سم الله الرحمن الرحيم
مساء الفل يا حلوين ازيكم .لقيت سؤال عن السوشي قلت ادي لكم طريقتي المتواضعه اولا صعب نلاقي ورق النوري في كل مكان فممكن الاستغناء عنه
اولا :نأخد كوب رز مصري ونطبخه بدون دهن او ملح يعني ميه ورز وبس لغايه ما يستوي
ثانيا نضع عليه 1/2 فنجان قهوه خل رز او اذا مش موجود نحط خل عادي +2م ص سكر ونقلب
ثالثا:نبشر جزر وخيار ونفتح علبه تونه ونصفي الزيت او الماء (التونه بديل عن السمك او الجمبري النيئ المستخدم في السوشي)
رابعا :نفرد الحصيره بتاعه السوشي (واذامش موجوده نعمل حصيره من ورق الفويل يعني نحط 4رقات ورق فويل 30×20 سم فوق بعض)
خامسا :نفرد الرز علي ورق الفويل ونضغط عليه علشان يبقي زي العجينه المفروده ونضع عليه التونه والخضره علي شكل شريط في اول المستطيل ونبتدي نلف الرز فوقه لغايه ما نعمل رول يكون جوه التونه والخضره ونلفه ببلاستك المطبخ ونتركه قليلا لغايه الكميه كلها ما تخلص
سادسا : نقطع السوشي زي القعل او بطول 5سم يعني الواحده الكامله تعمل 4 او خمس عقل يقدم مع طبق فيه شويه صويا صوص وممكن اضافه شويه شطه للي بيحب الاكل الحار
اتمني اكون وصلت لكم المعلومه .وللعلم ورق النوري موجود في مركز سلطان في قسم الاكلات الاسيويه وكذلك خل الرز موجود في نفس المكان اما الحصيره بتاعه السوشي فهي موجوده في محل توسو في سيتي سنتر السالميه للاخوات اللي مقيمات في الكويت وحاضره لاي سؤال
الروابط المفضلة