كتبت بواسطة
* ام ميدو *
أصعب مشهد في حياتي ...
بتذكر يوم جدا صعب بحياتي ما بنساه بعمري يا خواتي بعمررررري ... المشهد حقيقي مو خيالي صار معي فعلا واقعيا ..هذا بيوم زوجي كان عنده رحلة مع أصدقاءه كل سنة مرة ليلية في بيارة كبيرة وبيتعشوا شوي وبيتسامروا وبيناموا هناك ليلة كلهم سوا .. قلت له سهل الله دربك وما شاء الله أغلب أصدقاءه من حفظة كتاب الله ..طلع وأخذ معه أغراض الرحلة ..
الليلة هاي راح أنام لوحدي نيمت الاولاد بدري قلت أرتاح شوي وأقرا كتاب ..اتصفح ..الخ فجأة قطعت الكهرباء ..بحثت في المنزل على شمعة الى أن وجدت شمعة وأشعلتهابغرفتي ونمت ..قلت الكهرباء قطعت انام بدري أحسن لأنو ما راح تجي الا تاني يوم ..
بصراحة مع قطعة الكهرباء ليلا بيصير الواحد يخاف ..خاصة انو زوجي مو بالبيت .... قلت أنام أحسن ..نمت الحمدلله ...
فجأة بنص الليل الساعة تقريبا 2 ليلا سمعت صوت في داخل غرفتي (متل حدا بيجر كرسي أو شي) ببطء ...خفت جدا
وبقيت تحت الغطاء في السرير ارجف واقول أذكار ...شو هادا يارب ..
المشكلة انو الشمعة طفت ..دابت وخلصت ولازم أقوم واتحرك لحتى احضر شمعة أخرى ..المهم بقيت ثابتة دقائق ...بعدها قلت لا ..لازم أتحرك وارفع راسي اشوف من وين مصدر هالصوت
يمكن ابني صحي من النوم وقاعد عالارض بغرفتي ؟؟!! ممكن عطشان أو شي ..
مسكت جوالي كان جنبي وضويت فيه اشوف (كل فكري ابني )
عارفين شو لقيت أمامي ؟؟؟!!!
^
^
^
^
^
^
لقيت عيون بتضوي بعيوني
ارتعبت
خفت
رجفت
اطلعت كمان مرة لكون غلطانة بالنظر !!!!
لقيت عيون بتبرق بعيوني
غطيت راسي وانا خايفة وأقول أذكار (سبحانك لا اله الا انت اني كنت من الظالمين ) (يا مغيث يارحمن ) ...الخ
بعد شوي
سمعت صوت مواء قطة
حمدت الله انها قطة ولم تكن انسان أو حرامي ..
نظرت اليها عند اقترابي منها واذ بها قطة غير عادية ..
قطة من النوع الشرس
بيضاء اللون وحجمها كبير جدا عن حجم 4 قطط ومخيفة فعلا ...
اتصلت بزوجي على الفور
قلت له : في غرفتي توجد قطة الحقني ...
قلي : بتخافي منها ؟؟ حاولي تخرجيها من المنزل ؟؟
قلت له : لابد وان تأتي ...
قال : ماشي ولا يهمك ..
وترك الرحلة المسكين واجا ...
كنت خائفة جدا ليس من القطة فحسب ..بل من المشهد السابق (الحركة _العيون اللامعة في الظلام ..الخ
جاء زوجي بسرعة وحمل القطة وأخرجها من الشقة فورا ..
حيث كانت قد دخلت المنزل عند خروج زوجي منه دون درايته بصراحة بعمري ما بنسى هالمشهد بحياتي ...
الروابط المفضلة