كتبت بواسطة
شهربان
وزني 83.300
طولي 158
فصيلة الدم : +B
4-هل تعانين من انيميا(فقر دم)؟
لا الحمد الله
لا أعاني من أمراض أخرى
أحب الخبز والمعكرونه ومشروب الدايت بيبسي
أكره السلطه والخضروات فأرجوكي لا أريد سلطة بالرجيم
عمري 29سنة
وأريد نظام لفترة الصيام مدتها 20 يوم وراح أصوم من بكره
هلا اختي شهربان
انتي بالنسبه لي حاله سهله لان فصيلتج بي نفس فصيلتي
والحمدلله احنا من اكثر الفصائل حظ لان وايد اكلات اتناسبنا
وبعدين السلطه ضروريه جدا انتي جربي اليلطه اللي بموضوعي الثاني وما راح تندمين لان طعمها لذيذ
المهم انا مابي اضايقج بالاكل اللي ما تحبينه بس ابتعدي عن الدجاج والطماطم
شوفي اذا انتي صايمه ابتدي فطورج كالأتي
شوربه مشروم او شوربه بطاط او شوربه بصل ( العدس يمتن لا تشربينه)
علبه روب زبادي
ثلاث فردات تمر
وواحد من الخيارات التاليه
1-صحن معكرونه خضار
2- كفته خمس حبات أو ستيك أو قيمه(لحم مفروم ) مع سلطه جرجير بدون خبز
3-مرق باميه أو خضار مع كوب رز
4-ساندويش واحد بالجبن والتونا أو التيركي مع خس بدون طماطم
5-تشريب معدل ست ملاعق ( ثريد أو فته)
الساعه 10
نسكافيه مع عدد واحد كاكاو كتكات بو صبعين او سناك من كادبووري او نصف مارس او جالكسي
أو
أي نوع من الفاكهه ويفضل الاناناس والموز لفصيلتج
السحور
1-كوب رز مسلوق وعليه زبادي
2-جيز اومليت يعني عدد 2 بيض اومليت مع شريحه جبن
3- ساندوتش جبن مع خس ومايونيز وخيار مع عصير اناناس
4- ثلاث همبورجر مشويه مع خيار وخس بدون خبز مع شوربه مشروم
اتمنى التطبيق مع المشي مده نصف ساعه
عطيني اخبارج
ريم
الروابط المفضلة