للبحث في شبكة لكِ النسائية:
|
ياهلا بيكي اختي ويسعدني بجد انك مبسوطه بكلامي...اهلا بيكى يا هبة ياقمر بجد نورتينى ومبسوطة بكلامك ربنايجمعك على خير مع خطيبك ويسعدكم ..
ليا سؤال ياجميل ؟؟؟ هى الزيدة بتخلى الشعر دهنى ولا عادى ؟؟؟وبعد ما اغسل شعرى احط كريم او سيروم ولا بلاش ؟؟؟؟ اكتفى بالزبدة ؟؟؟
ويارب امين وان شاءالله ياربيجمعك انتي وزوجك على خير يااااااااااارب...
بالنسبة لسؤالك حبيبتي الزبده لاتسبب في تدهن للشعر وطبعا بعد ماتغسليه كويس والاضفل يكون شانبو ريحته حلوه وقويه وتثبت في الشعر انا بستعمل شامبو Duru امووووووووووت فيه والحمدلله بنصح كل وحده عنها تقصف ولا شعرها خشن تستعمل الزبده وإذن الله تشوفوا النتيجه وحاتدعولي...
بس هنودي انا عندي سؤال انا عندي حبوب في المنطقه الوحشه حتى بعد راح السواد صرت لما اعمل سويت بتطلعلي الحبوب والشعر الي تحت الجلد ويطلع الاثر..
وفي حاجه تانيه انا استعملت لوكسيد ار وصفاته ليا الدكتوره تبعي عشان الاثار الحساسيه يعني ممكن استعمله في السواد على جانبي الفم عندي حاجه بيقوا عليها صبغات ايه رايك...
سلام حبيبتي وانا متواصله معاكي على طول وبأنتظر باقي حلقاتك بفارغ الصبر...
اهلا ياعرايس النهاردة حنتكلم عن ...
يوم اهتم فيه بنفسى
طبعا ان شاء اللة بعد ما نتجوز اكيد مش حيبقى عندنا وقت فاضى زى دلوقتى يعنى حنبقى مشغولين بالزوج والبيت والمطبخ والزيارات وحاجات تانية اكتر وفى كل ده اكيد حننسى نفسنا حننسى نهتم ببشرتنا وبجسمنا عشان حنكسل وهنا حتبتدى مشكلة كل زوجة فى الدنيا ؟؟؟؟
لو تلاحظوا الازواج يقولك مراتى قبل الزواج وبعد الزواج اول كام شهر كانت روعة مهتمية بنقسها وبشرتها وشعرها دلوقتى اتحولت لواحدة تانية ولاقدر الله ممكن يبتدى يقارنك بنساء تانين ...
الزوجة تقول انا كل وقتى للزوج والبيت والمطبخ وبلبس كويس وحاول اكون لطيفة معه وبعمله كل حاجة
كل دع جميل بس نخلى بالنا من حاجة يابنات الزوج اخد فكرة ان كل زوجة بتهمل نفسها بعد الزواج وهو بيبقى عامل زى سباق مع نفسه ياترى مراتى حتعمل كدا امتى؟؟؟
اللى احنا عايزينه اننا منعملش كدا خلينا دايما فى نظرهم اجمل الجميلات والموضوع بسيط اوى تعالوا اقولكم ازاى ؟؟؟
زى ما قرينا فى اسم الموضوع "" يوم فى الاسبوع اهتم فبه بنفسى "
لازممممم تحددى يوم يبقى يوم النظافة مش حتحتاجى فيه غير ساعتين والنتيجة بتاعة الساعتين حتفضل لمدة اسبوع ....
اولا اليوم ده لازم يكون زوجك فى اشغل يعنى مش حينفع يبقى يوم اجازته متعوديش جوزك يشوفك وانتى بتعملى ماسكاتك والسويت خليه دايما شايفك البنوتة الامورة بلاش يشوفك وانتى حاطة زبادى على وشك وماسكة سويت فى ايدك اكيد مش حتبقى حلوة وهو بيفتكرك
عشان اقربلكم الفكرة لو انتى روحتى تشترى تورتة جميلة حتبقى مبسوطة اكتر لما تلاقيها ادامك جاهزة ؟؟ ولا لما تشوفى الشيف وهو بيعجن وبيجب الدقيق وايدى مليانة دقيق والبيض وبيغسل الصينينة ؟؟ مين احلى التورتة الجاهزة ولا تشوفيها كدا ؟؟؟
ياترى فهمتوا قصدى ....
نرجع تانى ليوم النظافة .. اليوم ده سيادتك حتبقى مجهزة الاكل من بدرى تقومى كدا شطورة من الصبح تخلصى الاكل وتبتدى...
1 - تعملى بخار ماء لوشك وطريقة بسيطة .. لو عندك الجهاز اوك ..اما تجيبى اناء وحطى فيه ماء ونعناع وخليها تغلى وقربى وشك وغطي راسك وشعرك بفوطة وخليكى مدة 5 دقايق بعدها امسحى وشك ماء ورد عشان تقفلى المسام
2 - تعملى صنفرة لوشك ولجسمك وعندك كذا طريقة
* ملح + ليمون تغسلى جسمك بمياة دافيه وتحطيهم على جسمك وتفركى كويس وتغسليه بماء فاترة
* صنفرة ارز مطحون + جلسرين سائل+ماء ورد + حليب وتخليهم زى ماسك كريمى ونفس الطريقة اللى فاتت
* حمام مغربى وطريقة معروفة
كل دول طرق صنغرة ميزتها تشيل الجلد الميت وتنعم البشرة وتخليها صافية طبعا اول طريقتين مناسبين للبشرة الوجه ...
بعدد ما تعملى صنفرة لوشك حتحطى ماسك مناسب وطبعا اكيد كل واحدة عندها ماسكات مناسبة ليها وخليه ماسك طبيبعى يابنات ابسطها عسل لمدة ربع ساعة
3- بعد ما تعملى الصنفرة وتخلصى الشاور تحطى على جسمك زيت لوز مر او لوشن مرطب او بيبى جونسون
4 - فى الوقت اللى بتعمل صنفرة تحطى رجلك فى مياة دافيه عليها ملح وتيخليها فيها 10 دقايق وبعد ما تخلصى اشاور بتاعك تنشفيها كويس وتجيبى حجر الرجل وتدعكى بيه رجلك
لو تلاحظوا ان حاجات ديه كلها وانتى فى الحمام يعنى كلها فى وقت واحد تمام ...؟؟؟
طبعا لسه فيه حاجات حتكمليها بعد ما تطلعى من الحمام
بالنسبة للشعر لو شعرك مناسب ليه حمام الزيت يبقى حتعملى حمام زيت مناسب ليكى وتلفى شعرك بفوطة سخنة وتسبيه ساعتين ولو حمام كريم مناسب مش حيتحتاج اكتر من 10 دقايق وتغسلى شعرك كويس بالشامبو
كدا خلصنا مرحلة الحمام تعالوا نكمل ...
حتطلعى من الحمام حتقصى اظافرك وتعمليها بالمبرد ايدك ورجلك وتحطى كريم لرجلك وكريم لايدك ,,,,ونحطى كريم لاظافرك عشان تبقى لونها فاتح وطرية
تحطى كريم مرطب لوجهك وكريم للهالات لو مش عندك يبقى زيت لوز حلو
تسرحى شعرك وتلفيه
تعالوا بقى شوفوا النتيجة
شعر حلو
ايدك ورجلك ناعمين
وجهك نظيف ورطب وناعم
جسمك صافى وناعم مفيش خلايا ميتة ولا سواد
عينك نضرة مبش علامات ارهاق حتى لو عندك هالات حتقل وحتبقى نضرة
تحطى فى الاخر برفيوم حلو يبقى كمان ريحة حلوة
مدة اللى عملتى فيه كل ده مش اكتر من ساعتين واقل كمان والنتيجة حتفضل معاكى كذا يوم ..
انتى بقى خلال باقى اسبوع بتعملى حاجت بسيطة يعنى ترطبى بكريم تغسلى جسمك بشاور ناعم تملى ماسك خفيف زى الزيادى لوجهك
تبقى انتى كدا عالطول حلوة وجميلة وزى القمر فى عين زوجك ومش اهملتى نفسك وكمان حتبقى متعودة ان اليوم ده بتدلعى نفسك
اخر حاجة عشان مطولش عليكم خلوا اليوم ده كل حاجة طبيبعة فيه يعنى بلاش استخدام حاجات صناعية لان باقى الاسبوع حتستخدمى حاجات صناعية من كريمات ولوشن لانه مش حيبقى عندك وقت للماسكات حتبقى عايزة حاجة سريعة
السلام عليكم ورحمة الله وبركاته
ماشاء الله علي كلامك ربنا يجعله ف ميزان حسناتك ويجزيكي خير
اكيد الاخوات المقبلات علي الزواج بيدعولك كتييييييييييييييييير
ميرسى يا هبة يا جميل على ردك عليا
بصى ياجميل بالنسبة حبوب انا كان عندى نفس المشكلة بس بقيت بحط بعد ما اعمل سويت مرهم كيناكومب او فيوسيدين مرة فى اليوم لمدة 3 ايام والحمد لله الحبوب حتلاقيها بتقل جدا
مرهم ليكوسيد مش عارفة بصراحة اذا كان حينفع للفم ولا انا استخدمته لركبتى بس الافضل اسالى صيدلى ياهبة بس اللى اعرفه ان مرهم مفهوش واقى شمس يعنى لازم تستخدمى صن بلوك وبردو اطمنى واسالى الدكتور احسن
هنوووووووووووووووده ماشاء الله ياجميل احييك علي المووووضووووووووووووع روعه بجد
تسلمي ياقمر موضوع جنانا جنان
بصي بقي انا استفدت اوي وانا هفضل معاكي هنا يعني علي قلبككككككك ههههههههههه
فرحي بعد العيد الصغير ويالا هبتدي معاكي
⋞
يارب احفظ لي ابنتي وزوجي وكل اهلي واحبابي
امين يارب
مسابقة افضل تقرير عن مدينه في بلدك شاركونا
عرايس القمرات وحشتونى عاملين ايه ؟؟؟
نهاردة عايزين نتكلم على حاجة بسيطة بس منتشرة تعالوا اقولكم ايه هى .؟؟؟
صبغة الشعر والهايلايت وتغيير لون الشعر
مش ملاحظين يا بنات ان كل عروسة تيجى تتجوز اول حاجة تعملها تغير لون شعرها او تقص شعرها بشكل مختلف ؟..
طبعا ده حاجة كويسة جدا وحلوة وكلنا حنقول انها خطوة صح بس يا بنات الوقت هو اللى مش صح ... يعنى مفروض زوجك انتى لسه جديدة فى نظره بمعنى انه لسه مزهقش من لون شعرك العادى لانكم لو كنتم مخطوبين يبقى طبيبعى مكنش بيشوفك بشعرك لانه حرام صح ؟...
ولو كنتم مكتوب كتابكم ( ملكة يعنى ) يبقى هو شافك مش كتير وحتى لو كان شافك كتير مش حيلحق يزهق من شعرك ولونه وتسريحته لانك بالنسبة له حاجة جديدة لسه محتاج وقت عشان يكتشفك
بعد ما يعدى وقت من زواجكم حتلاقى نفسك محتاجة التغيير ساعتها انتى وزوجك حتحسوا بالفرق لما تغيرى لون شعرك حيبقى مبسوط باللون الجديد وحيحس انه مراته بتعمل ده عشانه والملل ساعتها بيقل
اما فى اول الزواج انتى بالنسة لزوجك زى كنز مش عارف اوله من اخره لسه قاعد فرحان بيه وبيكتشفه سبيه ياخد وقته
اللى اقصده من كلامى يا بنات اتعودى انه يكون معاك صندوق تحطى فيه افكارك وكل فترة تطلعى فكرة من الصندوق
يعنى لو انتى قبل الزواج عملتى شعرك الوان وحركات ممكن تقوليلى حتعملى ايه بعد 6 شهور زواج ؟؟؟
على فكرة جوزك ساعتها مش حيحس بالفرق اوى لانه شاف الالوان من اول يوم زواج بالعكس حتلاقيه ساعتها مشتاق للون شعرك الطبيعى .. طيب احنا من الاول نريح دماغنا ونخلينا بلون شعرنا الطبيبعى ولما جوزك حيزهق حيقولك حبيبتى ما تعملى لون جديد ويبقى ده الوقت المناسب ....
ايه رايكم يا بنات ؟؟ ان شاء الله انا ناوية اعمل كدا يعنى مش حالعب ى لون شعرى الا بعد زواجى بفترة ...
الروابط المفضلة