمل فرحتك على خير
بسبوسة حبيبتى انا برده شفت مشكلتك وزعلت كتير لكن يابنتى ارمى حمولك على الله وياما بيحصل بين الناس وربنا كريم وباذن الله يكرمك ويعوضك كل خير عن الايام دى
آخر مرة عدل بواسطة سماح عزت : 04-10-2009 في 03:52 AM
ربنا يخليكي يابسبوسة يا عسل وانا يشرفني انك تكوني اختي حد يطول العسل ده كله
وانا قريت انك عندك مشاكل بس والله بدعيلك من قلبي ربنا يفرحك ويبعد عنك اي مشاكل وتعيشي مع الانسان الي اختارتيه باقية عمرك في سعاده وحب وتجيبوا قمرات صغيرين يحلو الحياه وان شاء الله بكره احسن متاياسيش ياحبيبتي انا كان عندي مشااااااااكل كتير كده برده بس ربنا بيسهلها من عنده عشان فعلا الواحد بتبقى نيته خير وعايز يرضي ربنا ويتجوز الي بيحبه ويرضي ربنا في جوزه وده من رضا ربنا طبعااا وانكم دايما تتقربوا مع بعض لربنا ده هيقوي ايمانكم اكتر ان شاء الله وربنا هيبقى معاكم ويسهلكم الامور امييييين يارب
الحمد لله ياموني إن الرابط نفعكـ
والله ياموني ربنا يعلم إنك من اول الشخصيات هنا إلي انا اتعلقت بيها ..
كنت قريت ليكي تعليقات بالمنتدى حسيت منها
قد إية إنت بنوته مهذبة وعلى خلق
ربنا يكرمك ياقلبي
صدقيني مقدرش ابعد عنكم خالص .. هتجوز بس في السريع وهرجعلكم
ريمي محرجه دلوقتي من الكلام الحلو دا
مش هتعرف ترد الأن
فاصل وهرجعلك ياسموحه
السلام عليكم
وحشتونى يا احلى اخوات فى الدنيا مع ان انا ليا اخت بس حاسة انكم ماليين عليا الدنيا وانكم اخواتى وحبايبى
والله انا بدعى ربنا دايما انه يجمعنا مع بعض فى الجنة وتكون قصورنا جمب بعض عشان نشوف بعض على طول
ميويا ............ مين قاللك يا حبيبتى انك ماغيبتيش علينا ده اليوم بيعدى علينا سنة فى غيابك يا قمر وجزاكى الله خيرا على الطريقة فعلا خالتى بتستخدمه وبتشكرلى فيه اوى وانا عاوزة اجيبه بس سمعت انه مضر ومستنية اتاكد ياريت لو هنودة الخبيرة بتاعتنا تقدر تفيدنا
ريهام ........... والله ده انتى اللى قمر وانا ماجيش جمبك حاجة وانا برده هنودة كانت سبب تسجيلى فى المنتدى بس انا طبعا ماجيش جمبها حاجة ربنا يتتم خطوبتك بخير يا قمر
بسبوسة ............ سبقتينى وقولتى لريهام انك اول اخت ليها معلش احنا الاتنين واحد والمهم اننا نحب بعض فى الله ونبقى اخوات على طووووووووووووووول
سموحة ........... انتى كمان واحشانا كتيييييييييير والله ولما بلاقى رسالتك بفرح جدا وبطمن عليكى وفعلا انتى عندك حق الجزء ده مميز جدا ربنا مايفرقنا ابدا ويتمم لكل عروسة على خير
ريمى ........... ربنا يخليكى ليا يا عسل انتى والله حاسة انك بنت سكرة واختى بجد وحلوة الجواز عالسريع ده مابيخدش وقت ههههههه بس انتى اتجوزى وبكرة ولا هتعرفينا وتقوليلنا انا مش فاضية انا جوزى هنا وكدة يعنى ههههههههه ربنا يهنيكى ويسعدك
الروابط المفضلة