شوفوا هاي وحدة من المتزوجات بمطلق عنده طفلين نقلت لكم قصتها من احد المنتديات عشان ااكد على كلامكم انو ماحد يتحمل عيال حد في ها الزمن

السلام عليكم ورحمه الله وبركانه ..

انا متزوجه من 8 سنين تقريبا ..تزوجت برجل مطلق وعنده طفلين ..وعندي طفل منه وحامل بالطفل الثاني ..مشكلتي من بدايه زواجه دايما تتعلق باطفاله من طليقته ففي بدايه الزواج طليقته كانت تحاول بشتى الطرق ان توتر علاقتنا بمشاكلها وبمحاكمها وبحرمانه من اطفاله متى ما حبت ..فيها كم من التناقضات عمري ما شفت شخص عاقل يحمله ..عموما هي كانت ترسلهم مرات عندنا لفترات على اساس انها ما تبغيهم وبعدها بفتره تروح تاخذهم من المدارس ولانها كانت غير مرتبطه فكانت الحضانه عندها فكانت تتلاعب بالاطفال متى ما حبت..حاليا والحمدلله افتكينا من هالموضوع لانها تزوجت بس لين الحين هي واهلها يختلقون المشاكل لكن بحدود لان الحضانه سقطت عنها ..مشكلتي الحاليه ان زوجي يشتكي من بعدي عنه هالفتره والسبب انشغالي بدراسه اطفاله فالاطفال مستواهم سيئ للاسف وانا لانهم عندي احاول قد ما اقدر ارفع مستواهم..وهو للاسف ما يساعدني في موضوع الدراسه وبحكم اني موظفه ارجع من دوامي واتغدى وادرس الاطفال عشان يمدي اخلصهم ولان المستوى ضعيف فحل الواجبات ياخذ وقت طويل جدا فيضيع اليوم وانا بس ادرس ..احاول اعوضه في الويك اند بس لاني اكون تعبانه من الجهد المبذول طول الاسبوع ومع حملي احس ان طاقتي خلصت ..احس اني ضايعه لان حياتي قبل كانت مرتبه لاني كنت مقسمه وقتي بطريقه صحيحه بين زوجي وعملي وبيتي وطفلي ..حاليا انا قاعده اربي اطفال امهم اهملتهم دراسيا وتربويا لا تعليم ولا سلوك صحيح وهالشي صعب وياخذ وقت بس زوجي مو مستوعب هالشي..ياليت اللي في مثل حالتي تساعدني واللي عندها حل ممكن يساعدني لا تبخل علي فيه ..