انا راح اقولكم عن طريقتي في نقع التمر والله يابنات مرة مفيد احس لما اوقف عنه اولادي بيمرضوا اكثر من اول
وثاني شي ترتاحي من مشاكل الامساك لان التمر ملين طبيعي
اولا انا عندي ولدين وطبعا الكميه اللي استخدمها تكون عن اثنين
اخذ تقريبا 15 الى 10 حبات تمر واشيل العجوة واحطها في طاسه زجاج ( لازم زجاج مو بلاستيك )
واصب عليها تقريبا كاستين مويه حارة واخليها لمده 12 ساعه هذا هو النقيع
بعدين تجي عنده تلاقينه صار ليييييييين وطلعت كل خلاصه التمر مابقى الا القشرة الخارجيه حسب نوع التمر
وبعدين تاخذي طاسه عميقه شوي وتحطي فوقها المنخال تبع الطحين وبعدين تصبي النقيع شوي شوي فوق المنخل
وراح ينزل كل شي وانتى كملي ضغط بالملعقه لما يتصفى تماما بيسير عندك مزيج ثقيل انا احطه في رضاعتهم تقريبا 60 مل والباقي احطه في حافظه زجاج في الثلاجه ويكفيهم يومين وارجع اسوي من جديد وهكذا
هاذي احسن طريقه لنقيع التمر بالنسبه لي
اتمنى تسوونها اولادكم يستاهلون شويه تعب