أهلا بيكم يا حبيباتي
اليوم وأنا باتمشي في الشقه لقيت الجو حر قلت أقعد قدام المروحه شويه
وبصيت عليها لقيت شكلها مش عاجبني قلت لها يلا يا حلوه جهزي نفسك الدور عليكي النهارده في التنظيف
وطبعا بما إن عندي قطه حلوه مطلعه عيني لقيت شعرها في المروحه
تعالوا نشوف مع بعض ...دي صوره للمروحه من الخارج
شايفين التراب الوحش عامل ازاي
ودي صوره للريشات بتاعت المروحه شايفين التراب
ودي صوره لظهر المروحه وعليها شعر القطه وكمان التراب
ودي صوره للقاعده بتاعت المروحه
فكيت المروحه وأخدتها علي الحمام جررري وجبت فرشاه التنظيف وبدأت أنظف شعر القطه
شوفوا شعرها اللي طلع من الفرشاه
وجبت منظفاتي " ديتول - صابون سائل - منظف عام "
مليت الطبق مياه وحطيت فيه المنظفات
وبعدين حطيت أجزاء المروحه ونظفتهم بالليفه كويس
وبعدين حطيتهم علشان يتصفوا علي فوطه
وبدأت أنشفهم بفوطه قطن
والأجزاء الصغيره نظفتها بقطن الأذن
انتظروني غالياتي لنكمل معا
الروابط المفضلة