السلام عليكم حبيباتي أخواتي في الله
حبيت أكتب لكم قصتي مع الإجهاض حتى بإذن الله ما حدا يتضرر ويوصل المرحلة اللي أنا وصلتها.
أنا كنت حامل شهرين وأسبوع تقريبا أو بالأسبوع العاشر وراجعت دكتورتي حكتلي النبض متوقف والنمو متوقف عند الأسبوع التاسع، ولا حول ولا قوة إلا بالله، وطلبت منها عملية تنظيفات وحكتلي الأفضل ينزل الجنين لحاله، وأنا كنت ميتة من الخوف أشوف منظره بس الدكتورة ما رضيتلي العملية وحكتلي الجنين كتير صغير وبفحصلك الرحم بعد الإجهاض ولو ضل بقايا وكتل دم ما نزلت وقتها بعمللك العملية، وحماتي كان إلها نفس الرأي وحكتلي مافي داعي لعملية وكل النسوان بينزلوا ببيوتهم وعادي، المهم بعد 5 أيام رحت عند دكتورة تانية حتى أتطمن برأي تاني، والدكتورة حكت نفس الإشي وانتظري مدة أقصاها أسبوعين ولو مانزل لحاله بنعمل عملية، روحت يومها وشربت كاسة قرفة لما فقدت الأمل بوجود روح بهالجنين، بعد 5 ساعات سبحان الله بدأ الإجهاض ونزل الجنين وبعده قطع دم متخثر كتير، وضليت 3 ساعات ونصف ينزل مني كتل كبيرة وقطع على فترات، ما بطلع من الحمام أجلكم الله إلا خمس دقايق استراحة وبرجع، وبعد 3 ساعات ونصف بديت أدوخ ويضيق نفسي، وفتت بحالة بإغماء ولما صحيت أخدني زوجي عالمستشفى وحكولي ليش ما إجيتي من أولها! وحكولي لازم عملية تنظيفات وعملتها وارتحت حمدلله...
الخلاصة إنه الأجسام بتختلف بطبيعتها ونصيحة قريبة أو صديقة أو حتى طبيبة ممكن تنفعك وممكن ما تنفعك وبالعكس تضرك كمان، والإجهاض مش تجربة سهلة لا جسديا ولا نفسيا فما تكونوا لحالكم لو متوقعين الإجهاض، والله يديم عليكم الصحة والسلامة.
Sent from my GT-I8190 using منتديات لكي mobile app
الروابط المفضلة