ما شاء الله تبارك الرحمن
وأنا مبتدئه يا أبله
نبغى الشرح خطوة خطوة
للبحث في شبكة لكِ النسائية:
|
ما شاء الله تبارك الرحمن
وأنا مبتدئه يا أبله
نبغى الشرح خطوة خطوة
بصى يا قمر
أهلاً بيكى
طالما انتى مبتدئة
الشال ده مناسب جداااااااااااااااا ليكى
لأنه عبارة عن عدل ومقلوب وآخر بساطة
ان شاء الله تابعى معايا وانا هأشرح بالتصيل الممل
ماشى يا قمر
دلوقتى عندك خيط كفاية (حوالى 500جم، وممكن 400 جم لو مش عايزاه عريض اوى) ومحتاجين ابر مناسبة للخيط بتاعك
لو مش عارفة بيبقى مكتوب على الشلة حجم الابر المناسبة
يلا شوفى وقوليلى
طيب ان شاء الله عشان نبدأ
لازم نحدد هنبدا بكام غرزة عشان نوصل للعرض المطوب
قاعدة عامة:
نعمل عينة من الغرزة المطلوب التنفذ بيها
وبعدين نقيس أبعادها طول وعرض عشان نحسب عدد غرز البداية
ماشى حلوات
الغرزة الأساسية هى غرزة الـ Basket Weave
ودى صورتها
فالمطلوب دلوقتى ان كل واحدة تطبق الغرزة فى عينة من الخيط اللى هتعمله الشال وكمان بنفس الابر
ماشى يا قمرات
لغاية كدة فيه مشاكل
انا راح اكمل بكرة معاك
ماش
لان بكرة عندي دوام
تصبحوا على خير
شرح غرزة الـ Basket Weave:
الغرزة بتتكون من مضاعفات العدد 12 + 8
وهى عبارة عن 8 أسطر
ما تنسوش اننا بنرمز دايماً للغرزة العدلة بالرمز (ع)، والغرزة المقلوبة بالرمز (م)
السطرالأول:
(خلف الشغل)
كله مقلوب
السطر الثانى:
(8 م - 4 ع) - يكرر ما بين القوسين وينتهى السطر بـ 8 م
السطر الثالث:
(8 ع - 4 م) - يكرر ما بين القوسين وينتهى السطر بـ 8 ع
السطر الرابع:
(8 م - 4 ع) - يكرر ما بين القوسين وينتهى السطر بـ 8 م
السطر الخامس:
كله م
السطر السادس:
2م (4 ع - 8 م) - يكرر ما بين القوسين وينتهى السطر بـ 4 ع - 2 م
السطر السابع:
2ع (4 م - 8 ع ) - يكرر ما بين القوسين وينتهى السطر بـ 4 م - 2 ع
السطر الثامن:
2م (4 ع - 8 م) - يكرر ما بين القوسين وينتهى السطر بـ 4 ع - 2 م
متهيأ لى ما فيش أسهل من كدة
ملحوظة:
العينة اللى أنا عملتها 32 غرزة وكررتها مرتين (يعنى 16 سطر)
ماشى يا بنوتات
دلوقتى كلنا ان شاء الله هنطبق عينة من الغرزة زى ما اتفقنا
أهم حاجة تكون بنفس الخيط اللى هنعمل بيه الشال
وبنفس الابر اللى هنستخدمها فى العمل
عشان ان شاء الله هنحدد على أساسها عدد الغرز اللى هنبدا بيه العمل
انشاء الله
فى انتظار التطبيقات
وأى استفسار أنا حاضرة ان شاء الله
بارك الله فيكن جميعاً
موفقات ان شاء الله
مستري ياغاليه
الشال تحفه وشرحك جميل والله
باذن الله ورشه موفقه ياقمر
الروابط المفضلة