النهاردة جبت ليكم وصفةللبشرة الدهنية
كل بنوتات البشره الدهنيه بتعاني من زيادة افراز الدهون ووجود شوائب نتيجة الاتربه وبالتالي مافيش نضااره - وطبعا سريعة الاسمرار وخاصة لو بشرتك قمحيه هيبان فيها التاثير بسرعه - كل ده كنت بعاني منه
كل الحكايه يابنوتات ان لها طبيعتها الخاصه وبالتالي طريقة عنايه خاصه بيها وباذن مع المتابعه هتقل المشاكل اللي ممكن نقابلها
واهم شيء طريقة عنايتك والمنتجات المناسبه
بمعني كل المنتجات oil free او لو غسول للبشره الدهنيه
ثانيا طريقة عنايتك
البشره الدهنيه تحتاج للتنضيف باستمرار يوميا مش اقل من 3 مرات بغسول للبشره الدهنيه ياريت يابنات مش صابونه لان الغسول مناسب لبشرة الوجه لانها حساسه وبيقوم بدوره افضل من الصابون
وممكن برضه تحتفظي بغسول مقشر بحبيبات للتنضيف الاعمق مرتين في اليوم واحده فيهم قبل النوم مباشرة بس تستخدميه صح ازاي
تشطفي ايدك ووشك اولا وبعدين وهو مبلول تحطي الغسول علي بشرتك وتدلكي بحركات دائريه لثواني كويس جداا
والخطوه الاولي يا بنوتات دي كانت اهم خطوه واظبتي عليها كل العنايه بعد كده هتتبني صح
بعد التنظيف لازم نرطب وتغزيه بكريم ترطيب للبشره الدهنيه - والترطيب مهم جدا للبشره الدهنيه بعكس مانتوقع لان الترطيب مش دهون وبس
افضل مرطبات سريعه الامتصاص كان جونسون وترطيبه عالي - وبستخدم ايفا بالعسل
نيجي للاسكراب او السنفره - البشره الدهنيه اكتر بشره بتحتاج للسنفره بتشيل الجلد الميت والدهون والاوساخ بتسيب بشرتك نضيفه وطبعا جافه لانها بتتخلص من كل الدهون
استخدمي منتج كويس ومش اقل من مرتين اسبوعيا
وبعدها لازم ترطيب
وممكن بقي تدلعي نفسك بالماسكات اسبوعيا - لان الطبيعي يكسب -
- وفي ماسكات ممكن تشتريها ومابستغناش عنها - ماسك الطمي المغربي وماسك النعناع واسكراب المشمش - كلهم ماسكات تنضيف يا بنوتات
وماسك تغزيه عسل وزبادي مره في الاسبوع
وبلاش ترهقي بشرتك بكتر الماسكات لو هتعملي ماسك سنفره ماتعمليش تنضيف
التغزيه مرتين في الاسبوع
- نيجي بقي لاهم مشكله حب الشباب وانا من الناس بيطلع لهم حبوب باستمرار
في الفتره دي مانستخدمش اي ماسكات او مرطبات لبشرتنا
نكتفي بغسول للبشره الدهنيه 3 مرات في اليوم وصابونه مضاده للبكتريا مابستغنش عنها اسمها دورين مرتين في اليوم
ولو حب الشباب بزياده اشربي كوب ليمون ومعلقتين خميره علي الريق طبعا بتنقي الدم والبشره - وبشرتك هتتحسن جدا في اقل من يومين
ودي يابنات طريقة العنايه المناسبه للبشره الدهنيه واي استفسار انا معاكم
انا تعبت في الموضوع يا بنوتات لو عجبكم قيموه وبالتوفيق
الروابط المفضلة