كيك البرتقال
دى مشاركتى فى ملف الحمضيات (برتقال و الليمون)
دى كيك البرتقال بصوص الشيكولاته الجميل و على وجه الصوص سودانى مجروش
امتزاج طعم البرتقال بالشيكولاته و السوادانى
ثلاثى من اخطر ما يكون ( يعنى خلى بالك على صوابعك )هههههه
نبتدى المقادير بسم الله
2 كوب دقيق
1كوب سكر( و كوب و ربع لو بتحبيها حلوة زيادة)
نص كوب زيت
3 بيضة
فانيليا
م ك بكنج بودر
بشر برتقالة
كوب الا ربع عصير برتقال
الطريقة
** هنضرب البيض مع الفانيليا و بشر البرتقال فى الخلاط و بعدين هنضيف الزيت
و السكر و نضرب تانى و بعدين هنضيف العصير مع البودر
@ايوا انا بحط البودر مع السوائل و بيدينى نتيجة حلوة
و بعدين هنضيف السائل اللى فى الخلاط للدقيق و نقلب من فوق لتحت عشان التجانس للدقيق مع السائل
** هتدهنى صنية زيت او سمن و ترشيها بالدقيق و تصبى الكيك فى الصنيه و تدخليها الفرن اللى طبعا
لازم نكون مشغلينه من بداية عملنا فى الكيك
و بعدين لما تستوى و تخرج و نسيبها تبرد نضع عليها صوص
الشيكولاته و مكوناته كالتالى
مقاديره هى
@ 2 معلقة سمن
@2 معلقة دقيق
@ 2 معلقة كاكاو خام
@ 5 معالق سكر
@ كوب الا ربع لبن او مزيج من الماء و اللبن
الطريقة
هنسيح السمن الاول و بعدين نحط الدقيق على السمن و نقلب كويس لحد ما يمتزجوا
و بعدا كدا هنط الكاكو و اللبن و السكر و نقلب باستمرار لحد ما تمتزج المكونات كلها مع بعض
بعد كدا هنسيبه بيرد و نحطه على وش الكيك زى كدا و بعدين نرش على الوجه سودانى مجروش
يا رب موضوعى البسيط يعجبكم
فى رعاية الله اخواتى
احبكم فى الله
الروابط المفضلة