هدايا العرايس

[ashgan]

السلام عليكم ورحمة الله وبركاته
اريد اعرف ايش الهداياالي ممكن نهديها للعروس عشان اخت زوجي بتتزوج بعد اسبوعين وما عندي فكرة ايش ممكن اهديها .

ومشكورة لمساعدتكم

[القنوعه]

عيدك مبارك أختي أشجان

بإمكانك إهداء إخت زوجك العديد من الهدايا مثلا:
- علبه مكياج كامله إذا كنتي تعرفين ذوقها وأي ماركه تستعم او تشترين لها مجموعه من أدوات المكياج المختلفه وبألوان تناسبها وتفضلها.
- مجموعه من العطور العربية و الفرنسيه .
- طقم كامل لروب الحمام والفوط.
- قمصان نوم.
- طقم من الذهب يكون ناعم وبسيط.
- طقم شنطه مع حذائها.
- طقم عبايه مع شيلتها.
- ساعة يد.
- طقم مفرش لسريرها.
الإختيارات عديده
- وأفضلها تكون مجموعه من الكتب وأشرطة المحاضرات التي تتناول مواضيع الزواج وتكوين الأسره وتربية الأطفال لأنها سوف تكون مقبله على حياه جديده وبحاجه لمن يرشدها ويدلها على أساليب التعامل مع الزوج وتكوين الأسره والحفاظ عليها ووووو
وبإمكانك تجميع عدد من هالأشياء بصندوق انيق وجميل وترفقين معه بطاقه جميله تباركين لها بالزواج
الأفكار والهدايا عديده بس اهم شي إنك تعرفين إيش ذوقها وإيش إللي تحبه وبعدها بكل سهوله تقدرين تختارين الهديه وتقدمينها .
ألف مبروك والله يوفقها ويهنيها

[بنت بلدها]

ماشاء الله الأخت القنوعه


صج ما قصرت


تسلممممممممممممممممممممممممممين

[نواير]

عزيزتي اشجان عندي اقتراح نفذته مع اخوات زوجي وفرحوا فيه اكثر من اي هديه بس يعتمد على مدى تداخلك معهم وهو ان تكون هديتك شيء اساسي في العرس تشيليه عنهم مثل تكلفة الكوشه او مسكة العروس او الحنانة اوليلتين في فندق كان مهم مسافرين اوزفة يبونها او او....فهمتي قصدي من الهدية

[الخنساء]

أختي القنوعه
يعطيك العافيه افكار رائعه ...

[مرارة البحر]

اختي أشجان..
صحيح الأخت القنوعة كفت ووفت جزاها الله خير..
لكن معضم اللي ذكرته..موجود في هدية وحدة جاهزة..تشترينها من مكتب الدعوة القريب منك..
انا اهديتها لصديقتي...كانت رووووعة...واسمها هدية العروسين..وتنباع في علبة فخمة..
تشتمل كتب واشرطة للعرسان وجوارب وقفازات للعروس وطيب وبخور فاخر..وميدالية مفتاح..وكل هذا..
بـ150ريال..(( وانا اخذتها بـ130...عملولي تخفيض ))
انصحك بيها....ما تتفوت

[القنوعه]

بنت بلدها، الخنساء، new moon، لا شكر على واجب كلنا خوات

نواير هم فكرتك حلوه

من افكاري وهداياي السابقه لصديقاتي:
كانت وحده من صديقاتي تموت على لون السماوي والكحلي وقتها قررت أشتريلها كل شي بدرجات السماوي والكحلي قمت بشاك علبه كبيره من التور الكحلي وفرشت داخلها ورق كوروشيه باللونين السماوي والكحلي على شكل شرايط رفيعه جدا وقمت بتجميع الأغراض بعذه الألوان ( علبه شدو بدرجات الأزرق، مسكرا كحليه، إكسسوارات من الخرز الفيروزي، قطعه قماش سهره بدرجات اللونين، قميص نوم طويل لونه سماوي، وقتها كان نازل عطر اكسجين وشريته لها وحطيته فيه ونثرت عليه شكولاته مغلفه بورق سماوي وكحلي )

اما الثانيه:
لم أقرر مااقدمه لها إلا بعد أن اعلم نواقص منزلها، وقمت بسؤالها بطريق غير مباشر ماتبقى لها من تأثيث المنزل فأعلمتني إنها غرفه المجلس خاليه من الإكسسوارات ومحتاره في إختيارها اقنعتها بأن اخرج معها لنأخذ لفه على محلات الإكسسوارات وخرجنا ووقعت عينها على إختيار عدد من القطع وأقنعتها بأن تأتي بعد يومين لشرائها بعد ان تقتنع قناعه تامه ورجعنا، ثاني يوم قمت وشريت لها الأغراض إللي وقعت عينها عليها وغلفتهم بعلبه كبيره علبه تلفزيون، كانت الإكسسوارات عباره عن ساعه على شكل برواز توضع على الطاوله وأبجوره و بعض التحف الكرستاليه وأرسلتها على طول لها وسعدت كثيرا.

الثالثه: وللأسف ماكانت تعرف تطبخ ولا جهزت مطبخها وزرتها بشقتها زياره فجائيه وشفت مطبخها فاضي مافيه غير صحون وأطقم التقديم ( فقررت بيني وبين نفسي إني اشتريلها ادوات المطبخ من الطناجر والمقالي وبعض الأجهزه وقمت بإلصاق ورقه صغيره على كل قطعه وشرحت لها طريقه إستعماله وأرفقت معاهم ملف ببعض الطبخات البسيطه وسريعه الإعداد، وارسلتها لها) ماتتخيلون إشكتثر إنبسطت من الهديه ومن وقتها وزوجها يدعلي ليش إن زوجته تعلمت الطبخ على إيدي وتخلص من أكل المطاعم وماشاءالله عليها صارت طباخه درجه أولى.

هذي بعض الأفكار إنشاءالله عجبتكم
وإذا تبون غيرها من عيوني

[Dandosh]

قنوعة............

هاد انت خطيرة

هدية صديقتك اللي ما بتعرف تطبخ عجبتني .ز يا ريت في منك كم نسخة هون ... و وحدة منهم تكون صاحبتي

[القنوعه]

عزيزتي Dandosh
كلك ذوق ياعزيزتي ربي إللي خلقني خلق غيري وبتلاقين مثلي وأحسن مني بعد ولي الشرف إني اكون صاحبتك إنتي قوليلي شلي ناقصك وبتلاقين هديتك وصلت على بريد المنتدى

[البراءه 80]

افكار روعه يالقنوعه

ماشاء الله عليك