للبحث في شبكة لكِ النسائية:
|
الف مليون مباااااااااااااااااااااااااااااااااارك
حبيبتي هنودة ع الجزء الجديد ويااااارب اقدر اشاركو فيه هوه والاجتماعي
ربنا يبارك فيكي ياهنودتي
ويسعدك انتي وكللللللللللللل عروسات المستقبل
النهاردة ايه رايكم نتكلم عن العناية باليدين
قبل اى حاجة ايديكى فعلا رمز لاهتمامك بنفسك .. يعنى انتى لو شوقفتى ايد بنت ناعمة اول حاجة بتيجى فى بالك اد ايه البنت ديه مهمتمة بنقسها
والعكس لو شوفتى ايد بنت ناشفة ولنها غامق تحسى انها مهملة وحتى لو كانت قمر تحسى ان فى حاجة مشوة الشكل الجميل ده
نفس الكلام بقى زوجك بيشوفة الرجل بيحب جدا يحس ان زوجته ناعمة مش خشنة وخصوصا الايد لانها ابسط حاجة اول حاجة بيلمسها الرجل ايد زوجته
ايدك هى رمز اهتمامك بنفسك وانوثتك
اول حاجة عشان نحافظ على ايدنا من اى غمقان وخشونة وقبل ما نعمل وصفات
لازم وانتى بتغسلى الاطباق "" المواعين بالمصرى "" تلبسى جوانتى
الجوانتى مش رفاهية ده حاجة فعلا مهمة جدا لانك لو بتغسلى مثلا 5 مرات فى اليوم شوفى ايدك كل مرة بتتعرض لكيماويات وصابون اد ايه
هاتى جوانتى المخصص للمطبخ لو مش متعودة اتعودى عليه مجرد استخدمية فى الغسيل الاطباق واقلعيه وكملى حاجات المطبخ عادى بايدك بس المهم الصابون ميجيش عليها كتير
ده الحماية قبل اى وصفات
نيجى لو ايدك غامقة او صوابعك غامقة مفيش احسن من الليمون حطيه على ايدك وامسحى بيه وسبيه يتشرب وبعد ربع ساعة اغسلى ايدك وحطى كريم مرطب اعملى ده كل يوم قبل ما تنامى لغاية ما تشوفى النتجية
نيجى ازاى نهتهم بايدنا ؟؟؟
اولا مش لازم نعمل وصفات كتير كفاية تلاقى وصفة حلوة تناسبك وخليكى معاها عشان متزهقيش
اول حاجة تعملى سكرب لايدك مرتين فى الاسبوع عشان تشيلى اى خلايا ميتة واسمرار اسهل سكرب معروف ملح وليمون وهما حلوين جدا للايد
تانى حاجة اعملى مرة فى الاسبوع ماسك ليمون مع جلسرين وتحطيه على ايدك لمدة ربع ساعة وتغسليه ده بينعم ويفتح جدا ومغذى لبشرة الايد
ثالث حاجة يوميا قبل ما تنامى حطى كريم مرطب لايدك وليه قبل ما تنامى عشان جلدك بيتسفاد اكتر بليل بالكريم وكمان عشان متغسليش ايدك بالماء ويضيع مفعول الكريم
رابع حاجة لما تخرجى حطى صن بلوك على ايدك عشان الشمس بتغمق جدا وتلاقى ايدك غامقة وباقى ذراعك لونه افتح
خامس حاجة لو ظوافرك ضعيفة حطيها فى زيت زيتون مرتين فى الاسبوع لمدة ربع ساعة الزيتون بيغذى الاظافر
طبعا فى وصفات كتيرة للايد بس حبيبت اقولكم على اسهل طرق مجرد انك تعملى كلام ده حتلاقى ايدك روعة ان شاء الله
مش مطلوب منك غير جوانتى
وسكرب مرتين فى الاسبوع
ماسك مرة فى الاسبوع
وكريم مرطب يوميا
الكريم المرطب عندك انواع كتير انا عن نفسى بحب جدا جليوسليد بحس انه مفيد اوى للايد
وكمان زيت اللوز حلو جدا للايد حتى بقى منه كريمات بزيت اللوز
او انتى اختارى اى كريم انتى مرتاحة معه وممكن تضيفى عليه كبسولات فيتامين e حتفيدك وتغذى اكتر
لما تحسى ان ايدك تعبانة عالطول اعملى وصفة او ماسك ليها
ومتطلعيش ابدك فى الشمس وانتى حاطة كريم مرطب او زيت لانها حتسمر اكتر
ويارب ايديكم عالطول تبقى ناعمة وطرية وكلها حنية
لا بجد بقى ياقمر انتى بتقى الافكار انا كنت داخله وناويه اسألك عن الاهتمام بالايد والاظافر
تسلمى ياااااااااااااااااااااااااااااااارب على مواضيعك الجميله والمفيده
انا كنت بعمل السكراب وبستخدم جليسوليد مع زيت لوز مر
بس مكنتش بنفذ كده بس من هنا ورايح كلامك يتنفذ يا هنوودة يا قمر
الروابط المفضلة