يسلموا يا هنودة على النصايح الحلوة
بس الجليسريد سائل او كريم ؟
للبحث في شبكة لكِ النسائية:
|
يسلموا يا هنودة على النصايح الحلوة
بس الجليسريد سائل او كريم ؟
النهاردة معانا موضوع جديد
الشـعـر
حنلاقى شوية اسئلة كلنا بنسالها ...
ياترى اعمل فرد لشعرى ؟؟؟
شعرى بيهيش وقلقانة من شكلى ادام زوجى ؟؟؟
اعمل ايه فى اول ايام الزواج عشان اخلى شعرى شكله حلو استخدام استشوار ولا بيبى ليس ؟؟
نجاوب بقى على الاسئلة .. الاول خلينا فاهمين انه مهما كان شعرك بتقولى انه مش ناعم وانه ضعيف وانه .... الخ ... حيبقى حلو فى عين زوجك ليه ؟؟
سبحان الله اشعر زى ما بيتقال دايما تاج المرأة يعنى هو بطبيعته بيجذب الرجل
عشان كدا اول حاجة الـفــرد وحش جدااااااااااااااااااا وده مش كلامى ده كلام دكاترة تجميل وكلام بنات جربوا الفرد الاول حيبقى شعرك تحفة 6 شهور وطيب بعدين ؟؟؟
شعر هايش متقصف بايظ ولا حتعرفى ترجعية زى الاول ولا يساعتها جوزك حيبقى مبسوط .. على الاقل لو جوزك اتعود على شعرك الطبيبعى خلاص حيبقى مبسوط بيه اما تخيلى جوزك بيشوفك لمدة 6 شهور شعر ناعم وفجاة تحول تام حيتصدم من المفاجاة هههههههههه..خلينا على طبيعتنا
تانى حاجة شعرك بيهيش ظبطى حالك من دلوقتى اقولك ازاى ؟؟؟
لو شعرك بينفع معه حمام الزيت اعملى وصفة والمنتدى مليان وصفات بس الوصفة اللى جربتها بنفسى وعطتينى نتيجة حلوة
زيت لوز حلو + زيت خروع + زيت سمسم يتحطوا على بعض ويسخنوا شوية على النار وتحطيهم على فروة اراس وتعملى تدليك 5 دقايق وتجيبى فوطة سخنة وتلفى بيها شعرك وسبيه ساعتين واغسليه ...بس انا شعرى اكتر بيليق مع كريمات
النتيجة الهيشان بيقل + تغذية للشعر + بيقلل تساقط + لمعة للشعر
اما بقى لو شعرك مش بيمشى مع الزيوت زى حالاتى يبقى اعملى حمام كريم انا جربت كاريتيه وكذا نوع مش عجبونى اللى طلع معايا حلو بونويل بجينين القمح .. كل واحدة تشوف ايه اللى مناسب معها وتبتدى من دلوقتى تستخدمه طبعا بعد كل مرة تعتنى بشعرك النتيجة حتبقى احلى
كمان للهيشان استخدمى سيرم للشعر حلو اوى اللى اعرفه نوع كويس " كريستال .. زيرو فريز "
طيب الاستشوار والبيى ليس ؟؟؟ بصوا ياحبيابى اول الزواج اكيد حيبقى غسيل الشعر كتير مش معقول كل ما تدخلى تغسلى شعرك حتطلعى تعملى استشوار ولا بيبى ليس حرام الشعر مش حيستحمل يبقى خلينا واضحين ان اول ايام الزواج مش حينفع ولا استشوار ولا غيره وخليها قاعدة معاكى ان الاستشوار والبيبى ليس يبقى فى مناسبات يعنى مثلا وقت البريود تقدرى تعملى استشوار لانك مش جتغسلى شعرك كتير اما بلاش استشوار على الفاضى والمليان عشان خاطر صحة شعرك
طيب الحل بقى بعد ما اغسل شعرى اعمل ايه ؟؟؟ حركة بسيطة وتخليكى زى القمر اعمليه كيرلى بسيط
اغسلى شعرك واطلعى حطى سيرو واربطى شعرك زى ديل الحصان وحطى تانى سيروم على شعرك من ادام وسبيه ربع ساعة وفكيه من غير تسريح حتلاقيه من ادام ناعم ومن تحت بقى شكل لولبى وممكن مرة تربطبه بتوكة شيك ومرة تلبس طوق وهكذا
والله يا بنات الموضوع بسيط ومش مستاهل نشيل هم .. زوجك مش عدوك عشان يقعد يطلع فيكى عيوب ويقولك شعرك مش ناعم لا شعرك مش عجبنى مفيش زوج حيعمل كدا بالعكس انتى زوجته حتبقى بحبك وضحكتك وشعرك زى القمر فى عينه
نصيحة اخيرة خلوا عندكم ثقة فى نفسكم والله بتفرق ... اللى عنده اى تعليق يشاركنا عشان كلنا نستفيد
ما شاء الله عليكى موسوعه ربنا يكرمك
انا كمان بجرب ليكو سيد بقالى 11 يوم وربنا يجازيكى كل خير
ايه الجمال دا يا قمرررررررررررر تحفه بجد ربنا يجزيكى خير
نصائح قيمة عزيزتي.. بارك الله فيك وبالتوفيق لجميع عروسات المستقبل
ازيك يا هنودة هنانيدو ؟
بالنسبه لكريم ليكوسيد بيبدأ يقشر الركبه من بعد كام يوم من استعماله
وشكرا ليكى على كل المعلومات الجميله دى
الروابط المفضلة