سيــــــــــــــــــــاحه

[جورى]

صدى الله يعطيك العافيه بس خلاص ان شاء بقول حق اختى ودها تروح وخلاص انت القائد مالنا ويعنى نصيحتك انا بس نحجز التذكره والفندق من غير الرحلات السياحيه ولاكل وغيرها شكرا لك

[- asma -]

الله يعافيك أختي جوري

انتوا احجزوا التذاكر والفندق يوم واحد بس لأنه عادة الحجز لما يكون من الخارج يكون بسعر أغلى.. ولما توصلوا بالسلامة نحجز من تاني يوم على فندق تاني إذا ما ناسبكم وفي منطقة كلها أسواق ومطاعم بحيث يسهمل عليكم الخروج وما تملوا كثير




أشوفك على خير

[جورى]

صدى بعد عمرى والله ما قصرتى خلاص ان شاء الله اذا جاء الصيف الخبر اليقين عندك ان شاء الله الف الف شكر

[- asma -]

العفو أخواتي جوجو وقــــوت



نسيت أقول شيء

صحيح الجو عندنا حار ورطب لكن خذوا معاكم على الأقل بنطلون جينز واحد وجاكيت أو سويتر وخاصة للأطفال لأن منطقة جينتج باااااااااااااردة وكمان كاميرون هاي لاند


أما العفش انصحكم انكم ما تشيلوا معاكم عفش كثير لأنكم راح تشتروا من هنا أغراض كثيرة رخيصة ويزيد العفش عليكم

كمان ياريت كل وحدة فيكم تخبرني كم العدد اللي راح يسافر وعدد الشنط عشان نقدر السيارة المناسبة بحيث كل ما كان العدد اكبر كل ما كانت السيارة كبيرة

[جورى]

خلينى اول اشوف محرمى اول وان شاء الله يصير خير لانه كنا ناوين نروح مصر بس كاننا هونا هههههههههههه

[قوت]

خسارة ياجوري ..لو أنك في السعوديه كان سافرنا أنا وياك في طائرة واحدة وبتصير وناسه نخلى رجالنا يجلسون بالدرجه الاولى وأنا وأنت وأختك وعيالنا بالسياحيه ونقغلها علينا ونفلها أنا بجيب ترمس شاهي وترمس قهوه وانت عليك المكسرات وطول الطريق كركره والبزران يلعبون سواء هاه وشرايك ...




تدرين ليش..





لان محد مسافر غيرنا ((واضح من تجاوب القراء))؟؟؟؟
يعني كل العضوات بالصيف ببيوتهم !!
مو مشكله المهم الكنز الرائع (((صدى)))
شكلنا بنصير أصحاب وش رايك ياصوصو((ياشين الي مايعرف يدلع ))
ودي أعرف أنت سعوديه والا ماليزيه !!
لاتستغربون لان قبل سنتين وحده من قريباتي كانت في ماليزياء وتعرفت على وحده تشتغل في السياحه كانت عايشه في السعوديه الى أن تخرجت من الثانوى وراحت تكمل في بلدها الام ..يمكن تعرفينها ياصدى أذا تبين أجيب لك أسمها..بصراحه كانت حبيبه ومتعاونه مررره مثلك

نرجع لموضوعنا ..
من ناحيه الحجاب الاسلامي ((الله لايزيغ عقولنا ))رب ماليزيا هو رب السعوديه واذا تركت الحجاب معناه استغفر الله ان العبادة لـ....
الحمدلله تونى شاريه العبايه الجديده يمكن سمعتي عنها الي يسمونها الاسلاميه وااااااااااااااسعه وتلبس مثل الثوب فيها فتحه للوجه فقط والوجه يستره الغطوه بصراحه رهيبه روووووعه للسفر والاسواق بعد مالبستها صار زوجي مايبيني البس الاهي وصارت العبايه القديمه مالها كرت ..ولو يفحطون الشباب ةالله مايدرون وش تحتها ثوب والا بنطلون والا تنوره ..وبالمطار على طول بتعرفيني منها ..



بس..
إلى الان ماقلتيلي ليش الاندونوسيين يخوفون ((والله نشبه)) تصدقين من الحماس بغيت أسال شغالتى !!!!!!!!!
وودي أسالك الشقق والفنادق فيهم خدمات مثل الغساله .المكواة.بوتجاز صغير.....تعرفين الاشياء الي نحتاجها دايم ..
أنا وزوجي وطفلين ((اصغرهم سنتين ونصف)) شرايك ناخذ شقه والا فندق ؟؟
(*أهم شي لايصير بالفنادق بارات وبلاوي *)

وبصراحه أنبهرت لماقلتى راح نشترى اشياء كثيرة لان كثير من الى راحو يقولون نفس بضاعه واسعار السعوديه !! بس السوق الصيني هو الرخيص واغلبه صنادل وشنط !! لذلك الشراء فقط لهدايا الاقارب ..وكان غلطانه منكم نستفيد !
علشان كذا أنا ابي الرحله تكون أستجمام منتزهات ..شاليهات ومنتجعات ..ملاهى للاطفال واهم شي ينبسطون اطفالي علشان كذا ابي اروح كل الاماكن الحلوة للاطفال ..والله يخليك لنا وتدلينا عليها باتنظار ردك
واأحس انى ثقلت علىالمنتدى لذلك كان ماعندك مانع تضيفين على الماسنجر !!

[قوت]

وش دعوه مامن مجيب!!!!!!!!!!!!!!

[قوت]

وينكم يالرررررررررررربع؟؟؟
المشكلة الحين هالسارس واكيد محد رايح لماليزيا ..
فياليت أعرف وين وجهتكم هالسنه ..
البلاد العربيه ..؟والا لا