مسى الفل يا فل
كيف الحال والاحوال
الصراحه اللي بيدخل الركن بصيبه حساسيه من كثر الحلو اللي فيه والصراحه قررت اقاطعكم بتعرفوا ليش
مش لاني رح اسمن مش مشكله هاي المشكله في كوم الجلي اللي دايما بيتكوم ومحسوبتكم عندها عداوه بينها وبين الجلي ههههههههه
طيب وانا عم لف ودور في الركن ونفسي بحلو سهل وخفيف ونظيفخطر ببالي حلو لا اطيب دايما بنعمله بس بطرقه غير اليوم فكرته حلوه كثير
الصراحه طريقته هي من الاخت ايمان علي
نشوف الصور نحكم هاي كبه بس مش ترحوا ناقليني على ركن المقبلات هو حلى ميه بالميه
كبه مع بطاطا حلوه ههههههه مش رح احكي غير لما اشوف 50 رد ههههههه
ولو بس هذا مزح
هي المقادير من عيوني
علبتين بسكوت مطحون
على النار
كوب ماء
3 ملاعق كبار حليب بودره
2 ملعقه كبيره كاكاو
شويه سكر 2 ملعقه صغيره
شويه زبده 3 ملاعقه كبار
وتحرك لحد ما تذوب كل المقادير
وتضاف على البسكوت
ما تصبي كل السائل على البسكوت لا يصير سائل كثير لازم زي العجين
زي هذه العجينه بالزبط
ونحضر الحشو
ممكن زي حشوه القطايف جوز ولوز وجوز الهند
انا حطيت فستق حلبي ولوز مطحون وسكر ملون وشوكولا مقطع
نكبب الكبه ونحشيها بالحشو زي اي كبه مالحه بتعمليها
عاد بس ما تقولوا ما بنعرف نحشي ونعمل كبه هههههههههه
وهيها مع بطاطا بس البطاطا هي كيك عادي كنت عامله قبل قطعته اصابع زي البطاطا
بس للاسف ما كان عندي صوص فراوله والا كان صار كاتشاب
وهيه زوووم من جوا
وصحتين وعافيه على قلوبكم يا اخواتي
الروابط المفضلة