للبحث في شبكة لكِ النسائية:
|
السلام عليكم ورحمة الله وبركاته
صحة شريبة جماعة ماليزيا اما احنى صحتنا مازال ههههههههههه
والله مبسوطة من كيتى اللي دارت فركاسي البصل على فكرة انى درت حجمه كبير وكل طرف قسمته بين اتنين باش طلع زي القارب والف مبروك علي حماتك والعقبالك وصفيراتك كل صفرة احل من اللي قبلها
ومبسوطة ايضا من ابريكا اللي دارت عين الصبيه صحتين عليكم جميعا وزعما شنى كانت قصة العصباااان ؟
نشكر كيتى اللي جابت الطريقه لي ام تبارك الله ويا حي الله من جانا
اما ماما الاء فنقوللها الله يسامحك علي الحاجات الحلوة هادى مساكين الاولاد بياكلوه مسموم الحلويات كخخخخخخخ عينى عليهم واما فركاسي البصل عنده شعبية كبيرة شكله للعلم الطريقه في كراستى من الابيض والاسود وماجربتهاش الا العام هادا بس جاب الدورة شكله
اما حنونة اللي سالتنى امس علي طريقه الفركاسي في الكوشة اللي نتحدى بيه ايي فركاسي ههههههههه كنت بنكتبلك الطريقه بس سكرو الملف هداكا وقعدت اندور زي الزربوت وين بنكتب الطريقه واهو فتحت كيتى الملف هادا وتوا نكتبهالك الطريقه حتى اهنى
فركاسي في الفرن بطريقة ام السنفور
2كوب دقيق - ربع كوب حليب دافي - ربع كوب زيت - ملح شوي سكر - نصف ملعقه كبيرة خميرة بيرا - بياض بيضة
تعجن المقادير السابقه بي ماء دافي حتى تكون لدينا عجينة متماسكة ماتكونش رطبة وتغطيها لين يضاعف حجمها
وبعدين تقرصيها اقراص صغيرة وتحطي في طاجين وتدهنى الوجه بصفار البيض او حليب وترشي جلجلان وتخليها شوي باش ترتاح في طاجينها واطيبيها في فرن ساخن لين اطيب
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
اما اليوم شكلى بندير ملسوقه وخاطري بنجرب الحريرة مع تشجيع الشمبير فا بنديرها بطريقه اختى امس اعطتهالي في الماسنجر ولقيمات واشبح شنى بندير تانى ربي يسهل
ام جنى سفهوك في الفركاسي ههههه صحتين مقدماا
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
بارك الله فيكم جميعا
منورة ام جنى بديري الملصوقة ربي يستر بالله ديريها باهية ماتحشمينيش هههههههههههه
و كنهدا بجيبك لمطبخي و مش راداتك للعزيز ليين تصدف معاك خخخخخخخخخخخخخ
ام السنفورة منورة بفركسي التحدي هههههه توة انجربه ان شاء الله اليوم ماعادش فيها وقت عليا
بس قوليلي هو نفسه اللي داراته كيتي بالبصل؟؟؟؟
و كان جاتك الحريرة قنينة اعطيني طريقتها و انديرها بعد رمضان ههههههه
السلام عليكم ....... وكل عام وانتم بخير وان شاء الله ياربمن المقبولين
والله بجد تباررك الله عليكم والله ترفعو الراس بجد كيتي و وماما الاء . وسنفوره |. وحنونه وبريكه. وارنوسه . وجبيبة زوجها وبجد كلكم كلكم ... انا راهو لي يومين بس انجصل في النت وزي المهبوله نجري في الصفحه هده وهده ولقيت في اجزاء تبارك الله.... حي عليا من كيتي تو تفنص اتقولي مش مكان تهدريز
لكن بالله كيتي عندي طلب ياريت اتقوليلي كيف ادير في المبطن في الفرن وياريت كان عندك صورته لاني جربت امس في الفرن مشي لصق في الطاجين
وطلب من ام السنفور اعطيني طريقة العجينه السجريه متع البصل وياريت كان في صوره ومشكورين
السلام عليكم كيف حالكم كلكم فردا فردا حبيبتى ام السنفور كم مره طلبت منك طريقة الكبة الكدابيه ما ردتيش شن السبب لكن مسمحتك
ماشاء الله ع ألو و أحمد كبر ماشاء الله ويدير في عزومات
ربي يوفق الدكتورة ويخليهالكم لين تفرحوا بها
وحني نفرحوا بيك
لك مني
بسم الله ماشاء الله شن الحكايه انغيب يوم نلقي جزء تالت معاش لحقت علي شي الوقت اهني مسحور في رمش العين يوم فات ويوم جديد
ربي يحفظ الجميع ويحفظ صحيحتكم
حنونه الاء كيتي شن هلحاجات علي قولة ابريكه صقع بسم الله ماشاء الله ربي يعطيكم الصحه حتي التعليق شويه فيكم
ياام السنفون الله اسلمك واكيد توا فطرتي فصحه شريبتك ياحلوه وصفاتك كلها ماشاء الله
جميع العويله التانيه فردا فردا كلكم ماشاء الله حتي الي ميصورش الحق يعطي الوصفه واحنا عاد نتخيلؤ ههههههههه سلم ايدياتكم
الاء التشيز كيك تحفه خلاص اني معاد عندي منقول نتفرج وخلاص
كيتي يا جامعتنا بالملف
الله يعطيك مافي خاطرك
وصفرك ديمة يفتحو النفس
الاااااااء
شنو اللي نزلتية يعطيك الهناء
جوعتيني بهالحلو
ام السنفور
توة تعلمت منك حاجتين
وكان جربت فركسي البصل انخبرك
قصة العصبان
هذا من المحلات العربية جاهز نظيف وكل شي
مجرد تغسية عالخفيف تحولي الملح عليه
وتحشي
القيتة ساهل وزوجي يحبة
وهو من ولاية اريناس لما جونا زيارة بارك الله فيهم جابولنا كيس مليان
غير عصبني يابريكه
هههههههههههههههههههه
واني ما صدقت
حنونة
ماشاء الله عليك وعلي ابدعاتك
تعالي بنخبرك علي الكبسة المبخرة
بعد اذن حبيبتنا حبيبة زوجها
في سبها نسمو فيها
رز خلطة المحشي
والرز اللي نديرو فيه ليها رز الحبة الطويلة بسمتي
حتى يطلع منظرة حلو والرز محافظ علي شكلة
واديريها باي نوع لحوم طبعا ماعدا السمك
تاخذي اللحم اتبلية بالبهارات وتحطية في الكسكاس
وتجهزي الرز ودبايرة
وتحطية عاللحم
وطبعا تكون المية جاهزة وتغلي
وغمي عليه ماتحركي الا بعد ربع ساعة تحريك بسيط
كان دجاج مش ح ياخذ وقت
طول حطي الدجاج وعليه خلطة الرز
وكان لحمك التاني كبير
لما تحطي اللحم خليه ربع ساعة عالكسكاس
او نص ساعة بعدين حطي الخلطة الرز
وماتخافيش مش ح يذوب الرز
وان شاء الله حبيبتنا تعطيك طريقتها
غيدونا
وينك ووين صفرك لك وحشة
ام سوما
دبري حل للكميرا وماتحرمينا من جديدك
وعلي فكرة ردي علي استفساراتنا علي كفتة الباشاميل
حطيت استفساري بموضوع الكفتة
عنود الصحراء
هلت الانوار وين هالغيبة
شاركينا باطباقك
لولو
انستينا وبانتظار اطباقك
التائبة لله
اعتقد نزلتها ام السنفور في الملف السابق
لكن ح تعاودها لك اكيد
وكل اللي معانا واللي ح ينظمو لينا
ننصحكم تشاركونا لان هالملف فيه استفادة كبيرة
والشكر للغالية كيتي
حبيبتنا حبيبة زوجها
بانتظار تنسيقك لكوب الحلو
آخر مرة عدل بواسطة ابريكه : 26-08-2010 في 09:39 PM
[/CENTER]
ماشاء الله اخت كيتي علي الصفيرات يهبلوا بالله عليك كيف طريقه خبزه الخضره راهوا منظرها حكايه تجي في الخاطر
الروابط المفضلة