ღ♥ وصفة مبتكرة ღ♥♥ღ♥ تورتتى المعتمده بالخطوات المصوره ♥ღ♥
سبحان الله و الحمد لله و لا إله إلا الله و الله أكبر و لا حول و لا قوة إلا بالله
عملتلكو النهارده تورتايه جديده يارب تعجبكو
المقادير
6 بيضات
ملعقة فانيليا-ملعقةبيكنج بودر
كوب دقيق
كوب سكر
الطريقه بالتفصيل والصور
انا بطلع البيض من التلاجه وافصل الصفار عن البياض واسيبه لحد ما يصل لدرجة حرارةلغرفة أحط نصف كوب السكر على البياض نصفها التانى عل الصفار و الفانيليا برضه اقسمها على البياض والصفار
البياض أضربه بمضرب البيض على سرعة بطيئه وبعدين سريعة لحد ما يتحول فى الأول لرغوه وبعدين يبقى زى الكريمة اللى هو بيتسمى المارينج وأضيفله ملعقتين عصير ليمون علشان يتماسك كويس
أضرب الصفار برضه بالمضرب على سرعه بطيئه وبعدين سريعة وأضيف له ملعقة مايه لحد مايبقى كريمى
وبعدين أحط البياض على الصفار
اضيف للخليط الدقيق و البيكنج بودر بالتناوب شويه شويه مع الاستمرار فى الضرب بالسرعة البطيئه بس
وطبعا اكون مشغله الفرن من قبل لما أبدأ على180درجة و محضره صينية احط فيها ورق زبده او احط فيهاطبقة زيت و فوقها طبقة دقيق واشيل الدقيق الزياده بأنى اخبط على الصينية علشان ينزل الدقيق الزياده.
أصب الخليط فى الصينية واحطها فى الفرن لحد ماتستوى و أسيبها شوية فى الفرن لحد ما تبرد و بعدين أطلعها تبرد خالص
أبدأ اقسمها نصفين أو تلاتة وأحط كريم شانتيه فى النص وعلى وشها وأذوق بأى فاكهة عندى طبقات علشان تدى شكل ورده وكل ما كانت الالوان اكتر كل ماكانت احلى
بعد ما بأحط الفاكهه بأسقيها بالجيلى الشفاف علشان الفاكهه تفضل فريش
وبألف هنا
و لو عايزين تشوفوا أشكال من التورت اللى عملتها هتلاقوها هنا
يارب تكون عجبتكم يا قمرات
رد مع الاستدلال
الروابط المفضلة