السلام عليكم يا غاليات...
ان شاء الله تكونوا جميعاً بخير يا رب
اليوم الأكلة جداً شهية ومنظرها رائع وكمان أكيد مغذية....
فليفلة محشية
على فكرة، أوقات بعملها فليفلة وكمان بحشي بندورة بتطله رائعة...
المقادير
فليفلة حلوة مفرغة ومغسولة
رز مصري
بندورة مهروسة
صلصة البندورة
ذرة
بقدونس مفروم
بصلة مفرومة
فص ثوم مفروم
زيت زيتون
جبنة بارميزان ""ممكن أي نوع جبنة بترغبيه""
فلفل أسود
ملح
ممكن إضافة الشطة ""حسب الرغبة""
كمون
الطريقة
على النار نضع زيت الزيتون ونقلب البصل ثم الثوم لغاية ما يدبلوا..
نضيف الرز المغسول جيداً ونضيف الماء والملح والبهارات والصلصة ونتركهم لغاية ما يصير الرز ثلاثة ارباع مستوي..
نضيف البندورة والذرة والبقدونس والجبنة ونقلبهه 5 دقايق..
وهذا هو المنظر الحشوة الجاهزة..
ما شاء الله ولا قموة إلا بالله
لاحظتوا كيف لسا الرز مو ناشف ورطب؟
بعدين نحشي الفليفلة ونرصها بالصينية ونضيف ماء وصلصة بندورة وملح في الأسفل..
نخلهم الفرن لغاية ما تستوي الفليفلة وتطلع بهذا الشكل
تسكب وتزين بالبقدونس
وهذا الشكل من الداخل
اكلة بسيطة وسهلة ولذيذة وان شاء الله تعجبكم..
لا تنسوني من دعاءكم....
الروابط المفضلة