للبحث في شبكة لكِ النسائية:
|
اولا بسبوسة حتوحشينى كتير وحابعتلك حاضر كل حاجة على الخاص وخلى بالك من نفسك ويارب تنبسطى كتير حبيبتى المحلات اللى بقولك عليها زى سيليو وكدا موجودين فى كارفور او مول سان ستيفانو وفى جرين بلازا ولو عايزة اى حاجة انا معاكى ياقمر
بنوتات تعالوا نكمل باقى الموضوع ازالة الشعر
زى ماقولنا كل مكان فى الجسم مفروض نشوف ايه المناسب ليه عشان نشيلة مثلا زى :::
شعر الوجه :: افضل حاجة الفتلة لان السويت مممكن بعد التكرار تعمل ترهل للبشرة والشمع مناسب لبشرة وغير مناسب لبشرة تانية لانه اوقان بيعمل التهابات
شعر الابط :: السويت فعلا احسن حاجة لانها حتقتل وتشيل كل بكتريا موجودة فى المنطقة غير ان حديث سيدنا محمد اتكلم على النتف فى منطقة الابط
شعر البطن :: هو بيكون خفيف ممكن اما يتعمله تشقير او لو حابة تخلصى منه يبقى سويت وتانى مرة لما حيطلع حيبقى عادى مش كتير ولا حاجة بس انا عن نفسى احب انى اشيله احس انه شكله احلى
شعر الظهر ::: احسن حل ليه التشقير لانه بيكون خفيف جدا وقليل ولو مرة عملتى سويت فيه حيطلع فعلا اتقل وممكن يعمل حبوب كمان مين اللى حيفضل كل مرة يعملك ظهرك اما التشقير اسهل وممكن كمان لو مش باين مش محتاجة تعملى فيه خالص وده الافضل
شعر الايد والرجل :: طبعا عندك السويت وعندك سيلك ابيل والشمع
شعر المنطقة الحساسة ::: ديه اكتر حاجة فعلا متعبة وشاغلة كل تفكيرنا طبعا كتير بيقول الشفرة احسن حاجة عشان حديث سيدنا محمد وناس بتقول السويت عشان تنظف ايه بقى الاحسن ؟؟؟ تعالوا نجاوب عليه
احنا كدا اتكلمنا على انواع الشعر وطرق ازالته .. طيب نيجى بقى لكل حاجة من الطرق ونشوف هى مناسبة ولا وايه احسن طريقة وايه عيوبها
اوزل حاجة الفتلة للوجه معظم الحالات ملهاش اضرار غير ان تكون البشرة نوعها حساسة اوى لاى حاجة واللى حتبقى بشرتها من النوع الحساس اوى لدرجة انه مينفعش معاها ولا فتلة ولا شمع ولا حتى تشقير يبقى مفيش غير الليزر لانه ساعتها حيريحها عن وجع الدماغ ده
طيب لو الفتلة استخدميتها تعملى ايه بعدها ؟؟؟ اغسلى وشك بماء باردة وامسحى بعدها بماء ورد عشان تقفلى اى مسام مفتوحة وبعد كدا تحطى مرهم فيوسيدين ده مضاد حيوى للحبوب تحطية مرتين فى اليوم لمدة يومين حينشف ويشيل ويمنع ظهور اى حبوب بعد الفتلة كدا ان شاء الله مش حتلاقى اى مشكلة فى بشرتك ومع تكرار مش حيطلع حبوب ولا حاجة بس المهم تختارى الوقت الصح للفتلة يعنى متجيش ايام البريود ولا قبلها بكام يوم تعمنلى فتلة لان طبعا اصلا البشرة مجهدة ومطلعة حبوب لوحدها الفتلة ساعتها حتزودها جدا
سيلك ابيل "" سيلك ابيل مناسبة لكل الجسم لان فيها قطع كتير منها النتف ومنها الحق زى الشفينج ومنها كمان للوجه هى طبعا احلى ميزة فيها انها سريعة جدا يعنى جسمك مش حياخد اكتر من نص ساعة وطبعا غير النظافة يعنى ولا حاجة بتسيح ولا كلام ده كمان بتشيل الشعر القصير وتنفع اوى فى الزنقات وفى اول الجواز خاصة ان اول الجواز الشعر حيبقى قصير اوى ومفيش وقت للسويت وكلام ده
بس سيلك ابيل عيبها انها اوقات تخلى الشعر يطلع خشن او تعمل حبوب وده ممكن يكون عشان استخادمها غلط يعنى هى مفروض زى السويت تكون عكس نمو الشعر وتكون ماسكها بشكل واقف يعنى زواية 90 غير كدا بتقصف الشعر وطبعا حيطلع خشن وتقيل .. حكاية الحبوب اوقات تعمل حبوب بنية فى الايد وتخلى زى مسام الجلد وجذور واضحة وده شوفنه فى كتير من بنات انا عن نفسى جبتها من شهر استخدمتها مرة واحدة بصراحة حسيت انها مش اوى يعنى فعلا السويت احلى كمان عيب سيلك ابيل مش بتعنم الجلد لانها مش حتشيل خلايا ميتة بالتالى الشعر بيطلع مش ناعم بس طبعا فى ناس سيلك ابيل تحفة ماشاء الله معاهم عشان كدا بقولكم ده مش تعميم ده تجربة ناس بس مش كل الناس اللى ينفع معاكى ممكن مينفعش معايا وهكذا
طيب التشقير للبطن او الظهر بسيط ومفهوش مشكلة بس اختارى نوع نشقير حلو وجربى حنة صغيرة على ظهرك وشوفى مرتاحة ولا وعامة التشقير مش حتعمليه كل اسبوع يعنى لو مرة فى الشهر اذا كان الشعر خفيف حيبقى حلو ومناسب
الشمع او شرائح فيت هى بقى مختلفة من بنت لبنت بنات طلعت معاهم تحفة وبنات طلعت عادية يعنى مقدرش احكم عليها واوقول وحشة او حلوة
السويت بقى بجد هى انظف واحلى حاجة للايد والرجل والابط اولا بتنظف جدا وتشيل كل خرلايا ميتة الشعر بيقل ويطلع اخف والجسم يفضل ناعم بتدى بياض وتفتيح للجسم مع التكرار تخلى جذور الشعر اخف ومش تقيلة
مشاكلها الحبوب او اى التهاب بس ده مؤقت يعنى ساعة وتلاقى جسمك بيرجع طبيعى والحبوب حلها حنقوله كمان شوية بس عن تجربتى السويت تحفففففففة
الشفرة :: طبعا محدش بيفضلها عيوبها كتيرة عكس كل اللى قولناه فى السويت خشونة وشعر خشن وبشرة خشنة وشعر سريع وحكه وحبوب وسواد ميزتها وحيدة انها تشيل بسرعة بس لو على السرعة خلينا فى سيلك ابيل
طبعا فيه شفرات نسائية زى فينوس جيليت جبتها وجربتها فى منطقة حساسة ولا تفرق حاجة عن الشفرة رجالية نفس النظام خشونة وحكة وشعر خشن ومنطقة زى الذقن كدا
طيب المنطقة الحساسة ايه حلها ؟؟؟
للاسف مفيش غير السويت بقول للاسف لان بنات كتير تخاف وتعب اتها تعمل سويت فى منطقة ديه بس فعلا عن كل البنات اللى شوفتهم وعن تجربتهم طلع ان انظف حاجة السويت يعنى الكريم وحش ومسود وكمان ده حاجة كيميكل مينفعش نحطها على منطقة حساسة.. الشفرة وحشة جدا سواء رجالية او نسائية يعنى الشفرة بتخلى الشعر خشن وملمس البشرة زى ذقن الرجل غير السواد وحكة وانه يومين ويطلع بس ناس تقول ان سيدنا محمد قال حلق العانة وناس قالت حديث موجه للرجال والله اعلم وسيلك ابيل النتف بتوجع فى منطقة ديه اكتر من السويت يعنى السويت ارحم والشمع خطر لانه كله كيميكل مفيش غير السويت انها فعلا تنظف جامد وتشيل كل البكتريا وتقلل نموه ويطلع بعد فترة بس مشكلة فى حاجتين :::
الالم والوجع وخاصة لكل بنت تكون اول مرة تعمل
الترهل ناس قالت بيعمل ترهل وناس قالت لا عادى وامهاتنا عايشين مفيش ترهل ودكاترة قالوا بيقتل الاعصاب وبالتالى تعمل برود جنسى
انا نفسى محتارة بس ممكن يبقى الحل جامع بين السويت والشفرة فى نتطقة حساسة
وممكن الحل يجمع بين السويت وسيلك ابيل فى باقى الجسم
يعنى ممكن تعملى سويت فى منطقة حساسة من فوق عند الجبهة وكل منطقة البكينى ومن جوا بس تيجى على منطقة الشفرتين تعملى بالشفرة عشان متترهلش وعشان خلايا عصبية اللى فيها تفضل زى ماهى والشفرة فى جزء ده مش حتبقى ملحوظة اوى يعنى الشعر مش حيطلع خشن بمعنى الكلمة يبقى كدا انتى عملتى سويت وجيتى على منطقة ديه عملتى شفرة
طيب باقى الجسم لو انتى مستعجلة والشعر قصير او فى اول الجواز حقولك سيلك ابيل وخلصى نفسك بس لو ايام عادية او الشعر طلع طويل شوية وتقدرى تشليه بالسويت يبقى شيلى بالسويت كل جسمك وريحى نص ساعة وهاتى سيلك ابيل مشيها يسرعة على جسمك مرة واحدة عكس اتجاة الشعر عشان تشيلى الشعر القصير او اى باقى شعر موجود كدا حيبقى السويت نظفت وطلعت الشعر من جذورة وكمان سيلك ابيل خلصت الشعر القصير حتقولى ده ممكن يبعمل التهاب للبشرة حقولك جربى مرة على ايدك تعملى كدا وشوفى بس انتى كدا كدا مش حتمسكى سيلك ابيل وتمشيها كتير على جسمك مجرد تركزى على الشعر القصير كدا حتاخدى نعومة السويت وتخلصى من الشعر القصير اللى بسيلك ابيل
طيب نيجى بقى سواء حتشيلى الشعر باى طريقة اعملى قبلها حمام مغربى او سكراب ليه ؟؟
عشان تفتحى كل مسام وتخلى الشعر اللى تحت الجلد بيطلع وباالتالى لما تيجى تعملى سويت او غيره يبقى مفيش شعر يتقصف ولا يطلع تحت الجلد طبعا حمام مغربى يبقى قبلها بيوم عشان البشرة ترتاح شوية ولو سكراب قبلها بساعتين ولو مش عايزة تعملى ده ولا ده ابسطها خدى دش ماء دافى عشا ماء الدافية بتفتح المسام
بعد ما تخلصى ازالة الشعر عندك 3 حاجات تحطيهم يقللوا الشعر وكلهم عن تجربة
زيت الزيتون بيقلل الشعر ويضعف اليصيلة وكمان بينعم جدا الجلد وبيرطب ويدى لمعة بسيطة للبشرة
نبات السعد اما تجيبيه على شكل اعشاب شبه نعناع وتغليه فى ماء سخنة وتاخدى ماء بتاعته وتحطيها على كل جسمك لمدة 3 ايام وراء بعض او تجيبه كريم جاهز موجوزد فى منتجات العطارة وشركات حاجات الطبيعية زى اصالة فى مصر
او الترمس المطحون تحطى منه ملعقة على كوب ماء وتخليه يغلى وتصفيه وتاخدى ماء بتاعته تدهنى بيها كل الجسم بردو 3 ايام وراء بعض بس عيبه ريحته وحشة
انا جربت 3 انواع وكلهم بيقللوا الشعر بس ارتحت مع زيت الزيتون لانه فعلا بيرطب وينعم
بالنسبة الحبوب اللى بتطلع لو انتى عارفة ان جسمك حيطلع حبوب يبقى حطى مرهم فيوسيدين او اى مرهم زيه مضاد حيوى للحبوب حينشف الحبوب ديه او ممكن تحطى ماسك نشاء مع ماء الورد بردو بيقفل المسام
لو حافتكر حاجة تانى عن نفس الموضوع حاكتب عالطول لانى فيه حاجات تانية بس مركزة دلوقتى
السلااااااااااااام عليكم ,,
مبرووووووووووووك هنووودة الجزء الراابع وعقبال المليااار >> بدرري
معليش وصلت متاخر عشان اقوول لك مبروووك ,, المووهم عسااك ع القووة
وبالتوووفيق
انا عاوزة اشكرك اختى هنودة هنانيدو وكل البنات اللى موجودة فى المنتدى جداااااااا وربنا يجعلها فى ميزان حسناتكو ,,لانى مكنتش بهتم بنفسى خالص(مطنشة ومكسلة ) كنت بقول لما اتجوز هبقى اهتم بنفسى براحتى فبيت جوزى,,,,
وبدأت على ايديكو عند اول مطب ليا لما اكن فيه مشروع خطوبة اتعرفت على المنتدى و عليكو ومش عاوزة اقولكو انه هو اللى كان بيقولى لازم تعملى اظافرك و تحطى مانيكير و ميكب ولازم ولازم وكده لان اى راجل ده مطلبه مش انا بس ومسمعتش الكلام اوى وقولت لو هيحبنى يحبنى زى ماانا وبعد كده ههتم بنفسى ,,بس الحمد لله الموضوع اتفركش مش بسبب الموضوع ده كان السبب ظلم ليا ,,,
المهم انا مستمرة على كل حاجة دلوقتى وبهتم بنفسى اوى
ونصيحة من اختكو المبتدئة اول حاجة لازم تعملوها هو جدول اسبوعى للاهتمام بالنفس ,,لان ده اللى هيخليكو تواظبو و متكسلوش ,,لان الوصفات و الماسكات كتيرة جدا فى الاول حاولوا تجربوا كذا حاجة وبعد كده تثبتوا فى الجدول المناسب معاكو و تواظبوا عليه انا بدأت بحاجات بسيطة لحد مبطل كسل وبعد كده هتوسع
ما شاء الله عليكى يا نودى كلامك كله جميل وانا معاكى ان السويت هى احلى حاجة بجد لانى بعد ما جبت سيلك ابيل من شهر وجربتها حسيت ان هى عادية خالص السويت احلى بكتير بس نفسى ومنى عينى بقالى 3اسابيع نفسى اعمل المنطقة اياها شجعينا بقلى عشان نعملها.. ويانودى انتى بتحطى زيت الزيتون بعد متخلصى السويت علطول ولا بتغسلى بميه الاول وكمان انتى بتسبيه اد ايه..ومعلش هو زيت الزيتون هو الى بيستخدم فى الاكل ولا حاجة تانيه ؟معلش طولت عليكى.
نكمل باقى موضوع الشعر .. معلش ياقمرات اخلص الاول الموضوع ونقعد ندردش سوا ونرد على كل الاسئلة اوك ؟؟؟
طيب انتى مفروض تتعودى تعرفى ان الشعر عندك بيطلع كل اد ايه يعنى اسبوعين او اكتر وكل ما يطلع حاولى تعمليه عشان بصيلة الشعر ليها عدد مرات وكل مرة تشيلى الشعر فيها البصيلة بتضعف بالتالى بيقل ويتاخر نموة
يعنى لو انتى لسه مش متجوزة استغلى الفترة ديه انك تعملى عالطول عشان يقل على اول الجواز
بالنسبة زيت الزيتون او نبات السعد يتحط بعد ما تخلصى سويت عالطول يعنى من غير ما تغسلى الجسم ولا حاجة تحطى الاول الزيتون او السعد وبعد كام ساعة ابقى اغسلى جسمك عادى ويفضل من غير شاور يعنى خليها ماء دافية
بس اوعى بعد ما تخطى الزيتون تحطى ماء بعده لازم على الاقل بعد ساعة لان الزيتون مع الماء بيسمر فعلا
شعر منطقة حساسة عايزة بقى تقوى نفسك وتتوكلى على الله واعملى سويت قبلها ممكن مرة تعملى بالشفرة واول ما يطلع اعمليه بالسويت
فيه وصفات كتير لتخفيف الالم بس مش عارفة بحس انها مش بتعمل حاجة يمكن حاجة الوحيدة اللى شوية بتخفف الثلج انك تمسحى بثلج على منطقة وتنشفيها لان الثلج بيعمل زى تنميل للمنطقة
موضوع البتج المخدر بلاش منه اولا مش بيقلل الالم بشكل اللى بنتخيله بالعكس حاجة بسيطة وبتحسى عادى كمان انا سالت دكتورة جلدية وسالت دكتورة صيدلى قالوا انه
غلط ده بينمل الاعصاب ومش صحى خالص
فيه ناس تقولك بعد ما تخلصى سويت حطى ليمون بصراحة مش بحس انها صح لان بالعكس بشرة بتلتهب جدا وخاصة لو حساسة والليمون حامض قوى انا مرة واحد جربتها وقولت استحالة اجربها تانى فعلا بشرتى كانت حتتبهدل
احلى حاجة بعد ما تعملى ازالة شعر الجسم انه بعد كدا تقدرى تعملى وصفات او ماسكات تعالجى بيها السواد لانك خلاص شيلتى كل الشعر وجددتى خلايا البشرة كدا البشرة حتستفيد اكتر
يعنى استغلى وقتها واعملى خلطات لتبيض الابط ومنطقة حساسة وكدا
ياريت يابنات نشارك بعض فى الكلام والتجارب اكيد فيه حاجات انتوا جربتوها وعملت اختلاف معاكم يالالا نسمع تعليقاتكم او نصايحكم
انا قريت الوصفة ديه وحبيت اقولكم عليها
وصفه الدكتوره اميمه لعلاج الشعر الجاف والخشن والتالف وانشاء الله نستفيد منها
المقادير
ملعقتين زيت زيتون
ملعقتين زيت ثوم
ملعقتين زيت جرجير
ملعقتين زيت سمسم
ملعتقين محلب
حبتين بيض
الطريقة
نخلط جميع المقادير مع بعض وتوضع على الشعر ومن الافضل وضعه من المساء حتى الصباح
وعند الشطف يؤخذ سدر ناشف مطحون ويوضع في علبه وترج العلبه جيدا حتى تتكون رغوه مثل رغوه الشامبو ويغسل بها الشعر بدال الشامبو.
ملاحظه
يجب عمل الوصفه اكثر من اربع مرات حتى تبان النتيجه
يعني كل اسبوع مره .
اهلا يانودي وحشتيني
ربنا يجازيكي كل خير
بصراحة يانودي انا فية حاجة جربتها مرة واحدةوحسيت اني بقنع نفسي بيها وخلاص
وهيا انك تجيبي خميرة ع عسل وتخفيفهم شوية ب ماء ورد وتحطيها قبل السويت
هما بيقولوا انها بتشيل الشعر الصغير بس بصراحة انا ماحسيتش كدةخااااااااااااالص
يمكن تكون بتساعد السويت ع شيل الخلايا الميتة بس
عامة ان شاء الله هجربها تاني واشوف عشان اتاكد
الروابط المفضلة